ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ COVID-19 ໃຫ້ມີຜົນສູງ

ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ covid-19 ໃຫ້ມີຜົນສູງ - 25 9 - ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ COVID-19 ໃຫ້ມີຜົນສູງ
ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ covid-19 ໃຫ້ມີຜົນສູງ - 174233 - ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ COVID-19 ໃຫ້ມີຜົນສູງ

ກອງປະຊຸມສະໄໝສາມັນ ຂອງລັດຖະບານປະຈຳເດືອນມີນາ, ໂດຍການເປັນປະທານ ຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ໄດ້ເນັ້ນໃຫ້ຂະແຫນງການຕ່າງໆຮ່ວມແຮງຮ່ວມໃຈກັນຕ້ານການລະບາດຂອງພະຍາດ COVID-19 ແລະເອົາໃຈໃສ່ບັນຫາສຳຄັນຮີບດ່ວນຄື :


(1) ໃຫ້ຄະນະສະເພາະກິດເພື່ອຊີ້ນຳການປ້ອງກັນ, ຄວບຄຸມແລະແກ້ໄຂການລະບາດຂອງພະຍາດcovid -19 ເພີ່ມທະວີປັບປຸງການຈັດຕັ້ງຂອງຕົນ ແລະ ແບ່ງຄວາມຮັບຜິດຊອບ ໃຫ້ລະອຽດຈະແຈ້ງ.
(2) ເຫັນດີໃຫ້ແຕ່ງຕັ້ງຄະນະສະເພາະກິດເພື່ອແກ້ໄຂຜົນກະທົບທາງດ້ານເສດຖະກິດຈາກການແຜ່ລະບາດຂອງພະຍາດCOVID-19ໂດຍມອບໃຫ້ທ່ານສອນໄຊສີພັນດອນ, ຮອງນາຍົກລັດຖະມົນຕີເປັນປະທານແລະໃຫ້ປະກອບຄະນະຈາກຂະແໜງການທີ່ກ່ຽວຂ້ອງ.


(3) ໃຫ້ກະຊວງສຶກສາທິການແລະກິລາອອກຂໍ້ແນະນຳລະອຽດກ່ຽວກັບການປິດສະຖານສຶກສາຕ່າງໆ ໂດຍໃຫ້ມີມາດຕະການຄຸ້ມຄອງ ຢ່າງລະອຽດຈະແຈ້ງ, ຈັດຕັ້ງການຮຽນການສອນແນວໃດເພື່ອ ທົດແທນໃນເວລາພັກແລ້ງ ແລະໃຫ້ປຶກສາຫາລືກັບກະຊວງໄປສະນີ, ໂທລະຄົມມະນາຄົມແລະການສຶ່ສານນຳໃຊ້ການສອນທາງໄກດ້ວຍລະບົບອອນລາຍໃຫ້ມີປະສິດທິຜົນ.


(4) ໃຫ້ແຕ່ລະກະຊວງ, ອົງການອະນຸຍາດ ໃຫ້ລັດຖະກອນ ທີ່ມີລູກຮຽນຢູ່ໂຮງລ້ຽງເດັກ ແລະ ໂຮງຮຽນອະນຸບານ ຜັດປ່ຽນກັນພັກ ເບິ່ງແຍງລູກຫຼານຢູ່ເຮືອນ ແລະ ບໍ່ໃຫ້ເອົາລູກໄປຫ້ອງການ.
(5) ໃຫ້ກະຊວງສາທາລະນະສຸກກະກຽມຄວາມພ້ອມທາງດ້ານບຸກຄະລາກອນ, ອຸປະກອນການແພດ ແລະສະຖານທີ່ ເພື່ອຮອງຮັບໃນກໍລະນີມີການລະບາດຂອງພະຍາດ COVID-19 ແລະ ໃຫ້ຄັດເລືອກເອົານັກສຶກສາແພດສາດເຂົ້າຮ່ວມໃນທີມງານປະຈຳ ຢູ່ຈຸດຕ່າງໆ.


(6) ໃຫ້ກະຊວງກະສິກຳແລະປ່າໄມ້ ເພີ່ມທະວີການຊີ້ນຳ ຢ່າງແທດເຖິງຕໍ່ການຊຸກຍູ້ການຜະລິດກະສິກຳເປັນສິນຄ້າ ຊຶ່ງມີຕະຫຼາດຮັບຮອງແລ້ວ ແລະ ການຜະລິດເພື່ອຮັບໃຊ້ຊີວິດການເປັນຢູ່ຂອງປະຊາຊົນດ້ວຍ ຈິດໃຈເພິ່ງຕົນເອງ ກຸ້ມຕົນເອງໃຫ້ຫຼາຍຂຶ້ນ.


