ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ

ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ - 2435 1 - ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ
ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ - 174233 - ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ

Markus Soeder ​ເຈົ້າ​​​ແຂວງ ບາ​ວາ​ເລຍ ຂອງ​ເຢຍລະ​ມັນອອກ​ຖະ​ແຫລ​ງການ​ເມື່ອ​ວັນ​ທີ 20 ມີນາຜ່ານ​ມາ​ອອກ​ມາດ​ຕະການ​ຂໍ​ການ​ຮ່ວມ​ມື​ໃຫ້​ປະຊາຊົນ​ ​ຢູ່​ແຕ່​ໃນ​ເຄຫາ​ສະຖານ ​ເຮືອນ​ຂອງ​ຕົນ​ເອງ, ​ເພື່ອ​ຫລຸດ​ຄວາມ​ສ່ຽງ​ການ​ແຜ່​ລະບາດ​ຂອງ​ໄວຣັສ​ໂຄ​ວິດ-19 ມີ​ຜົນ​ບັງຄັບ​ໃຊ້​​ແຕ່​ວັນ​ທີ 21 ມີນາ​ເປັນຕົ້ນ​ໄປ.

ທ່ານ Soeder ລະບຸ​ວ່າ ມາດ​ຕະການ​ດັ່ງກ່າວ​ມີ​ຂຶ້ນ​ເພື່ອ​ໃຫ້​ຢຸດທຸກ​ກິດຈະ​ກຳ ສາທາລະນະ ​ໃຫ້​ຫລາຍ​ທີ່​ສຸດ ​ໂດຍ​ປະຊາຊົນ​ຍັງ​ຄົງ​ອອກ​ໄປ​ຊື້​ສິນຄ້າ​ຕາມ​ຮ້ານ​ຄ້າ​ ​ຊຸບ​ເປີ​ມາກ​​ເກ໊ດ ຫລື ຮ້ານ​ຂາຍ​ຢາ ​ໄດ້​ຕາມ​ປົກກະຕິ.

ນອກຈາກ​ນີ້​ ບາ​ວາ​ເລຍ ​ໄດ້​ສັ່ງ​ລະ​ດົມ​ກຳລັງ​ຄົນ​ສຳຮອງ ​ເຂົ້າຄວບ​ຄຸມ​ຕາມ​ພື້ນທີ່​ຕ່າງໆ ພ້ອມ​ຈະ​ໃຊ້​ມາດ​ຕະການ ​ເຄີຟິວ ຫ້າມ​ປະຊາຊົນ ອອກ​ຈາກ​ເຄຫາ​ສະຖານ ​ໂດຍ​ບໍ່​ມີ​ຄວາມ​ຈຳ​ເປັນ​ໃນ​ຍາມ​ວິການ​ຫາກ​ຝ່າຝືນ​ມີ​ໂທດ​ປັບ​ໄໝ​ສູງ​ເຖິງ 25.000 ​​ເອີ​ໂຣ.

ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ - Wave100S AD to Website 2020 0 - ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ
ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ - 324 - ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ

ສຳລັບ ບາ​ວາ​ເລຍ ​ເຊິ່ງ​ເປັນ​​ແຂວງ​ທີ່​ມີ​ພົນລະ​ເມືອງ​ປະມານ 13 ລ້ານ​ຄົນ ພົບ​ຜູ້​ຕິດ​ເຊື້ອ 3.107 ​ເສຍ​ຊີວິດ 20 ຄົນ, ສ່ວນ​ ທົ່ວ​ເຢຍລະ​ມັນ ມີ​ຜູ້ຕິດ​ເຊື້ອ 19.848 ຄົນ, ​ເສຍ​ຊີວິດ 68 ຄົນ, ​ເຊັ່ນ​ດຽວ​ກັນ​ກັບ​ແຂວງ ຊາ​ແລນ. ​ແຂວງ​ຂະໜາດ​ນ້ອຍ ຂອງ​ເຢຍລະ​ມັນ ທີ່​ຕິດ​ກັບ​ຊາຍ​ແດນ​ຝຣັ່ງ ມີ​ປະຊາກອນ​ປະມານ 1 ລ້ານ ກໍ​ໃຊ້​ມາດ​ຕະການ​ເຊັ່ນ​ດຽວ​ກັບ ບາ​ວາ​ເລຍ.

ຢ່າງ​ໃດ​ກໍ​ດີ ກ່ອນ​ໜ້າ​ນີ້ (16 ມີນາ) ​ເຢຍລະ​ມັນ​ໃຊ້​ວິທີ​ການ​ປິດ​ຊາຍ​ແດ​ນຕິດ​ຕໍ່ກັນ 5 ປະ​ເທດ​ເປັນ​ການ​ຊົ່ວຄາວ ​ເພື່ອ​ຈຳກັດ​ການ​ເຄື່ອນ​ໄຫວ​ຂອງ​ພົນ​ເມືອງ ​ແຕ່​ຍັງ​ບໍ່​ເຖິງ​ຂັນປິດ​ປະ​ເທດ ​ໂດຍ​ມາດ​ຕະການ​ປິດ​ປະ​ເທດ​ມີ​ລາຍ​ງານ​ວ່າ ນາງ ອັງ​ເກ​ລາ ​ແມຣ໌​ເຄີ ນາຍົກລັດຖະມົນຕີ​ເຢຍລະ​ມັນ ກຽມ​ຫາລື​ຍົກ​ລະດັບ​ຄວາມ​ເຂັມ​ງວດ​ໃນ​ເລື່ອງດັ່ງກ່າວ​ໃນ​ວັນ​ທີ  22 ມີນາ./.

ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ - WhatsApp Image 2020 05 27 at 5 - ບາວາ​ເລຍ “ປິດ​​ແຂວງ​ສອງ​ອາທິດ” ​ໃຫ້​ປະຊາຊົນ​ຢູ່​ແຕ່​ໃນ​ເຮືອນ
error: Alert: ເນື້ອຫາຂ່າວມີລິຂະສິດ !!