ການ​ລ້ຽງ​ໝູ​ຂຸມ

ການ​ລ້ຽງ​ໝູ​ຂຸມ - 756 - ການ​ລ້ຽງ​ໝູ​ຂຸມ
ການ​ລ້ຽງ​ໝູ​ຂຸມ - 174233 - ການ​ລ້ຽງ​ໝູ​ຂຸມ

ຮຽບຮຽງ​ໂດຍ: ປິ່ນ​ທອງ ທຳ​ມະ​ວົງ

  1. ຫລັກການ​ໃນ​ການ​ສ້າງ​ຄອກ.
  2. ຕ້ອງ​ກະກຽມ​ອຸປະກອນ​ສ້າງ​ຄອກ​ໃຫ້​ຄົບ.
  3. ການ​ຕັ້ງຄອກ​ຕ້ອງ​ປິ່ນ​ໜ້າ​ໄປ​ທາງ​ທິດຕາ​ເວັນ​ອອກ, ​ເພື່ອ​ໃຫ້​ແສງ​ແດດ​ເຂົ້າ​ເຖິງ​ດ້ານ​ຂ້າງ ​ໃນ​ຄອກ.
  4. ຄອກ​ແມ່ນ​ຕັ້ງບ່ອນ​ທີ່​ນ້ຳບໍ່ຖ້ວມ ​ແລະ ນ້ຳບໍ່​ຂັງ.
  5. ສະຖານ​ທີ່​ຕັ້ງຕ້ອງ​ກວ້າງ, ມີ​ອາກາດ​ຖ່າຍ​​ເທ​ໄດ້​ດີ.
  6. ຄອກ​ຕ້ອງຕັ້ງຫ່າງ​ຈາກ​ເຮືອນ​ປະມານ 50-60 ​ແມັດ.
  7. ຂະໜາດ​ຂອງ​ຄອກ.
  8. ຖ້າ​ເຮົາ​ລ້ຽງ​ໝູ​ຈຳນວນ 5-7 ​ໂຕ​ແມ່ນ​ສ້າງ​ຄອກ​ຂະໜາດ 2X4 ​ແມັດ (ກວ້າງ 2 ​ແມັດ, ຍາວ 4 ​ແມັດ).
  9. ຖ້າ​ເຮົາ​ລ້ຽງ​ໝູ​ຈຳນວນ 10-12​ໂຕ ​ແມ່ນ​ໃຫ້​ສ້າງ​ຄອກ​ຂະໜາດ 3X6 ​ແມັດ (ກວ້າງ 3 ​ແມັດ, ຍາວ 6 ​ແມັດ).
  10. ການ​ສ້າງ​ຄອກ​ໝູ.
  11. ກະກຽມ​ໄມ້, ຫຍ້າ​ມຸງ, ​ເຫລັກ​ຕະປູ ​ແລະ ອື່ນໆ ທີ່​ມີ​ຄວາ​ມ​ຈຳ​ເປັນ.
  12. ຕ້ອງສ້າງ​ຄອກ​ຕາມ​ຂະໜາດ​ທີ່​ເຮົາ​ຈະ​ຕ້ອງການ​ບັນຈຸ​ໝູ​ເຂົ້າຢູ່.
  13. ວິທີ​ການ​ຂຸດ​ຂຸມ.
  14. ​ໃຊ້​ໄມ້​ແມັດ​​ແທກ​ຂະໜາດ​ຂຸມ​ທີ່​ຕ້ອງການ​ແລ້ວ​ໃຊ້​ຈົກ​ຂຸດ​ເປັນ​ຮ່ອງ​ໝາຍ​ໄວ້.
  15. ​ເມື່ອ​ໝາຍ​ແລ້ວ​ແມ່ນ​ໃຫ້​ຂຸດ​ຕາມ​ຮ່ອງ​ທີ່​ເຮົາ​ໝາຍ​ໄວ້​ນັ້ນ
  16. ຂະໜາດ​ຂອງ​ຂຸມ​ແມ່ນ ກວ້າງ​ອີງ​ຕາມ​ການ​ບັນຈຸ​ໝູ​ໃສ່ ​ແລະ ​ເລິກ​ແມ່ນ 90 ຊັງ​ຕີ​ແມັດ.
  17. ​ໃນ​ເວລາ​ຂຸດ​ແມ່ນ​ໃຫ້​ແບ່ງ​ເປັນ 2 ສ່ວນ​ຄື:

ການ​ລ້ຽງ​ໝູ​ຂຸມ - 569 2 - ການ​ລ້ຽງ​ໝູ​ຂຸມ

+ ສ່ວນ​ທີ່​ໜຶ້ງ​ຂຸດ​ເລິກ​ຈາກ​ໜ້າດິນ​ລົງ​ໄປ 40 ຊັງ​ຕີ​ແມັດ ກອງ​ໄວ້​ຢູ່​ຂ້າງ​ໜຶ່ງ (ຊັ້ນໜ້າດິນ).

+ ກ່ອນ​ຈະ​ຂຸດ​ສ່ວນທີ່​ສອງ​ແມ່ນ​ຂຸດ​ເປັນ​ພັກ​ເຂົ້າ​ໄປ​ຈາກ​ຂຸມ​ເຂົ້າ​ໄປ 20 ຊັງ​ຕີ​ແມັດ ​ແລ້ວ​ຈິ່ງ​ຂຸດ​ໃຫ້​ເລິກ​ລົງ​ໄປ 50 ຊັງ​ຕີ​ແມັດ ກອງ​ໄວ້​ອີກ​ຂ້າງ​ໜຶ່ງ (ຊັ້ນດິນ​ລຸ່ມ)

  • ຂະໜາດ​ຂອງ​ຂຸມ​ຈະ​ມີ​ຄວາມ​ເລິກ​ຈາກ​ປາກ​ລົງ​ໄປ​ຫາກົ້ນຂຸມ​ປະມານ 90 ຊັງ​ຕີ​ແມັດ.
  • ຝຸ່ນ​ທີ່​ຕ້ອງການ​ປະກອບ​ມີ:
  • ຂີ້​ແກບ​ຈຳນວນ 10 ​ເປົາ ຫລື ​ເທົ່າ​ກັບ 300 ກິ​ໂລ.
  • ​ເກືອ 2 ກິ​ໂລ.
  • ນ້ຳໜັກ​ຈຸລິນ​ຊີ (​ໃຊ້​ໃນ​ອັດ​ຕາ​ສ່ວນ 5 ບ່ວງ​ແກງ​ຕໍ່​ນ້ຳ 10 ລິດ).
  • ປູນ​ຂາວ (ສຳລັບ​ກຳຈັດ​ເຊື້ອລາ​ທີ່​ບໍ່​ເປັນ​ປະ​ໂຫຍ​ດ)
  • ຖ່ານ​ດຳ 50 ກິ​ໂລ ທູບ​ໃຫ້​ມຸ່ນ​ລະອຽດີ (ປ້ອງ​ກັນ​ບໍ່​ໃຫ້​ມີ​ກິ່ນ​ເໝັນ).
  • ​ໃຫ້​ນຳ​ມາ​ປະສົມ​ເຂົ້າກັນ​ລະອຽດ​ແລ້ວ​ເອົາ​ນ້ຳປະສົມ​ນ້ຳໝັກ​ຈຸລິນ​ຊີ​ມາ​ຫົດໃນ​ເວລາ​ຄົນ​ແຕ່ລະຄັ້ງບໍ່​ໃຫ້​ກອງ​ຝຸ່ນ​ນັ້ນປຽກ​ເກີນ​ໄປ ​ໃຫ້​ຢູ່​ໃນ​ລະດັບ​ຊຸ່ມ​ພໍດີ.
  • ຈາກ​ນັ້ນ​ແມ່ນ​ໃຫ້​ແບ່ງ​ອອກ​ເປັນ​ສອງ​ສ່ວນ
  • ວິທີ​ການ​ປະສົມ​ຝຸ່ນ​ລົງ​ໃສ່​ຂຸມ
  • ນຳ​ເອົາ​ຝຸ່ນ​ມາ​ປະສົມ​ເຊ່ັນ: ຂີ້​ແກບ, ​ເກືອ, ປູນ​ຂາວ ​ແລະ ຖ່ານ​ດຳ, ຄົນ​ໃຫ້​ເຂົ້າກັນລະອຽດດີ​ແລ້ວ​ແບ່ງ​ອອກ​ເປັນ 2 ສ່ວນ​ຄື:

+ ຝຸ່ນ​ສ່ວນ​ທີ​ໜຶ່ງ​ແມ່ນ​ນຳ​ມາປະສົມ​ກັບ​ກອງ​ດິນ 1 (ຊັ້ນໜ້າດິນ) ​ແລ້ວ​ຄົນ​ໃຫ້​ເຂົ້າກັນດີ ຈາກ​ນັ້ນ​ແມ່ນ​ໃຫ້​ເອົາ​ລົງ​ຂຸມ, ​ແລ້ວ​ນຳ​ເອົາ​ປູນ​ຂາວ​ມາ​ໂຮຍ​ທາງ​ໜ້າ​ໃຫ້​ທົ່ວ, ຈາກ​ນັ້ນ​ແມ່ນ​ນຳ​ເອົາ​ນ້ຳປະສົມ​ຈຸລິນ​ຊີ​ມາ​ຫົດ​ໃຫ້​ຊຸ່ມ.

ການ​ລ້ຽງ​ໝູ​ຂຸມ - Wave100S AD to Website 2020 0 - ການ​ລ້ຽງ​ໝູ​ຂຸມ
ການ​ລ້ຽງ​ໝູ​ຂຸມ - 669 1 - ການ​ລ້ຽງ​ໝູ​ຂຸມ

+ ຝຸ່ນ​ສ່ວນ​ທີ​ສອງ​​ແມ່ນ​ນຳ​ມາ​ປະສົມ​ກັບ​ກອງ​ດິນ​ທີ່

2. (ຊັ້ນດິນ​ລຸ່ມ) ​ໃຫ້​ເຂົ້າກັນ​ລະອຽດ​ດີ, ຈາກ​ນັ້ນ​ແມ່ນ​ໃຫ້​ເອົາ​ລົງ​ໃສ່​ຂຸມ​ແລ້ວ​ນຳ​ເອົາ​ນ້ຳຈຸລິນ​ຊີ​ມາ​ຫົດ​ຕື່ມ​ອີກ​ໃຫ້​ປຽກ​ຊຸ່ມ​ພໍດີ.

+ ​ເມື່ອ​ເຮັດ​ສຳ​ເລັດ​ແລ້ວ​ແມ່ນ​ໃຫ້​ແອ້ມ ​ແລະ ມຸງ​ຄອກ​ຕາມ​ຂະໜາດ​ທີ່​ເຮົາ​ຕ້ອງການ.

+ ຈາກ​ນັ້ນປະ​ໄວ້​ປະມານ 1 ອາທິດ ຈິ່ງ​ນຳ​ໝູ​ເຂົ້າ​ໄປ​ບັນຈຸ​ໃສ່​ໃນ​ຄອກ​ດັ່ງກ່າວ.

ການ​ລ້ຽງ​ໝູ​ຂຸມ - 4456 - ການ​ລ້ຽງ​ໝູ​ຂຸມ
  • ຄຸນ​ປະ​ໂຫຍ​ດຂອງ​ການ​ລ້ຽງ​ໝູ​ຂຸມ.
  • ​ເມື່ອ​ນຳ​ໝູ​ອອກ​ຂາຍ​ແລ້ວ ຝຸ່ນ​ຢູ່​ໃນ​ຄອກ​ສາມາດ​ນຳ​ໄປ​ເປັນ​ຝຸ່ນ​ໄດ້.
  • ​ເປັນ​ຝຸ່ນ​ໃສ່​ຕົ້ນ​ໄມ້​ໃຫ້​ໝາກ.
  • ​ໃສ່​ພືດ​ສວນ​ຄົວ.
  • ​ໃສ່​ໄມ້​ປະດັບ.
  • ​ໃສ່​ເຂົ້າ​ໃນ​ນາ ​ແລະ ອື່ນໆ ​ໃນ​ວຽກ​ງານ​ປູກຝັງ.

ການ​ລ້ຽງ​ໝູ​ຂຸມ - 723 - ການ​ລ້ຽງ​ໝູ​ຂຸມ
ການ​ລ້ຽງ​ໝູ​ຂຸມ - WhatsApp Image 2020 05 27 at 5 - ການ​ລ້ຽງ​ໝູ​ຂຸມ
error: Alert: ເນື້ອຫາຂ່າວມີລິຂະສິດ !!