ຄວາມເຂັ້ມແຂງໃນການຮັບມື ຄືເລື່ອງຈຳເປັນ!

ຄວາມເຂັ້ມແຂງໃນການຮັບມື ຄືເລື່ອງຈຳເປັນ! - 11 6 - ຄວາມເຂັ້ມແຂງໃນການຮັບມື ຄືເລື່ອງຈຳເປັນ!
ຄວາມເຂັ້ມແຂງໃນການຮັບມື ຄືເລື່ອງຈຳເປັນ! - Untitled design - ຄວາມເຂັ້ມແຂງໃນການຮັບມື ຄືເລື່ອງຈຳເປັນ!

ໂດຍ:​ມຶກບໍ່ແຫ້ງ

ໂລກກຳລັງປະເຊີນໜ້າກັບວິກິດພະຍາດລະບາດ ເຊິ່ງອາດກາຍເປັນປະກົດການໃໝ່ທີ່ທຳມະດາ ໃນຍຸກຂອງພວກເຮົາ, ມີແຕ່ຜູ້ເຂັ້ມແຂງ ມີໄຫວພິບເທົ່ານັ້ນ ທີ່ຈະຢູ່ລອດໄດ້.

ເມື່ອພວກເຮົາສົມທຽບ ເປັນຫຍັງ ປະເທດ ເກົາຫຼີໃຕ້ ແລະ ອີຕາລີ ຈຶ່ງມີອັດຕາການເສຍຊີວິດຂອງຜູ້ຄົນ ທີ່ເຈັບປ່ວຍດ້ວຍ ພະຍາດ ອັກເສບປອດ ຫຼື ໂຄວິດ 19 ແຕກຕ່າງກັນຫຼາຍແທ້?

ໃນຂະນະທີ່ ສປ ຈີນກຳລັງ ຕໍ່ສູ້ກັບພະຍາດໂຄວິດ 19 ຢ່າງດຸເດືອດນັ້ນ ຊາວໂລກກໍພ້ອມກັນຕົກໃຈເຂົ້າໄປອີກ ເມື່ອເຫັນການລະບາດຂອງ ພະຍາດດັ່ງກ່າວ ຢູ່ ເກົາຫລີໃຕ້ ເຊິ່ງຫ່າງຈາກ ສປ ຈີນ ທາງທິດຕາເວັນອອກ ປະມານ ​2 ພັນກວ່າ ກິໂລແມັດ ໂດຍສະຖິຕິໃນການເພີ່ມຂຶ້ນຂອງຜູ້ຕິດເຊື້ອທີ່ສູງທີ່ສຸດ ຂອງປະເທດດັ່ງກ່າວ ໃນເດືອນກຸມພາ 2020 ມີຮອດ 900 ຄົນຕໍ່ມື້, ຫຼາຍຄົນ ໂດຍສະເພາະ ອົງການອະນາໄມໂລກ ກໍມີຄວາມກັງວົນ ວ່າສະຖານະການ ຢູ່ປະເທດດັ່ງກ່າວ ອາດຮ້າຍແຮງຂຶ້ນນັບມື້.

ແຕ່ເກົາຫຼີໃຕ້ ໄດ້ເຮັດໃຫ້ໂລກ ອຸ່ນໃຈນຳ ຍ້ອນຄວາມອາດສາມາດໃນການຄວບຄຸມການແຜ່ລະບາດ ຂອງພະຍາດດັ່ງກ່າວ ໂດຍມີອັດຕາການຜູ້ເສຍຊີວິດຕໍ່າທີ່ສຸດ ຄືມີພຽງ 0.7-0.9% ແຕ່ອັດຕາການ ຕາຍ ໂດຍສະເລ່ຍທົ່ວໂລກ ແມ່ນຢູ່ທີ 3-4% ໃນຂະນະທີ່ ຢູ່ ອີຕາລີ ມີອັດຕາການຕາຍສູງຮອດ 9%. ມາຮອດ ວັນທີ 19 ມີນາ 2020, ຜູ້ຕິດເຊື້ອ ຢູ່ເກົາຫຼີມີ 8 ພັນກວ່າຄົນ ໃນຂະນະທີ ຜູ້ເສຍຊີວິດ ມີ 90 ກວ່າຄົນ ແລະ ກໍລະນີ ຜູ້ຕິດເຊື້ອກຳລັງຫຼຸດລົງ.

ເປັນຫຍັງ ເກົາຫຼີໃຕ້ ຈຶ່ງສາມາດເຮັດໄດ້ແນວນັ້ນ? ຈາກການລາຍງານຂອງ ແຫຼ່ງຂ່າວຕ່າງປະເທດຫຼາຍສຳນັກ ເຊັ່ນ ອາລຈາຊີລາ (Aljazeera), ບີບີຊີ (BBC), ເດີເຈແປນທາມສ໌ (thejapantimes) ກໍເວົ້າຄືກັນວ່າ ການຮັບມື ຂອງເກົາຫຼີໃຕ້ ເປັນແບບຢ່າງທີ່ດີ ເຊິ່ງເອົາການທົດລອງຫາຜູ້ເຊື້ອເປັນວຽກສຳຄັນ ເຊິ່ງມື້ໜຶ່ງ ສາມາດ ທົດລອງຫາເຊື້ອພະຍາດດັ່ງກ່າວ  20,000 ຄົນ ໂດຍທີ 4 ບໍລິສັດໃນ ປະເທດດັ່ງກ່າວ ຮັບຜິດຊອບໃນການ ຜະລິດເຄື່ອງທົດລອງ ໂດຍບໍ່ໃຫ້ຂາດເຂີນ ເຊິ່ງມີຄວາມຊັດເຈນຮອດ 98%.

