10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ

10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - 75968 1 - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ
10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - Untitled design - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ
  1. ໂຣກລະບາດ ອັນ​ໂທ​ນິນ Antonine Plague

ປີ 165

​ໂຣກລະບາດ​ອັນ​ໂທ​ນີນ ຫລື ອີກ​ຊື່​ໜຶ່ງ​ວ່າ the Plague of Galen  ​ເປັນ​ໂຣກຝີ​ດາບ ຫລື ​ໄຂ້ທໍລະພິດ ທີ່​ລະບາດ​ໃນ ອານາຈັກ​ໂຣມັນ ສາ​ເຫດການ​ເກີດ​ນັ້ນ​ເຊື້ອກັນ​ວ່າ​ມາ​ຈາກ​ກອງທັບ​ໂຣມັນ​ທີ່​ເດີນທາງ​ກັບ​ມາ​ຈາກ​ແຖບ​ຕາ​ເວັນ​ອອກ​ໃກ້(Near East ໝາຍ​​ເຖິງ​ປະ​ເທດ​ແຖບ​ອາຊີຕາວັນ​ຕົກ, ຕວກກີ, ​ເອຢິບ ​ໄປ​ຈົນ​ຮອດ​ຈັກກະວານ​ດີ​ອອດ​ໂຕ​ມັນ) ທັ້ງນີ້​ຍັງ​ບໍ່​ຮູ້​ຕົ້ນຕໍ​ການ​ເກີດ​ທີ່​ແນ່ນອນເຫດການ​ໃນ​ຄັ້ງນີ້​ສ້າງ​ຄວາມ​ເສຍ​ຫາຍ​ໃຫຍ່​ຫລວງ​ແກ່​ນະຄອນຫລວງ​ໂຣມຈຳນວນຫລາຍ ມີ​ຜູ້​ເສຍ​ຊີວິດ​ ​ວັນ​ລະ 2.000 ຄົນ, ​ຍອດ​ຜູ້​ເສຍ​ຊີວິດ​ລວມທັງ​ໝົດ​ປະມານ 5 ລ້ານ​ຄົນ, ການ​ແຜ່​ລະບາດ​ໃນ​ຄັ້ງນີ້​ຍັງ​ສົ່ງ​ຜົນ​ກະທົບ​ຢ່າງ​ໃຫຍ່​ຫລວງ​ເຖິງ​​ເລື່ອງ​ ​ເສັ້ນທາງ​ການ​ຄ້າຂາຍ Indo-Raman Trade ​ໃນ​ແຖບ​ມະຫາ​ສະມຸດ ອິນ​ເດຍ.

10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - 7569 - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ
  • ກາມະ​ໂຣກ The BIack Death

ປີ 1346-1353

ໜຶ່ງ​ໃນ​ເຫດການ​ໂຣກລະບາດ​ຮ້າຍ​ແຮງ ທີ່​ສຸດ​ໃນ​ປະຫວັດສາດ​ໂລກ ປະ​ເມີນ​ຈຳນວນ​ຜູ້​ເສຍ​ຊີວິດ​ທັງ​ໝົດ​ເຖິງ 75-200 ລ້ານ​ຄົນ ຖື​ເປັນ​ເຖິງ 1 ​ໃນ 3 ຂອງ​ປະຊາກອນ​ໂລກ​ທັງ​ໝົດ, ມີ​ສາ​ເຫດ​ມາ​ຈາກ​ເຊື້ອ ​ແບ​ດທີ​ເລຍ ​ເຢີ​ຊີ​ເນຍ ​ແພ​ສທິຊ (Yersinia Pestis) ​ເຊິ່ງ​ແຜ່​ລະບາດ​ຢູ່​ໃນ​ສັດ​ຈຳພວກ​ໜູ, ​ໃນ​ແຖບ​ຕອນ​ກາງຂອງ​ອາຊີ ​ໂດຍ​ຈຸດ​ເລີ່​ມຕົ້ນນັ້ນ​ເຊື່ອ​ວ່າ ມາ​ຈາກ​ຂະ​ບວນຄາ​ຣາວານ​ທີ່​ເດີນທາງ​ມາ​ຈາກ​ອາຊີ ​ເຂົ້າມາ​ເຖິງ​ ທ່າ​ເຮືອ​ຊີ​ຊີ​ລີ ​ໃນ​ອີ​ຕາ​ລີ ປະມານ​ປີ 1347 ກ່ອນ​​ຈະ​ແຜ່​ຕໍ່​ໄປ​ທົ່ວ​ ​ທະວີບ ​ເອີ​ຣົບ ວ່າ​ກັນ​ວ່າ​ຊາກ​ສົບ ຂອງ​ຄົນ​ທີ່​ຕາຍ​ນັ້ນທັບ​ຖົມ​ກັນ​ຈົນ​ສູງ​ເປັນ​ເນີນ ​ເຮັດ​ໃຫ້​ບໍ່​ສາມາດ​​ເຜົາ​ທຳລາຍ​ໄດ້​ຢ່າງ​ທ່ວງທັນ​ເມື່ອ​ຊາກ​ເລີ່​ມ​​ເໜົ່າ​ສະ​ລາຍ​ກໍ່​ໃຫ້​ເກີດ​ເຊື້ອ​ໂຣກກະຈາຍ​ລົງ​​ພື້ນດິນ ​ແລະ ​​ແຫ​ລ່ງນ້ຳຕໍ່​ໄປ​​ແບບ​ບໍ່​ຈົບ.

