ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ

ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ - 237 - ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ
ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ - Untitled design - ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ

      ສະພາ​ຟີ​ລິບ​ປິນຈັດ​ປະຊຸມ​ພິ​ເສດ​ທາງ​ອອນ​ລາຍ ຊີ້​​ແຈງ​ເລື່ອງ​ຄຳ​ຂໍ​ໃຫ້​ປະທານາທິບໍດີ​ມີ​ອຳນາດ​ສຸກ​ເສີນ​ຢ່າງ​ກວ້າງຂວາງ ​ເພື່ອ​ພິກ​ສະຖານະ​ການ​ວຸ້ນວາຍ​ຈາກ​ການ​ທີ່​ໄວຣັສ​ໂຄ​ໂຣນາ​ແຜ່​ລະບາດ​ຢ່າງ​ວ່ອງ​ໄວ.

     ຫລັງ​ຈາກ​ປິດ​ປະ​ເທດ​ບໍ່​ໃຫ້​ຄົນ​ຕ່າງປະ​ເທດ​ເຂົ້າ ​ແລະ ກັກ​ຕົວ​ປະຊາຊົນ​ຫລາຍ​ສິບ​ລ້ານ​ຄົນ​ຢູ່​ເຮືອນ​ແລ້ວ ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຂອງ​ຟີ​ລິບ​ປິນ ຕ້ອງການ​ອຳນາດ​ຄວບ​ຄຸມ​ອຸປະ​ທານ, ສາທາລະ​ນູປະ​ໂພ​ກ, ສັ່ງ​ການ​ໃຫ້​ພາກ​ທຸລະ​ກິດ​ຊ່ວຍ​ເຫລືອ​ລັດຖະບານ, ດຶງ​ເງິນ​ຈາກ​ລັດ​ວິ​ສາ​ຫະກິດ ​ແລະ ສຳນັກ​ງົບປະມານ​ມາ​ໃຊ້​ສຳລັບ​ເຫດ​ສຸກ​ເສີນ​ດ້ານ​ສາທາລະນະ​ສຸກ​ໂດຍ​ກົງ.

      ຖ້າ​ສະພາ​ໃຫ້​ອຳນາດ​ ຈະ​ຖື​ເປັນ​ມາດ​ຕະການ​ທາງ​ບຸກຮຸນ​ແຮງ​ທີ່​ສຸດ​ມາດ​ຕະການ​ໜຶ່ງ ທີ່​ລັດຖະບານ​ໃດໆ​ໃນ​ໂລກ​ກະທຳ ຫລັງ​ຈາກ​ທົ່ວ​ໂລກ​ລວມທັງ​ອາຊີ​ຕາ​ເວັນ​ອອກສຽງ​ໃຕ້​ໃຊ້​ຢາ​ແຮງ​ເພີ່ມ​ຂຶ້ນ​​ແລ້ວ ​ໂດຍ​ອາທິດ​ຜ່ານ​ມາ ຜູ້​ຕິດ​ເຊື້ອ​ໃນ​ພາກພື້ນນີ້​ເພີ່ມ​ຂຶ້ນກວ່າ 2 ​ເທົ່າ ມີ​ເກືອບ 3.700 ຄົນ ຈາກ 166 ຄົນ​ໃນ​ເດືອນ​ກ່ອນ.

      ຟີ​ລິບ​ປິນມີ​ຜູ້​ຕິດ​ເຊື້ອຢືນຢັນ​ແລ້ວ 396 ຄົນ ​ເສຍ​ຊີວິດ 33 ຄົນ, ​ແຕ່​ເຈົ້າໜ້າ​ທີ່​ສາທາລະນະ​ສຸກ​ຮູ້​ດີ​ວ່າ: ຕົວ​ເລກ​ຜູ້​ຕິດ​ເຊື້ອຫລາຍ​ກວ່າ​ນີ້ ​ເນື່ອງ​ຈາກ​ການກວດ​ສອບ​ມີ​ຈຳກັດ.

      ທ່ານ ຊັລວາ​ດໍ ມີ​ເດຍລະດີ ​ເລຂານຸການ​ຄະນະ​ລັດຖະບານ ຖະ​ແຫລ​ງຕໍ່​ສະພາ​ວ່າ: ລັດຖະບານ​ເອງ​ກໍ​ລີ​ລໍ​ທີ່​ຈະ​ດຳ​ເນີນ​ການ​ໃນ​ລັກສະນະ​ນີ້ ​ແຕ່​ຈາກ​ສະພາບ​ແວດ​ລ້ອມ ​ແລະ ສິ່ງ​ທີ່​ທົ່ວ​ໂລກ​ກຳລັງ​ປະສົບ ​ເຮັດ​ໃຫ້​ລັດຖະບານ​ຟີ​ລິບ​ປິນບໍ່​ມີ​ທາງ​ເລືອກ.

ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ - Wave100S AD to Website 2020 0 - ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ

      ຟີ​ລິບ​ປິນ​ເປັນ​ປະ​ເທດ​ທຳ​ອິດ​ໃນ​ອາຊີ​ຕາ​ເວັນ​ອອກສຽງ​ໃຕ້​ທີ່​ໃຊ້​ມາດ​ຕະການ​ປິດ​ປະ​ເທດ ຈາກ​ນັ້ນຫລາຍ​ປະ​ເທດ​ປະຕິບັດ​ຕາມ​ເມື່ອ​ຈຳນວນ​ຜູ້​ຕິດ​ເຊື້ອ​ໃນ​ປະ​ເທດ​ເພີ່ມ​ຂຶ້ນ, ຫວຽດນາມ ​ແລະ ມາ​ເລ​ເຊຍ​ເຖິງ​ຂະໜາດ​ໃຊ້​ທະຫານ​ມາ​ເບິ່ງ​ແຍງ​ປະຊາຊົນ​ໃຫ້​ກັກ​ຕົວ​ຢູ່​ແຕ່​ໃນ​ເຮືອນ, ຫ້າມ​ເດີນທາງ ຫລື ຫ້າມ​ລວມຕົວ​ກັນ.

      ນະຄອນຫລວງ​ຈາ​ກາ​ຕາ​ຂອງ​ອິນ​ໂດ​ເນ​ເຊຍ ​ໃຊ້​ມາດ​ຕະການ​ປິດ​ບາ, ​ໂຮງ​ໜັງ, ສະຖານ​ບັນ​ເທີ​ງ​ເຊັ່ນ​ດຽວ​ກັບ​ໄທ ​ແລະ ກຳປູ​ເຈຍ.

ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ - WhatsApp Image 2020 05 27 at 5 - ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ
ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ - WhatsApp Image 2020 05 27 at 5 - ຜູ້ນຳຟີລິບປິນ “ຂໍອຳນາດພິເສດ” ກູ້ວິກິດໄວຣັສ
error: Alert: ເນື້ອຫາຂ່າວມີລິຂະສິດ !!