ຄວາມເຂັ້ມແຂງໃນການຮັບມື ຄືເລື່ອງຈຳເປັນ! - Wave100S AD to Website 2020 0 - ຄວາມເຂັ້ມແຂງໃນການຮັບມື ຄືເລື່ອງຈຳເປັນ!

ການທົດລອງຫາເຊື້ອແມ່ນຊ່ວຍໃນການຄວບຄຸມໄດ້ ສົມທົບກັບ ປະຊາຊົນ ທີ່ປະຕິບັດຄຳສັ່ງຂອງລັດຖະບານຢ່າງເຄັ່ງຄັດ ໂດຍສະເພາະ ການປິດໂຮງຮຽນ, ບັນດາຫ້ອງການ ເຮັດວຽກຢູ່ບ້ານ, ປະຕິບັດຫຼັກການພື້ນຖານໃນ ການປ້ອງກັນຕົນເອງຂອງສ່ວນບຸກຄົນ ແລະ ອື່ນໆ.

ແຕ່ສະຖານະການຢູ່ອີຕາລີ ອາດກົງກັນຂ້າມກັບຢູ່ ເກົາຫຼີໃຕ້, ມາຮອດປັດຈຸບັນມີຜູ້ຕິເຊື້ອແລ້ວເກືອບ 60 ພັນຄົນ ໂດຍ ວັນທີ 21-22 ມີນາ 2020 ທີ່ຜ່ານມາ ມີຜູ້ເສຍຊີວິດ ສະເລ່ຍ 600 ກວ່າຄົນຕໍ່ມື້, ເຮັດໃຫ້ ອີຕາລີ ມີຜູ້ເສຍຊີວິດແລ້ວ 5 ພັນກວ່າຄົນ ເຊິ່ງມີອັດຕາສູງທີ່ສຸດກວ່າປະເທດໃດໃນໂລກ, ລະບົບສາທາລະນະສຸກ ຂອງປະເທດດັ່ງກ່າວ ກຳລັງພົບຄວາມຫຍຸ້ງຍາກໃນການຮັບມືກັບສະຖານະການດັ່ງກ່າວ.

ເຖິງວ່າ ອີຕາລີ ແລະ ເກົາຫຼີໃຕ້ ອາດມີຄວາມແຕກຕ່າງກັນ ຫຼາຍດ້ານ ຮວມທັງ ໂຄງສ້າງ ຂອງປະຊາກອນ ທີ່ ອີຕາລີ ມີຈຳນວນຜູ້ສູງອາຍຸ (ຕົກໃນກຸ່ມສ່ຽງ ຂອງຜູ້ຕິດເຊື້ອ) ຫຼາຍກວ່າ ເກົາຫຼີໃຕ້ ແຕ່ຄວາມເຂັ້ມແຂງ, ຄວາມກຽມພ້ອມ ແລະ ມີໄຫວພີບ ຈະຊ່ວຍໃຫ້ ຫຼຸດຜ່ອນຄວາມສ່ຽງຕໍ່ພະຍາດລະບາດເຊັ່ນນີ້ໄດ້.

ຫຼັກການພື້ນຖານການຢູ່ຮ່ວມກັນໃນໂລກນັ້ນ ພວກເຮົາຄວນຊ່ວຍເຫຼືອກັນ, ຜູ້ເຂັ້ມແຂງ ຊ່ວຍຜູ້ທີ່ຍັງອ່ອນແອ ແຕ່ ການຫຼັກການກຸ້ມຕົນເອງ ເພິ່ງຕົນເອງແມ່ນ ເປັນສິ່ງສຳຄັນທີ່ສຸດ ດັ່ງຜູ້ນຳຂອງ ປະເທດເຮົາກ່າວ, ເພາະສະນັ້ນ ວິກິດໃນຄັ້ງນີ້ ພວກເຮົາຈົ່ງຮີບເລັ່ງສ້າງພູມຄຸ້ມກັນ, ສ້າງຄວາມເຂັ້ມແຂງພາຍໃນ ໃຫ້ຫຼາຍເທົ່າທີ່ພວກເຮົາສາມາດເຮັດ ໄດ້.

ຄວາມເຂັ້ມແຂງໃນການຮັບມື ຄືເລື່ອງຈຳເປັນ! - WhatsApp Image 2020 05 27 at 5 - ຄວາມເຂັ້ມແຂງໃນການຮັບມື ຄືເລື່ອງຈຳເປັນ!
ຄວາມເຂັ້ມແຂງໃນການຮັບມື ຄືເລື່ອງຈຳເປັນ! - WhatsApp Image 2020 05 27 at 5 - ຄວາມເຂັ້ມແຂງໃນການຮັບມື ຄືເລື່ອງຈຳເປັນ!
error: Alert: ເນື້ອຫາຂ່າວມີລິຂະສິດ !!