ກອງທັບຟີລິບປິນເຊື່ອເຫດຄວາມບໍ່ສະຫງົບຢູ່ມາລາວີໃກ້ຢຸດແລ້ວ

- advert banner 728 90 728x90 - ກອງທັບຟີລິບປິນເຊື່ອເຫດຄວາມບໍ່ສະຫງົບຢູ່ມາລາວີໃກ້ຢຸດແລ້ວ

- philippines marawi isis abu sayyaf - ກອງທັບຟີລິບປິນເຊື່ອເຫດຄວາມບໍ່ສະຫງົບຢູ່ມາລາວີໃກ້ຢຸດແລ້ວ

- new3 - ກອງທັບຟີລິບປິນເຊື່ອເຫດຄວາມບໍ່ສະຫງົບຢູ່ມາລາວີໃກ້ຢຸດແລ້ວ

ມາລາ​ວີ 8 ມິຖຸນາ: ກອງທັບ​ຟີ​ລິບ​ປິນ​ເຊື່ອ​ວ່າ: ສະຖານະການ​ຢູ່​ເມືອງ​ມາລາ​ວີ​ທາງ​ຕອນ​ໃຕ້​ຂອງ​ຟີ​ລິບ​ປິນ​ໃກ້​ຈະ​ກັບ​ຄືນ​ສູ່​ສະພາບ​ປົກກະຕິ ​ເນື່ອງ​ຈາກ​ການ​ລຳລຽງ​ອາຫານ ​ແລະ ອາວຸດ​ຂອງ​ກຸ່ມ​ຜູ້​ກໍ່​ເຫດ​ຍຶດຄອງ​ເມືອງ​ຖືກ​ສະກັດ​ກັ້ນ ​ແລະ ​ເລີ່​ມມີ​ການ​ຕໍ່ຕ້ານ​ໜ້ອຍ​ລົງ.

ພົນ​ຕີ ຄາ​ລິ​ໂຕ ກັດ​ເວ ຫົວ​ໜ້າ​ໜ່ວຍ​ບັນຊາ​ການ​ກອງທັບ​ໃນ​ພາກພື້ນມິນ​ດາ​ເນົາ​ຕາ​ເວັນ​ຕົກ ກ່າວ​ລະຫວ່າງ​ຖະ​ແຫລ​ງຂ່າວ​ລະບຸ​ວ່າ: ກອງທັບ​ໄດ້​ສົ່ງ​ກອງ​ກຳລັງ​ລົງ​ຄວບ​ຄຸມ​ສະຖານະ​ການ​ໃນ​ພື້ນທີ່ 3 ຈຸດ ​ແລະ ພົບ​ອາຫານ, ລະ​ເບີດ ​ແລະ ຊັບ​ສິນ​ອື່ນໆ​ຂອງ​ກຸ່ມ​ຕິດ​ອາວຸດ​ຖິ້ມ​ໄວ້ ກ່ອນ​ຈະ​ຖອຍ​ອອກ​ຈາກ​ພື້ນທີ່. ຖື​ເປັນ​ການ​ເຮັດ​ໃຫ້ການ​ລຳລຽງ​ອາວຸດ​ຍຸດ​ໂທ​ປະກອນ​ຂອງ​ກຸ່ມ​ຜູ້​ກໍ່​ເຫດ​ຕ້ອງ​ເປັນ​ອຳມະພາດ. ທາງ​ກອງທັບ​ຈຶ່ງ​ເບິ່ງ​ວ່າ: ສະຖານະ​ການ​ສູ້​ຮົບ​ຢູ່​ເມືອງ​ມາລາ​ວີ​ມີ​ໂອກາດ​ຈະ​ຢຸດຕິ​ໃນ​ອະນາຄົດ​ອັນ​ໃກ້.

 

+ ຟີລິບປິນຂໍໃຫ້ກຸ່ມຕິດອາວຸດຍອມເສຍໄຊເພື່ອຫລຸດການສູນເສຍ

+ ກອງທັບຟີລິບປິນລະບຸໃກ້ຈະເອົາຊະນະກຸ່ມກະບົດມຸສລິມໄດ້ແລ້ວ

- lattana 1 - ກອງທັບຟີລິບປິນເຊື່ອເຫດຄວາມບໍ່ສະຫງົບຢູ່ມາລາວີໃກ້ຢຸດແລ້ວ

+ ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

 

ທັງ​ນີ້, ພົນ​ຕີ ກັດ​ເວ ກ່າວ​ວ່າ: ກຸ່ມ​ຕິດ​ອາວຸດ ​ເຊິ່ງ​ໃຫ້ການ​ສະໜັບສະໜູນ​ກຸ່ມ​ລັດ​ອິສລາມ ຫລື IS ຍັງ​ຈັບ​ກຸມ​ຕົວ​ພົນລະ​ເມືອງ​ປະມານ 100 ຄົນ​ໄວ້​ເປັນ​ຕົວ​ປະກັນ ​ໃນ​ຈຳນວນ​ນີ້​ມີ​ທັງ​ບາດ​ຫລວງ ​ແລະ ຜູ້​ນັບຖື​ສາສະໜາ​ຄຣິດ, ​ແຕ່​ທາງ​ການ​ໄດ້​ຮັບ​ຂໍ້​ມູນ​ລະບຸ​ວ່າ: ພວກ​ເຂົາ​ຍັງ​ມີ​ຊີວິດ​ຢູ່.

​ເຫດ​ໂຈມ​ຕີ​ເມືອງ​ມາລາ​ວີ​ເຮັດ​ໃຫ້​ເກີດ​ຄວາມ​ກັງວົນ​ວ່າ: ກຸ່ມ IS ກຳລັງ​ພະຍາຍາມ​ຂະຫຍາຍ​ຖານ​ອຳນາດ​ມາ​ຟີ​ລິບ​ປິນ ​ເຊິ່ງອາດ​ເປັນ​ໄພ​ຄຸກ​ຄາມ​ຕໍ່​ປະ​ເທດ​​ໃກ້​ຄຽງ ຄື​ອິນ​ໂດ​ເນ​ເຊຍ, ມາ​ເລ​ເຊຍ ​ແລະ ສິງກະ​ໂປ. ​ເຈົ້າໜ້າ​ທີ່​ພົບ​ວ່າ: ​ໃນ​ກຸ່ມ​ຜູ້​ກໍ່​ເຫດ​ຍຶດ​ເມືອງ​ມາລາ​ວີ​ຫລາຍ​ຮ້ອຍ​ຄົນ ມີ​ຊາວ​ອິນ​ໂດ​ເນ​ເຊຍ ​ແລະ ມາ​ເລ​ເຊຍ​ຮ່ວມ​ລົງມື​ປະມານ 40 ຄົນ. ອີກ​ທັງ​ຍັງ​ມີ​ຊາວ​ອິນ​ເດຍ, ອາຣັບບີ ຊາ​ອຸ​ດິດ, ​ມາຣົກ ​ແລະ ນັກຮົບ​ຈາກ​ສາທາລະນະ​ລັດ​ປົກຄອງ​ຕົນ​ເອງ​ເຊ​ດນີ.

error: Content is protected !!