(7) ໃຫ້ກະຊວງພະລັງງານແລະບໍ່ແຮ່ຮີບຮ້ອນຈັດຕັ້ງປະຕິບັດລາຄາໄຟຟ້າໃໝ່ ທີ່ລັດຖະບານໄດ້ຕົກລົງແລ້ວແລະ ກຽມພ້ອມສະໜອງໄຟຟ້າໃຫ້ມີສະຖຽນລະພາບປົກກະຕິ.


(8) ໃຫ້ກະຊວງຖະແຫຼງຂ່າວ, ວັດທະນະທຳແລະທ່ອງທ່ຽວ ເອົາໃຈໃສ່ຕິດຕາມກວດກາຢ່າງເຂັ້ມງວດສະຖານບັນເທິງ,ຮ້ານຄາຣາໂອເກະ, ຮ້ານອົບນວດຕ່າງໆໃຫ້ປິດຕາມທີ່ລັດຖະບານໄດ້ຕົກລົງຊີ້ນຳ ແລະ ກະກຽມສະຖານທີ່ທ່ອງທ່ຽວໄວ້ຮອງຮັບພາຍຫຼັງພະຍາດລະ ບາດສາມາດຄວບຄຸມໄດ້ໃນທົ່ວໂລກ; ເອົາໃຈໃສ່ ຊີ້ນຳ ແລະ ຄຸ້ມຄອງການຖະແຫຼງຂ່າວ, ອອກຂ່າວ ກ່ຽວກັບການປະຕິບັດມາດຕະການຕ່າງໆທີ່ລັດຖະບານວາງອອກ ໃຫ້ຖືກຕ້ອງ, ທັນການ, ແກ້ໄຂຂ່າວທີ່ບໍ່ມີ ມູນຄວາມຈິງ ໃຫ້ທັນເວລາ.


(9) ກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບ ເອົາໃຈໃສ່ຄຸ້ມຄອງດ່ານ ຕາມມາດຕະການທີ່ລັດຖະບານໄດ້ວາງອອກ.

ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ covid-19 ໃຫ້ມີຜົນສູງ - Wave100S AD to Website 2020 0 - ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ COVID-19 ໃຫ້ມີຜົນສູງ


(10) ກະຊວງປ້ອງກັນຄວາມສະຫງົບ ໃຫ້ເພີ່ມທະວີການປະຕິບັດບົດບາດໜ້າທີ່ຂອງຕົນໃນການຮັກສາຄວາມສະຫງົບ ເປັນລະບຽບຮຽບຮ້ອຍ ແລະ ປອດໄພ ທົ່ວສັງຄົມ; ເອົາໃຈໃສ່ຕິດຕາມກວດກາ ແລະ ແກ້ໄຂການລະເມີດຕໍ່ມາດຕະການຕ່າງໆທີ່ລັດຖະບານວາງອອກ ຢ່າງເຂັ້ມງວດ.


(11) ກະຊວງອຸດສາຫະກຳ ແລະ ການຄ້າ ປະສານສົມທົບກັບພາກສ່ວນກ່ຽວຂ້ອງ ແກ້ໄຂບັນຫາຕ່າງໆ ກ່ຽວກັບການຂົນສົ່ງສິນຄ້າເຂົ້າ-ອອກ ຜ່ານດ່ານສາກົນ ໃຫ້ທັນເວລາ, ຮັບປະກັນການສະໜອງສິນຄ້າທີ່ຈຳເປັນຕ່າງໆ ໃຫ້ສັງຄົມໄດ້ພຽງພໍ ແລະ ແກ້ໄຂການສວຍໂອກາດກັກຕຸນສິນຄ້າ, ຂຶ້ນລາຄາສິນຄ້າ ແລະ ອື່ນໆ ໃຫ້ເຂັ້ມງວດ.