ຜູ້​ປ່ວຍ​ທີ່​ຕິດ​ໂຣກນີ້​ຈະ​ມີ​ຫລາຍ​ອາການ ຂຶ້ນຢູ່​ກັບ​ສະຖານ​ທີ່ ​ແລະ ​ໄລຍະ​ເວລາ​ທີ່​ພົບ ​ໂດຍ​ມີ​ລັກສະນະ​ຮ່ວມ​ຄື​ຜູ້​ປ່ວຍ​ຈະ​ມີ ຝີ​ໝາກມ່ວງ​ ຂຶ້ນບໍລິ​ເວນ ຂໍ​ພັບ ຂາ​ໜີບ ຄໍ ຂີ້ແຮ້, ​ໄຂ້​ສູງ, ຮາກ​ເປັນ​ເລືອດ ​ແລະ ​ເສຍ​ຊີວິດ​ພາຍ​ໃນ​ເວລາ 2-7 ວັນ.

ສ່ວນ​ຄຳ​ເອີ້ນ Black Death ນັ້ນມີ​ຄວາມ​ໝາຍ 2 ຢ່າງ ຄື​ອາການ​ຂັ້ນສຸດ​ທ້າຍ​ຂອງ​ຜູ້​ປ່ວຍ​ຈາກ​ກາມະໂຣກນັ້ນ ຮ່າງກາຍ​ຈະ​ກາຍ​ເປັນ​ສີດຳ​ເພາະ​ມີ​ເລືອ​ດ​ອອກ​​ໃຕ້​ຜົວ​ໜັງຊັ້ນໜັງກຳພ້າ ​ແລະ ອີກ​ຄວາມ​ໝາຍ​ນັ້ນສື່​ເຖິງ​ຄວາມ​​ເປັນຕາ​ຢ້ານ​ຂອງ​ໂຣກຮ້າຍ​ນີ້ ​ແລະ ອາລົມ​ເສົ້າໝອງ​ຂອງ​ຄົນ​ໃນ​ຍຸກ​ສະ​ໄໝນັ້ນ.

10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - 59 1 - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ

  • The Columbian Exchange
     ປີ1492

ນັບ​ແຕ່​ກອງ​ເຮືອ ​​ແອັດ​ສະ​ປາຍ ​ເຂົ້າມາ​ມີ​ອຳນາດ​ໃນ​ນ່ານນ້ຳທະ​ເລ​ເລ​ແຄຣິບບຽນໂຣກຕິດ​ຕໍ່​ຈາກ​ເອີຣົບ ກໍ​ເດີນທາງ​ເຂົ້າມາ​ເຖິງ​ບໍລິ​ເວນ​ໝູ່​ເກາະ​ທາງ​ໃຕ້​ຂອງ ​ເມກ​ຊິກ ​ເຊັ່ນ​ກັນ ທັງ​ຝີ​ດາບ ຫັດ ກາມະໂຣກ  ​ເຊິ່ງຄ່າ​ຊີວິດ​ຂອງ​ຄົນ​ໃນ​ແຖບ​ນີ້​ໄປ​ເຖິງ 90% ຍົກ​ຕົວຢ່າງ​ເຊັ່ນ:

​ເກະ Hispaniola ​ແຕ່ກ່ອນ​ມີ​ຈຳນວນ​ປະຊາ​ກອນ​ປະມານ 60.000 ຄົນ, ​ແຕ່​ຈາກ​ການ​ມາ​ເຖິງ​ຂອງ​ນັກ​ເດີນ​ເຮືອ Christopher Columbus ​ໃນ​ປີ 1548 ຈຳນວນ​ຊາວ​ເກາະ​ນັ້ນຫລຸດ​ລົງ​ເຫລືອ​ພຽງ 500 ຄົນ.

ປີ 1520 ອານາຈັກ Aztec ຕ້ອງ​ລົ້ມສະ​ລາຍ​ລົງ ຈາກ​ການ​ແຜ່​ລະບາດ​ຂອງ​ໂຣກຝີ​ດາບ ທີ່​ເຂົ້າມາ​ກັບ​ທາດ​ຊາວ​ອາ​ຟຣິກາ.

  • The Great Plague of London
    ປີ 1665

ອີກ​ໜຶ່ງ​ໂຣກລະບາດ​ຄັ້ງຮ້າຍ​ແຮງ​ຂອງ​ອັງກິດ​ນັບແຕ່​ເຫດການ Black Death  ​ໃນ​ປີ 1348 ​ໂດຍ​ເຊື່ອກັນ​ວ່າ​ສາ​​ເຫດ​ຫລັກ​ມາ​ຈາກ​ໜູ ລວມ​ໄປ​ເຖິງ​ຄວາມ​​ເປື້ອນຂອງ​ທີ່ຢູ່​ອາ​​ໄສ ທີ່​ດຶງ​ດູດ​ພວກ​ໜູ​ເຂົ້າມາ ປະຊາກອນ ​ໃນ​ນະຄອນ​ຫລວງລອນ​ດອນ​ປະມານ 20% ​ເສຍ​ຊີວິດ​ຈາກ​ເຫດການ​ນີ້ ລວມ​ໄປ​ເຖິງ​ສັດ​ລ້ຽງ​ຄືໝາ ​ແລະ ​ແມວ ກໍ​ຖືກຂ້າ​ຖິ້ມ ​ເພາະ​ເຊື່ອ​ວ່າ​ເປັນສາ​ເຫດ​ຂອງ​ການ​ແຜ່​ເຊື້ອ, ​ແຕ່​ນັ້ນ​ແຮງ​ເຮັດ​ໃຫ້​ປະຊາກອນໜູ​ແຜ່​ຈຳນວນ​ຫລາຍ​ຂຶ້ນກວ່າ​ເກົ່າ.

10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - Wave100S AD to Website 2020 0 - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ

10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - 659 - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ
  • ອາ​ຫິວາ​ຕົກ​ໂຣກ  First Cholera Pandemic
    ປີ .1817

