ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ”

ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ” - 211 - ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ”
ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ” - 174233 - ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ”

     ນາຍົກ​ໄຕ້​ຫວັນ ​ແນະນຳ​ປະຊາຊົນຊື້​ເຄື່ອງ​ໃຫ້​ຫລາຍ​ທີ່​ສຸດ​ເທົ່າ​ທີ່​ຈະ​ຫລາຍ​ໄດ້​ຊ່ວງ​ໄວຣັສລະບາດ ອ້າງ​ສິນຄ້າ​ມີ​ຫລາຍ ຊ່ວຍ​ໜຸນ​ເສດຖະກິດ.

     ​ໄຕ້​ຫວັນ​ມີ​ລາຍ​ງານຜູ້​ຕິດ​ເຊື້ອ​ໄວຣັສ​ໂຄ​​ໂຣນາ​ພຽງ 108 ຄົນ ຕົວ​ເລກ​ເພີ່ມ​ຂຶ້ນມາ​ໃນ​ໄລຍະ​ບໍ່​ເທົ່າວັນ​ຫລັງ​ຈາກ​ຄົນ​ທີ່​ເດີນທາງ​ກັບ​ຈາກ​ຕ່າງປະ​ເທດ ​ເຮັດ​ໃຫ້​ບາງ​ຄົນ​ຕ້ອງ​ຟ້າວ​ໄປ​ຊື້​ເຄື່ອງ​ມາຕຸ​ນ​ໄວ້ ​ເຖິງ​ວ່າ​ລັດຖະບານ​ແຈ້ງວ່າ: ບໍ່​ຕ້ອງ​ແຕກ​ຕື່ນ ​ແລະ ​ໃຜ​ກັກ​ຕຸ​ນສິນຄ້າ​ນຳ​ມາ​ຂາຍ​ເກັງ​ກຳ​ໄລ​ຈະ​ຕ້ອງ​ຖືກ​ລົງ​ໂທດ.

     ​ແຕ່​ນາຍົກລັດຖະມົນຕີ ຊິ ​ເຈິ້ງຊາງ ມາ​ແປກ ​ໂພສ​ເຟສບຸກ​ໃນ​ຄືນ​ວັນ​ທີ 19 ມີນາ ​ໃນ​ຫົວ​ຂໍ້ “ຊື້​ໃຫ້​ຫລາຍ​ທີ່​ສຸດ​ເທົ່າ​ທີ່​ຈະ​ຫລາຍ​ໄດ້ ສິນຄ້າ​ມີ​ຫລາຍ” ​ໂດຍ​ອະທິບາຍ​ວ່າ: ນີ້​ເປັນ​ໄລຍະ​ເວລາ​ໃນ​ຝັນ​ທີ່​ຈະ​ຊື້ສິນຄ້າ​ໄຕ້​ຫວັນ​ເພີ່ມ​ຂຶ້ນຊ່ວຍ​ໜຸນ​ເສດຖະກິດ.

     “​ໄຕ້​ຫວັນ​ເປັນ​ອານາຈັກ​ຂອງ​ໝາກ​ໄມ້, ສິນຄ້າ​ປະມົງ, ​ເປັນ​ປະ​ເທດ​ແຫ່ງ​ການ​ແປ​ຮູບ​ອາຫານ ລະຫວ່າງ​ທີ່​ໂຣກປອດ​ອັກ​ເສບ​ອູ່​ຮັ່ນລະບາດ​ໃນ​ໄລຍະ​ທີ່​ເສດຖະກິດ​ຂະຫຍາຍຕົວ​ຊ້າ ​ແນ່ນອນ​ວ່າ​ລັດຖະບານ​ຕ້ອງ​ກະ​ຕຸ້ນ​ໃຫ້​ປະຊາຊົນ​​ໃຊ້​ຈ່າຍ​ຫລາຍ​ຂຶ້ນ”.

ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ” - Wave100S AD to Website 2020 0 - ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ”

     ​ເຖິງ​ວັນ​ທີ 20 ມີນາ, ນາຍົກລັດຖະມົນຕີ ຊິ ​ເຈິ້ງຊາງ ກ່າວ​ຕໍ່​ນັກ​ຂ່າວ​ອີກ​ວ່າ: ສິນຄ້າ​ຢູ່​ໄຕ້​ຫວັນ​ມີ​ຫລາຍ ລວມທັງ​ເຈ້ຍອະນາ​ໄມ​ທີ່​ຫລາຍ​ປະ​ເທດ​ຂາຍ​ໝົດ​ແລ້ວ.

     “ຖ້າ​ປະຊາຊົນ​ບໍ່​ຢາກ​ອອກ​ໄປ​ທາງ​ນອກ ຕ້ອງການ​ປຸງ​ແຕ່ງອາຫານ​ຮັບ​ປະທານ​ເອງ​ຢູ່​ເຮືອນ ກໍ​ຕ້ອງ​ຊື້ຜັກ, ໝາກ​ໄມ້, ສິນຄ້າ​ກະສິກຳ​ໄຕ້​ຫວັນ​ໃຫ້​ຫລາຍ, ສະໜັບສະໜູນ​ກະສິກອນ ຖື​ເປັນ​ເລື່ອງ​ດີ ກະສິກອນ​ໄຕ້​ຫວັນ​ຄົງ​ດີ​ໃຈ​ຖ້າ​ໄດ້​ການ​ສະໜັບສະໜູນ​ແບບ​ນີ້”.

     ສໍາລັບ​ເສດຖະກິດ​ໄຕ້​ຫວັນນັ້ນອາ​ໄສ​ການ​ສົ່ງ​ອອກ​ເປັນ​ຫລັກ ຈຶ່ງ​ເສຍ​ຫາຍ​ຫລາຍ​ຈາກ​ໄວ​ຣັສລະບາດ, ວັນ​ທີ 19 ມີນາ ທະນາຄານ​ກາງ​ຫລຸດ​ອັດຕາ​ດອກ​ເບ້ຍ​ເປັນຄັ້ງທຳ​ອິດ​ໃນ​ຮອບ​ກວ່າ 4 ປີ ສູ່​ລະດັບ​ຕໍ່າ​ສຸດ​ເປັນ​ປະຫວັດສາດ ​ແລະ ຫລຸດ​ຄາດ​ຄະ​ເນ GDP ປີ​ນີ້​ລົງ​ຈາກ 2,57% ມາ​ຢູ່ 1,92%, ລັດຖະບານ​ປະກາດ​ມາດ​ຕະການ​ກະ​ຕຸ້ນ​ເສດຖະກິດ 60.000 ລ້ານ​ໂດ​ລາ​ໄຕ້​ຫວັນ.

ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ” - WhatsApp Image 2020 05 27 at 5 - ໄຕ້ຫວັນມາແປກ ! ຍຸໃຫ້ປະຊາຊົນຊື້ເຄື່ອງ “ກະຕຸ້ນເສດຖະກິດ”
error: Alert: ເນື້ອຫາຂ່າວມີລິຂະສິດ !!