(12) ກະຊວງແຮງງານ ແລະ ສະຫວັດດີການສັງຄົມ ຈັດສັນແຮງງານ ໃຫ້ແກ່ໂຄງການຕ່າງໆທີ່ຍັງມີຄວາມຕ້ອງການ; ຄຸ້ມຄອງແຮງງານ ທີ່ມາຈາກຕ່າງປະເທດ ໃຫ້ເຂັ້ມງວດ ຕາມມາດຕະການຕ່າງໆ ທີ່ລັດຖະບານໄດ້ວາງອອກ.


(13) ກະຊວງໂຍທາທິການ ແລະ ຂົນສົ່ງ ເອົາໃຈໃສ່ ສົມທົບກັບພາກສ່ວນກ່ຽວຂ້ອງ ຄຸ້ມຄອງການກໍ່ສ້າງທາງ ລົດໄຟ ແລະ ທາງດ່ວນ ຕາມແຜນທີ່ໄດ້ກຳນົດໄວ້; ຄຸ້ມຄອງການບິນ ໃຫ້ໄປຕາມລະບຽບການທີ່ລັດຖະບານ ໄດ້ວາງອອກ.


(14) ໃຫ້ອຳນາດການປົກຄອງທ້ອງຖິ່ນທຸກຂັ້ນ ເອົາໃຈໃສ່ຈັດຕັ້ງປະຕິບັດມາດຕະການຂອງລັດຖະບານ ກ່ຽວກັບການປິດດ່ານທ້ອງຖິ່ນ ແລະ ດ່ານປະເພນີຊົ່ວຄາວຢ່າງເຂັ້ມງວດ, ຄຸ້ມຄອງການສະຫຼອງປີໃໝ່ໃຫ້ຖືກຕ້ອງ ຕາມແຈ້ງການ ຂອງລັດຖະບານ, ພ້ອມເອົາໃຈໃສ່ຊກຍູ້ຊີ້ນຳການຜະລິດສິນຄ້າ, ການຜະລິດສະບຽງອາຫານຢູ່ໃນທ້ອງຖິ່ນຂອງຕົນໃຫ້ ຮັບປະກັນບໍ່ໃຫ້ມີຜົນກະທົບຕໍ່ການດຳລົງຊີວິດຂອງປະຊາຊົນບັນດາເຜົ່າ.


(15) ອົງການແນວລາວສ້າງຊາດ, ສະຫະພັນນັກຮົບເກົ່າລາວ, ແລະ ອົງການຈັດຕັ້ງມະຫາຊົນທຸກຂັ້ນ ແລະ ອົງການຈັດຕັ້ງທາງສັງຄົມ ຕ້ອງເປັນເຈົ້າການເຂົ້າຮ່ວມຂະບວນການປ້ອງກັນ, ສະກັດກັ້ນ ແລະ ຕ້ານການລະບາດຂອງພະຍາດ COVID-19. ພ້ອມທັງປຸກລະດົມ ແລະ ຊຸກຍູ້ ປະຊາຊົນບັນດາເຜົ່າ, ນັກທຸລະກິດ ເພື່ອເສີມຂະຫຍາຍກຳລັງແຮງລວມຂອງຊາດ ສະກັດກັ້ນ ແລະ ຕ້ານພະຍາດດັ່ງກ່າວ, ທັງຊຸກຍູ້ການຜະລິດ ປົວແປງຊີວິດການເປັນຢູ່ຂອງປະຊາຊົນ.


(16) ທຸກໆກະຊວງ-ອົງການ ແລະ ທ້ອງຖິ່ນ ເປັນເຈົ້າການຈັດຕັ້ງປະຕິບັດບົດບາດ, ໜ້າທີ່ຂອງຕົນ ແລະ ປະກອບສ່ວນຢ່າງຫ້າວຫັນເຂົ້າໃນຂະບວນການປ້ອງກັນ, ສະກັດກັ້ນພະຍາດ COVID-19 ໃຫ້ໄດ້ຮັບຜົນຕາມມາດຕະຖານທີ່ລັດຖະບານ ໄດ້ວາງອອກ.

ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ covid-19 ໃຫ້ມີຜົນສູງ - WhatsApp Image 2020 05 27 at 5 - ກອງປະຊຸມລັດຖະບານເນັ້ນໃຫ້ທຸກຂະແຫນງການ ແລະ ທ້ອງຖິ່ນ ສຸມໃສ່ຕ້ານການລະບາດຂອງ COVID-19 ໃຫ້ມີຜົນສູງ
error: Alert: ເນື້ອຫາຂ່າວມີລິຂະສິດ !!