ການ​​ເກີດ​ຂຶ້ນ​ຄັ້ງທຳ​ອິດ​ຂອງ​ເຊື້ອ ອາ​ຫິວາ​ຕົກ​ໂຣກ ​ເກີດ​ຂຶ້ນ​ໃນ ຣັດ​ເຊຍ ມີ​ຜູ້​ເສຍຊີວິດ​ລວມກວ່າ 1 ລ້ານ​ຄົນ ​ເຊື້ອ​ແຜ່​ກະ​ຈາ​ຍຜ່ານ​ທາງນ້ຳ ​ແລະ ອາຫານ ຕິດ​ໄປ​ກັບ ທະຫານ​ຄົນ​ອັງກິດ ທີ່​ນຳ​ເຊື້ອ​ໂຣກ ​ໄປ​ແຜ່​ຕໍ່​ປະ​ເທດ ອິນ​ເດຍ ມີ​ຜູ້​ເສ​ຍຊີວິດ​ເພີ່ມ​ອີກ​ລ້ານ​ຄົນ ຈາກ​ນັ້ນ​ເຊື້ອກໍ​​ແຜ່​ໄປ​ເຖິງ​ອັງກິດ ຈາກ​ກອງ​ເຮືອ​ອັງກິດ​ໄປ​ສູ່ ​ແອັດ​ສະ​ປາຍ, ​ອາ​ຟຣິກາ, ອິນ​ໂດ​ເນ​ເຊຍ, ຈີນ, ຍີ່ປຸ່ນ, ອີ​ຕາ​ລີ, ​ເຢຍລະ​ມັນ ​ແລະ ອາ​ເມ​ລິ​ກາ. ການ​ແພດສາມາດ​ຜະລິດ​ວັດ​ຊິນ​ຂຶ້ນມາ​ເປັນຜົນສຳ​ເລັດ​ໃນ​ປີ 1885 ​ແຕ່​ການ​ແຜ່​ລະບາດ​ຂອງ​ເຊື້ອນີ້​ກໍ​ຍັງ​ຄົງ​ດຳ​ເນີນ​ຕໍ່​ໄປ.

  • ການ​ແຜ່​ລະບາດ​ຂອງ​ກາມະໂຣກຄັ້ງທີ 3 The Third Plague Pandemic
    ປີ 1855

​ເລີ່​ມຕົ້ນຂຶ້ນທີ່​ປະ​ເທດ​ຈີນ ກ່ອນ​ຈະລາ​ມ​ໄປ​ຫາ​ອິນ​ເດຍ ​ແລະ ຮົງ​ກົງ ​ເຊິ່ງຂ້າ​ຊີວິດ​ຄົນ​ໄປ​ເຖິງ 15 ລ້ານ​ຄົນ ​ເຊິ່ງນັບ​ເປັນຄັ້ງທີ 3 ຂອງ​ໂລກ, ທີ່​ມີ​ການລະບາດ​ຂອງ​ເຊື້ອ ກາມະໂຣກ (ຄັ້ງທີ 1 ​ໄລຍະ​ປີ 541-542 ​ໄລຍະ​ອານາຈັກ​ໄບ​ແຊນ​ໄທ​ນ໌ ​ແລະ ຄັ້ງທີ 2 ຄື Black Death ​ໃນ​ປີ 1348) ຄັ້ງນີ້​ເຊື້ອ​ໂຣກ​ແຜ່​ໂດຍ​ມີ​ໜູ ​ແລະ ຕົວ​ໝັດ​ເປັນ​ພາຫະ

  • ໄຂ້ຫວັດ​ໃຫຍ່ຣັດ​ເຊຍ Russian Flu
    ປີ 1889

ເຫດການ ​ໄຂ​ຫວັດ​ໃຫຍ່ ລະບາດ​ຄັ້ງທຳ​ອິດ​ຂອງ ປະ​ເທດຣັດ​ເຊຍ ​ເຊິ່ງ​ເຊື້ອ​ແຜ່​ມາ​ຈາກ​ແຖບ​ໄຊ​ບີ​ເລຍ ​ແລະ ຄາ​ຊັກ​ສະຖານ ​ເຂົ້າ​ເຖິງ​ເມືອງ​ໃຫຍ່ ຄືມອດ​ໂຄ ຟິນ​ແລນ ​ແລະ ​ໂປ​ແລນ ​ແລະ ສຸດ​ທ້າຍ​ກໍ​ໄປ​ຫາ​ສ່ວນ​ຕ່າງໆ​ໃນ​ແຖບ ​ເອີຣົບ ພາຍ​ໃນ​ເວລາ 1 ປີ ​ເຊື້ອກໍ​ຂ້າມ​ນ້ຳຂ້າມ​ທະ​ເລ ​ໄປ​ຈົນ​ເຖິງ​ທະວີບ ອາ​ເມ​ລິ​ກາ​ເໜືອ ​ແລະ ​ອາ​ຟຣິກາ ​ໃນ​ທີ່​ສຸດ ຄັ້ງສຸດ​ທ້າຍ​ໃນ​ປີ 1890 ມີ​ຈຳນວນ​ຜູ້​ເສຍ​ຊີວິດ​ທັງ​ໝົດ 360.000 ຄົນ.

