ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ

ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ - 236 - ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ
ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ - Untitled design - ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ

      ຢາ​ບາງ​ຊະນິດ​ໃຊ້​ປິ່ນປົວ​ໂຣກອື່ນ ​ແຕ່​ອາດ​ຈະ​ເປັນຄວາມ​ຫວັງ​ໃນ​ການ​ປິ່ນປົວ​ໂຄ​ວິດ-19.

      ໜັງສືພິມ The New York Times ລາຍ​ງານ​ວ່າ: ທີ​ມວິ​ໄຈ​ທາງ​ການ​ແພດ​ໄດ້​ລະບຸ​ສານ​ປະກອບ ​ແລະ ຢາ​ປະມານ 70 ຊະນິດ​ທີ່​ອາດ​ມີ​ປະສິດທິພາບ​ໃນ​ການ​ປິ່ນປົວ​ໂຄ​ໂຣນາ​ໄວຣັສສາຍ​ພັນ​ໃໝ່.

      ນັກວິທະຍາສາດ​ກ່າວ​ວ່າ: ຢາ​ບາງ​ຊະນິດ​ນຳ​ໃຊ້​ໃນ​ການ​ປິ່ນປົວ​ໂຣກອື່ນໆ​ຢູ່​ແລ້ວ ກຳລັງ​ຖືກ​ນຳ​ມາ​ໃຊ້​ໃນ​ການ​ປິ່ນປົວ COVID-19 ​ໂດຍ​ການ​ໃຊ້​ຢາ​ທີ່​ມີ​ຢູ່​ແລ້ວ​ຈະ​ເປັນ​ການ​ດີກ​ວ່າ​ວິ​ໄຈ​ຢາ​ຊະນິດ​ໃໝ່ ​ໂດຍ​ເລີ່​ມຂະ​ບວນການ​ທຳ​ອິດ ​ເຊິ່ງຈະ​ເສຍ​ເວລາ.

     ທັງ​ນີ້ ມີ​ການ​ເຜີຍ​ແຜ່​ລາຍ​ຊື່​ຂອງ​ຢາ​ເຫລົ່າ​ນີ້​ໃນ​ເວັບ​ໄຊ bioRxiv ​ເຊິ່ງ​ເປັນ​ແພ​ລດຟອມອອນ​ລາຍ​ໃນ​ການ​ເຜີຍ​ແຜ່​ງານ​ວິຊາ​ການ ​ແລະ ກວ່າ​ຈະ​ໄດ້​ລາຍ​ຊື່​ຢາ​ເຫລົ່າ​ນີ້​ ນັກວິ​ທະຍາ​ສາດ​ຈະ​ຕ້ອງ​​ເລີ່​ມຕົ້ນການ​ສຶກສາວິ​ໄຈ​ຈຸ​ລັງ​ຂອງ​ເຊື້ອ SARS-CoV-2.

      ​ໃນ​ການ​ສຶກສາ​ຫລ້າ​ສຸດ ນັກວິທະຍາສາດ​ໄດ້​ມີ​ການກວດ​ສອບ​ຈຸ​ລັງ​ຂອງ​ໂຄ​ໂຣນາ​ໄວຣັສຈຳນວນ 26 ຈຸ​ລັງ​ຈາກ​ທັງ​ໝົດ 29 ຈຸ​ລັງ ​ເຊິ່ງຜະລິດ​ໂປຣຕິນ​ໄວຣັສ​ໂດຍ​ກົງ. ນັກວິ​ໄຈ​ພົບ​ໂປຣຕິນຂອງ​ມະນຸດ 332 ຈຸ​ລັງ​ທີ່​ເປັນ​ເປົ້າໝາຍ​ໃນ​ການ​ໂຈມ​ຕີ​ຂອງ​ໂຄ​ໂຣນາ ​ໄວຣັສດ້ວຍ​ການ​ແຊກ​ຕົວ​ມັນ​ເອງ​ເຂົ້າ​ໄປ​ຈຸ​ລັງ​ແລ້ວ​ຜະລິດ​ຊ້ຳ​ໄວຣັສອອກ​ມາ​ຕໍ່ສູ້​ກັບ​ຮ່າງກາຍ​ມະນຸດ.

ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ - Wave100S AD to Website 2020 0 - ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ

     ນັກວິ​ໄຈ​ຄົ້ນຫາ​ຢາ​ທີ່​ຍຶດຕິດ​ກັບ​ໂປຣຕິນຂອງ​ມະນຸດ​ທີ່​ໂຄ​ໂຣນາ​ໄວຣັສຈະ​ທຳລາຍ ​ໂດຍ​ທີ​ມວິ​ໄຈ​ໄດ້​ລະບຸ​ຢາ 24 ຊະນິດ​ທີ່​ໄດ້​ຮັບ​ການ​ອະນຸມັດ​ຈາກ​ອົງການ​ອາຫານ ​ແລະ ຢາ​ອາ​ເມ​ລິກ ​ໂດຍ​ຢາ​ເຫລົ່າ​ນີ້​ເຄີຍ​ໃຊ້​ປິ່ນປົວ​ໂຣກທີ່​ບໍ່​ກ່ຽວຂ້ອງ​ກັບ COVID-19 ​ເຊັ່ນ: ຢາ​ປິ່ນປົວ​ມະ​ເຮັງ, ​ໂຣກພາກິນ​ສັນ ​ແລະ ຄວາມດັນ​ເລືອດ​ສູງ.

     ​ໃນ​ລາຍການ​ຢາ​ທີ່​ຈະ​ນຳ​ມາ​ທົດ​ລອງ​ຍັງ​ມີ​ຢາ​ທີ່​ບໍ່​ໜ້າ​ເຊື່ອ​ວ່າ​ຈະ​ກ່ຽວ​ຂ້ອງ​ກັນ​ໄດ້​​ເຊັ່ນ: ຢາ haloperidol ທີ່​ໃຊ້​ໃນ​ການ​ປິ່ນປົວ​ໂຣກຈິດຕະ​ເເພດ ​ແລະ ຢາ metformin ​ໃຊ້​ປິ່ນປົວ​ໂຣກ​ເບົາຫວານ​ປະ​ເພດ 2.

      ລວມທັງ​ສານ​ປະກອບ​ທີ່​ໃຊ້​ໃນ​ການ​ຂ້າ​ພະຍາດ​ເຊັ່ນ​: ຢາ chloroquine ທີ່​ຂ້າ​ພະຍາດ​ຊະນິດ​ດຽວ​ທີ່​ເຮັດ​ໃຫ້​ເກີດ​ໂຣກມາລາ​ເຣຍ. ນັກວິທະຍາສາດ​ຮູ້​ມາ​ດົນ​ແລ້ວ​ວ່າ​ມັນ​ຍັງ​ສາມາດ​ຍຶດຕິດ​ກັບ​ໂປຣຕິນຈຸ​ລັງ​ມະນຸດ​ທີ່​ເອີ້ນ​ວ່າ​ຕົວ​ຮັບ siqma-1 ​ແລະ ຕົວ​ຮັບ​ນັ້ນກໍ​ເປັນ​ເປົ້າໝາຍ​ຂອງ​ໄວຣັສນຳ​ອີກ.

     ​ໃນ​ວັນ​ທີ 18 ມີນາ​ຜ່ານ​ມາ, ອົງການ​ອະນາ​ໄມ​ໂລກ​ປະກາດ​ວ່າ​ຈະ​ເລີ່​ມທົດ​ລອງ​ໃຊ້ chloroquin ​ແລະ ຢາ​ອື່ນໆ.

ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ - WhatsApp Image 2020 05 27 at 5 - ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ
ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ - WhatsApp Image 2020 05 27 at 5 - ຄວາມຫວັງມາແລ້ວ ນັກວິທະຍາສາດລະບຸຢາ 69 ຊະນິດ ໃຊ້ທົດສອບຕ້ານເຊື້ອໄວຣັສ
error: Alert: ເນື້ອຫາຂ່າວມີລິຂະສິດ !!