ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ

ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - 233 - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ
ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - Untitled design - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ

     ຈາກ​ຈຳນວນ​ຜູ້​ຕິດ​ເຊື້ອຢູ່​ອິຕາ​ລີ​ທີ່​ເພີ່ມ​ຂຶ້ນວັນ​ລະ​ຫລາຍ​ຮ້ອຍ​ຄົນ ​ແພດ​ບອກ​ວ່າ: ພວກ​ເຂົາ​ຕ້ອງ​ຕັດສິນ​ໃຈ​ຢ່າງ​ຍາກ​ລຳບາກ​ວ່າ​ຈະ​ປິ່ນປົວ​ຄົນ​ໄຂ້​ຄົນ​ໃດ ​ແລະ ປ່ອຍ​ໃຫ້​ຄົນ​ໃດ​ເສຍ​ຊີວິດ​ໄປ ​ເປັນ​ສະຖານະ​ການ​ທີ່​ບໍ່​ເຄີຍ​ເກີດ​ຂຶ້ນມາ​ກ່ອນ​ໃນ​​ໄລຍະ​ທີ່​ໂລກ​ໄຮ້​ສົງຄາມນີ້.

      “ຖ້າ​ຄົນ​ໄຂ້​ອາຍຸ​ລະຫວ່າງ 80 ​ເຖິງ 95 ປີ ​ແລະ ມີ​ອາການ​ຫາຍ​ໃຈລຳບາກ ມີ​ທ່າ​ອ່ຽງວ່າ​ແພດ​ຈະ​ບໍ່​ປິ່ນປົວ​ຕໍ່” ດຣ. ຄຣິສຕຽນ ຊາ​ລາ​ໂຣລິ ຫົວໜ້າ​ຝ່າຍ​ສຸກ​ເສີນ ຢູ່​ໂຮງໝໍ​ໃນ​ເມືອງ​ແບຣ໌ກາ​ໂມ​ຂອງ​ອິຕາ​ລີ ​ໃຫ້​ສຳພາດ​ຕໍ່​ໜັງສືພິມ Corriere della Sera).

    “ນີ້​ເປັນຄຳ​ເວົ້າທີ່​ຟັງ​​ແລ້ວ​ບໍ່​ຄ່ອຍ​ດີ ​ແຕ່​ມັນ​ເປັນຄວາມ​ຈິງ ພວກ​ເຮົາ​ຢູ່​ໃນ​ສະຖານະ​ການທີ່​ຈະ​ໄປ​ນັ່ງ​ລໍຖ້າ​ປະຕິ​ຫານ​ໄດ້”

ການ​ຕັດສິນ​ໃຈ​ອັນ​ຍາກ​ລຳບາກ

     ວິ​ກິດ​ໄວຣັສ​ໂຄ​ໂຣນາຢູ່​ອິຕາ​ລີ​ຮ້າຍ​ແຮງ​ທີ່​ສຸດ​ຮອງ​ຈາກ​ຈີນ ​ໂດຍ​ມີ​ຜູ້​ເສຍ​ຊີວິດ 4.800 ກວ່າ​ຄົນ ​ແລະ ມີ​ຜູ້​ຕິດ​ເຊື້ອ 53.000 ກວ່າ​ຄົນ​ແລ້ວ (ຂໍ້​ມູນ​ວັນ​ທີ 21 ມີນາ) ຂໍ້​ມູນ​ຈາກ​ສະຫະ​ປະຊາ​ຊາດ​ລະບຸ​ວ່າ: ອິຕາ​ລີ​ມີ​ປະຊາກອນ​ອາຍຸ​ສູງ​ຫລາຍ​ທີ່​ສຸດ​ຮອງ​ຈາກ​ຈີນ ​ເຊິ່ງໝາຍ​ຄວາມ​ວ່າ: ມີ​ຄວາມ​ສ່ຽງ​ອາການ​ໜັກ​ຖ້າ​ຕິດ​ເຊື້ອ.

ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - 111252317 docs naples - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ

     ສະມາຄົມ​ວິ​ສັນ​ນີວິທະຍາ, ການ​ລະງັບ​ປວດ, ການ​ກູ້​ຊີບ ​ແລະ ການ​ເບິ່ງ​ແຍງ​ຜູ້​ປ່ວຍ​ວິ​ກິດ​ແຫ່ງ​ປະ​ເທດ​ອິຕາ​ລີ ​ເຜີຍ​ແຜ່​ຄຳ​ແນະນຳ​ໃຫ້​ແພດ​ໃຫ້​ຄວາມ​ສຳຄັນ​ຕໍ່​ຄົນ​ໄຂ້​ທີ່​ມີ​ທ່າ​ອ່ຽງວ່າ​ຈະ​ຟື້ນຕົວ​ໄດ້​ຫລາຍ​ກວ່າ​ຈະ​ຍຶດຕາມ​ລະບົບ​ຄິວ ມາ​ກ່ອນ​ໄດ້​ກ່ອນ.

     ສະມາຄົມ​ດັ່ງ​ກ່າວ ອະທິບາຍ​ວ່າ: ນີ້​ບໍ່​ແມ່ນ​ການ​ບອກ​ໃຫ້​ແພດ​ປິ່ນປົວ​ສະ​ເພາະ​ບາງ​ຄົນ ​ແລະ ຈຳກັດ​ການ​ປິ່ນປົວ​ສຳລັບ​ຄົນ​ໄຂ້​ຄົນ​ອື່ນ, ​ແຕ່ “​ເປັນ​ສະຖານະ​ການ​ສຸກ​ເສີນ​ທີ່​ບັງຄັບ​ໃຫ້​ແພດ​ມຸ້ງ​ຄວາມ​ສົນ​ໃຈ​ໃຫ້ການ​ປິ່ນປົວ​ທີ່​ເໝາະ​ສົມ​ກັບ​ຄົນ​ທີ່​ຈະ​ໄດ້​ຮັບປະ​ໂຫຍ​ດທີ່​ສຸດ”.

     ອິຕາ​ລີ​ມີ​ຕຽງ​ສຳລັບ​ເບິ່ງ​ແຍງຜູ້​ປ່ວຍ​ຂັ້ນວິ​ກິດ​ປະມານ 5.200 ຕຽງ, ​ແຕ່​ໃນ​ໄລຍະ​ໜ້າ​ໜາວ ມີ​ຄົນ​ໄຂ້​ທີ່​ມີ​ບັນຫາ​​ທາງ​ເດີນ​ຫາຍ​ໃຈ​ໃຊ້​ຕຽງ​ຢູ່​​ແລ້ວ​ຈຳນວນ​ຫລາຍ.

      ​ແຄວ້ນ​ລອມ​ບາຣ໌ດີ ​ແລະ ​ເວ​ເນ​ໂຕ​ທາງ​ຕອນ​ເໜືອ​ຂອງ​ອິຕາ​ລີ​ມີ​ຕຽງ​ລັກສະນະ​ນີ້​ຢູ່​ໂຮງໝໍ​ລັດ ​ແລະ ​ເອກະ​ຊົນ​ລວມກັນ​ພຽງ 1.800 ຕຽງ ​ແລະ ທາງ​ການ​ຂອງ​ທັງ​ສອງ​ແຄວ້ນ​ບອກ​ວ່າ: ຕຽງ​ພິ​ເສດ​ນີ້​ກຳລັງ​ຈະ​ໝົດ​ແລ້ວ.

      ລັດຖະບານ​ກຳລັງ​ເລັ່ງຈັດຕັ້ງຕຽງ​ໄອ​ຊີ​ຢູຫລາຍ​ຮ້ອຍ​ຕຽງ​ຊົ່ວຄາວ​ຢູ່​ສູນ Fiera Milano ​ແຕ່​ຍັງ​ບໍ່​ມີ​ເຄື່ອງ​ຊ່ວຍ​ຫາຍ​ໃຈ ​ແລະ ພະຍາບານ​ພຽງພໍ.

ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - Wave100S AD to Website 2020 0 - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ
ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - 111252319 hospital bed - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ

      ດຣ. ສະ​ເຕຟາ​​ໂນ ​ແມ​ກ​ໂນ​ເນ ​ເຊິ່ງ​ເຮັດ​ວຽກ​ຢູ່​ໂຮງໝໍ​ໃນ​ແຄວ້ນ​ລອມ​ບາຣ໌ດີ ກ່າວ​ຕໍ່ BBC ວ່າ: ສະຖານະ​ການ​​ເພີ່ມ​ຄວາມ​ຮຸນ​ແຮງ​ທຸກ​ວັນ, ຕຽງ​ພະ​ແນ​ກ​ໄອ​ຊີ​ຢູ ​ແລະ ພະ​ແນ​ກທຳ​ມະ​ດາ​ໃກ້​ເຕັມ​ແລ້ວ​ຈາກ​ຜູ້​ຕິດ​ເຊື້ອ​ໄວຣັສ​ໂຄ​ໂຣນາ.