  • ​ໄຂ້ຫວັດ​ແອັດ​ສະ​ປາຍ Spanish Flu
    ປີ.1918

​ເຊື້ອ​ໄຂ້ຫວັດ​ໃຫຍ່​ທີ່​ມີ​ຕົ້ນຕໍ​ມາ​ຈາກ​ສັດ​ປີກ ມີ​ຈຳນວນ​ຜູ້​ເສຍ​ຊີວິດ​ລວມທົ່ວ​ໂລກ​ເຖິງ 50 ລ້ານ​ຄົນ ນັບ​ເປັນ​ໂຣກຕິດ​ຕໍ່​ທີ່​ຂ້າ​ຊີວິດ ​ຄົນ​​ໄປ​ຫລາຍ​ທີ່​ສຸດ​ນັບ​ແຕ່​ເຫດການ Black Death ​ໂດຍ​ສະຖິຕິ​ທຳ​ອິດ​ການ​ກຳ​ເນີ​ດຂອງ​ໄຂ້ຫວັດ​ໃຫຍ່​ຊະນິດ​ນີ້ ຄາດ​ວ່າ​ເຊື້ອ​ໄວຣັສ ອາດຈະ​ຕິດ​ມາ​ກັບ ກຸ່ມ​ແຮງ​ງານ​ຊາວ​ຈີນ ​ແລ້ວ​ໄປ​ກາຍພັນ ທີ່​ອາ​ເມ​ລິ​ກາ ​ແຕ່​ສຸດ​ທ້າຍ​ສະຖານ​ທີ່​ເກີດ​ການລະບາດ​ຮ້າຍ​ແຮງ​ທີ່​ສຸດ ​ເລີ່​ມຕົ້ນທີ່​ນະຄອນຫລວງ ມາດຣິດ ປະ​ເທດ ​ແອັດ​ສະ​ປາຍ ​ເຮັດ​ໃຫ້​ຖືກ​ເອີ້ນວ່າ “​ໄຂ້ຫວັດ​​ແອັດ​ສະ​ປາຍ”

ຜູ້​ປ່ວຍ​ທີ່​ຕິດ​ເຊື້ອຈະ​ມີ​ໄຂ້, ຈາມ, ປວດຮາກ, ປວດ​ເໝື່ອຍກ້າມ​ຊີ້ນ ​ແລະ ​ຖອກທ້ອງ. ​ເຊິ່ງ​ເປັນ​ອາການ​ທຳ​ອິດ​ເລີ່​ມຂອງ​ໄຂ​້ຫວັດ​ໃຫຍ່​ທົ່ວ​ໄປ ​ແຕ່​ຫລັງ​ຈາກ​ນັ້ນ​ໄລຍະ​ປີ 1918 ​ເຊື້ອກໍ​ກາຍພັນ ​ແລະ ມີ​ຄວາມ​ຮ້າຍ​ແຮງ​​ກວ່າ​ເກົ່າ ການລະບາດ​ຂອງ​ໄຂ້ຫວັດ​​​ແອັດ​ສະ​ປາຍ ນີ້​ກິນ​ອານາ​ເຂດ ທັງ​ໃນ​ອາ​ເມ​ລິ​ກາ ​ແລະ ​ເອີຣົບ ພາຍ​ໃນ​ເວລາ​ສາມ​ປີ ມີ​ຍອດ​ຜູ​້​ເສຍ​ຊີວິດ​ເຖິງ 100 ລ້ານ​ຄົນ. ຫລາຍ​ກວ່າ​ຈຳນວນ​ຜູ້​ເສຍ​ຊີວິດ​ໃນ​ສົງຄາມ​ໂລກ​ຄັ້ງທີ 1 ຫລາຍ​ເທົ່າ ​ແລະ ສຸດ​ທ້າຍ​ການລະບາດ​ຂອງ​ໄຂ້ຫວັດ​ໃຫຍ່​​ແອັດ​ສະ​ປາຍກໍ​ຄ່ອຍໆ ຫລຸດ​ລົງ ​ແລະ ຫາຍ​ໄປ​ຢ່າງ​ລຶກລັບ​​ໄລຍະ​ປີ 1919.

  • ໄຂ້ຫວັດ​ໃຫຍ່ ​ອາຊຽນ Asian fluປີ 1957

​ໄຂ້ຫວັດ​ໃຫຍ່​ອາ​ຊຽນນີ້ ອາດເປັນ​ເຊື້ອສາຍ​ພັນ​ດຽວ​ກັນ​ກັບ ​ໄຂ້ຫວັດ​​ແອັດ​ສະ​ປາຍ ນັ້ນຄື ​ໄຂ້ຫວັດ​ສັດ​ປີກ, ມີ​ຜູ້​ເສຍ​ຊີວິດ​ທົ່ວ​ໂລກ​ປະມານ 1-4 ລ້ານ​ຄົນ ​ໂດຍ​ເລີ່​ມ ການລະບາດ​ໃນ​ ຮົງ​ກົງ ກ່ອນ​ຈະ​​ແຜ່​ກະຈາຍ​ສູ່​ຈີນ,​ ​ສະຫະລັດ​ອາ​ເມ​ລິ​ກາ , ອັງກິດ ​ເຊິ່ງຖື​ເປັນຄວາມ​ໂຊກ​ດີ​ທີ່​ວັກ​ຊິນ ນັ້ນສາມາດ​ຜະລິດ​ຂຶ້ນ​ໄດ້​ເປັນຄັ້ງທຳ​ອິດ​ໃນ​ປີນັ້ນ ຈິ່ງ​ຢັບຢັ້ງການ​ແຜ່​ກະຈາຍ​ໂຣກລະບາດ​ນີ້​ໄດ້​ເປັນ​ຜົນສຳ​ເລັດ.

10 ​ໄວ້ຣັສ HIV / AIDS
ປີ 1981

​ເອສ໌ ຫລື ​ເຊື້ອ​ໄວຣັສ HIV ​ເປັນ​ເຊື້ອທີ່​ເຮັດ​ໃຫ້​ລະບົບ​ພູມມີ​ຕ້ານທານ​ບົກ​ຜ່ອງ ຈົນ​ສຸດ​ທ້າຍ​ກໍ​ເສຍ​ຊີວິດ​ຈາກ​ພາວະ​ໂຣກ​​ແຊກ​ຊ້ອນ ຄາດ​ກັນ​ວ່າ​ເຊື້ອນັ້ນກາຍພັນ​ມາ​ຈາກ ​ໄວຣັສທີ່​ເຮັດ​ໃຫ້​ເກີດ​ໂຣກ​ໃນ​ສັດ​ປະ​ເພດ​ລິງ ​ເຊັ່ນ ຊິ​ມ​ແປນ​ຊີ ຫລັງ​ຈາກ​ນັ້ນ​ໄວຣັສ ​ເຫລົ່ານັ້ນອາດ​ຕິດ​ເຂົ້າມາ​ໃນ​ຄົນ ​ໂດຍ​ເລີ່​ມ​ທຳ​ອິດ​ເປັນ​ໄວຣັສທີ່​ເຮັດ​ໃຫ້​ເກີດ​ເປັນ​ໂຣກມະ​​ເຣັງຕ່ອມນ້ຳ​ເຫລືອງ​ໃນ​ຄົນ​ເທົ່າ​ນັ້ນ ຕໍ່​ມາ​ຈິ່ງ​ກາຍພັນ​ເປັນ​ໂຣດ​ເອສ໌.

10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - WhatsApp Image 2020 05 27 at 5 - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ
10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ - WhatsApp Image 2020 05 27 at 5 - 10 ໂຣກລະບາດຮ້າຍແຮງທີ່ສຸດໃນປະຫວັດສາດຂອງໂລກ ຂ້າຊີວິດຄົນ ເຖິງ 200 ລ້ານຄົນ
error: Alert: ເນື້ອຫາຂ່າວມີລິຂະສິດ !!