      “ຢູ່​ເມື​ອງ​ເຮົາ ຊັບພະຍາກອນ​ບໍ່​ເຫລືອ​ແລ້ວ ທັງ​ດ້ານ​ບຸກຄະລາ​ກອນ ​ແລະ ​ເຕັກ​ໂນ​ໂລ​ຊີ ​ເຮົາ​ກຳລັງ​ລໍຖ້າ​ເຄື່ອງ​ຊ່ວຍ​ຫາຍ​ໃຈ​ໃໝ່”.

      ​ໃນຕົ້ນອາທິດ​ນີ້, ດຣ. ດາ​ນຽວ ມາ​ຊິ​ນີ ຈາ​ກພະ​ແນ​ກຫ້ອງ​ໄອ​ຊີ​ຢູ ​ເມືອງ​ແບຣ໌ກາ​ໂມ ຂຽນ​ຂໍ້ຄວາມ​ທີ່​ໄດ້​ເຜີຍ​​ແຜ່​ຢ່າງ​ກວ້າງຂວາງ​ໃນ​ສັງຄົມ​ອອນ​ລາຍ ບອກ​ເລົ່າ​ວ່າ: ທີ​ມຂອງ​ເຂົາ​ຜະ​ເຊີນ​ກັບ “ສຶນາ​ມິ” ອຸປະກອນ​ທາງ​ການ​ແພດ​ສຳລັບ​ຊ່ວຍ​ເລື່ອງ​ການ​ຫາຍ​ໃຈ ​​ໂດຍ​ສະ​ເພາະ​ເຄື່ອງ​ຊ່ວຍ​ຫາຍ​ໃຈ​ກາຍ​ເປັນ​ສິ່ງ​ທີ່​ມີຄ່າ​ຄື​ຄຳ.

      ລາວ​ບອກ​ວ່າ: ຜູ້​ຕິດ​ເຊື້ອ​ເພີ່ມ​ຂຶ້ນທຸກ​ວັນ ມີ​ຄົນ​ຖືກ​ນຳ​​ສົ່ງ​ມາໂຮງໝໍ​ວັນ​ລະ 15-20 ຄົນ ຈາກ​ສາ​ເຫດການ​ປ່ວຍ​ດຽວ​ກັນ.

     “​ເພື່ອນ​ຮ່ວມ​ງານ​ບາງ​ຄົນ​ຕິດ​ເຊື້ອ ​ແລະ ພາ​ເຊື້ອ​ໄປ​ຕິດ​ຍາດ​ພີ່ນ້ອງ, ພີ່ນ້ອງ​ພວກ​ເຂົາ​ບາງ​ຄົນ​ຕ້ອງ​ຕໍ່ສູ້​ກັບ​ຄວາມ​ເປັນຄວາມ​ຕາຍ”.

ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - 111252321 nurse padova - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ

     ດຣ. ຊາ​ລາ​ໂຣລິ ບອກ​ວ່າ: ​ເພື່ອນ​ຮ່ວມ​ງານ​ຂອງ​ລາວ​ບາງ​ຄົນ​ຕ້ອງ​ໃຈ​ສະຫລາຍ​ເມື່ອ​ຕ້ອງ​ຕັດສິນ​ໃຈ​ໃນ​ການ​ປິ່ນປົວ.

     “ມັນ​ອາດ​ຈະ​ເກີດ​ຂຶ້ນກັບ​​ແພດ​ທຸກ​ຄົນ ພວກ​ເຂົາ​ຕ້ອງ​ກຳນົດ​ຊະ​ຕາ​ກຳ​ຂອງ​ຄົນ​ຈຳນວນ​ຫລາຍ”.

ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - WhatsApp Image 2020 05 27 at 5 - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ
ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ - WhatsApp Image 2020 05 27 at 5 - ປັດໄຈຫຍັງທີ່ເຮັດໃຫ້ໝໍອິຕາລີຕ້ອງເລືອກວ່າ ຈະປິ່ນປົວຄົນໃດ ຫລື ປ່ອຍໃຫ້ຕາຍ
error: Alert: ເນື້ອຫາຂ່າວມີລິຂະສິດ !!