ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ

ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ - 245 1 - ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ
ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ - 174233 - ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ

     ຜູ້ອຳນວຍການ​ອົງການ​ອະນາ​ໄມ​ໂລກ ກ່າວ​ວ່າ: ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ໃຊ້​ເວລາ​ຍັງ​ບໍ່​ຮອດ 3 ​ເດືອນ ​ໃນ​ການ​ເຮັດ​ໃຫ້​ຊາວ​ໂລກ​ບໍ່​ສະບາຍ​ 300.000 ກວ່າ​ຄົນ ທຸກ​ປະ​ເທດ​ບໍ່​ຄວນ​ຕັ້ງຮັບ​ຢ່າງ​ດຽວ ​ແຕ່​ຕ້ອງ​ຕອບ​ໂຕ້​ຢ່າງ​ມີ​ປະສິດທິພາບ.

     ທ່ານ ​ເທດຣອສ ​ແອດ​ນາ​ຮອມ ​ເກ​ເບຣ​ເຢຊຸ​ສ ຜູ້ອຳນວຍການ​ອົງານ​ອະນາ​ໄມ​ໂລກ (WHO) ຖະ​ແຫລ​ງ​ໃນ​ວັນ​ທີ 23 ມີນາ​ວ່າ: ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ “​ໂຄ​ວິດ-19” ກຳລັງ​ແຜ່​ລະບາດ​ໃນ 195 ປະ​ເທດ ​ແລະ ດິນ​ແດນ ​ໃຊ້​ເວລາ​ພຽງ 67 ວັນ​ນັບ​ແຕ່​ມີ​ການ​ຢືນຢັນ​ຜູ້​ປ່ວຍ​ຄົນ​ທຳ​ອິດ​ຢູ່​ຈີນ ​ໃນ​ເດືອນ​ທັນວາ​ປີຜ່ານມາ ​ໃນ​ການ​ສົ່ງ​ຜົນ​ໃຫ້​ມີ​ຜູ້​ປ່ວຍ​ທົ່ວ​ໂລກ​ເກີນ 100.000 ຄົນ​ທຳ​ອິດ.

      ​ເຖິງ​ຢ່າງ​ໃດ​ກໍ​ຕາມ, ​ເຊື້ອ​ໂຣກດັ່ງກ່າວ​ໃຊ້​ເວລາ​ອີກ​ພຽງ 11 ວັນ ​ໃນ​ການ​ເຮັດ​ໃຫ້​ມີ​ຜູ້​ຕິດ​ເຊື້ອ​ເພີ່ມ​ອີກ 100.000 ຄົນ ​ແລະ ອີກພຽງ 4 ວັນ​ເທົ່າ​ນັ້ນ ​ໃນ​ການ​ສົ່ງ​ຜົນ​ໃຫ້​ມີ​ຜູ້​ປ່ວຍ​ເພີ່ມ​ອີກ 100.000 ຄົນ. ປັດຈຸບັນ​ທົ່ວ​ໂລກ​ມີ​ຜູ້​ຕິດ​ເຊື້ອຫລາຍ​ກວ່າ 370.000 ຄົນ, ​ເສຍ​ຊີວິດ​ລວມກັນ​ຫລາຍ​ກວ່າ 16.000 ຄົນ ​ແຕ່​ມີ​ຜູ້​ໄດ້​ຮັບ​ການ​ປິ່ນປົວ​ຈົນ​ຫາຍ​ດີ​ແລ້ວ​ຫລາຍ​ກວ່າ 100.000 ຄົນ.

     ທ່ານ ​ເທດຣອສ ກ່າວ​ຕໍ່​ໄປ​ວ່າ: ສະຖິຕິ​ທີ່​ອອກ​ມາ​ບົ່ງ​ບອກ​ວ່າ: ​ໂຄ​ວິດ-19 ​ເຊິ່ງ WHO ປະກາດ​ໃຫ້​ເປັນ “ພາວະ​ສຸກ​ເສີນ​ດ້ານ​ສາທາລະນະ​ສຸກ​ສາກົນ” ​ໃນ​ວັນ​ທີ 30 ມັງກອນ ​ແລະ ຍົກ​ລະດັບ​ເປັນ “​ໂຣກລະບາດ​ໃຫຍ່” ​ໃນ​ວັນ​ທີ 11 ມີນາ​ຜ່ານ​ມາ ຍັງ​ແຜ່​ລະບາດ​ຢ່າງ​ວ່ອງ​ໄວ ​ແຕ່​ໂລກ​ຈະ​ເປັນ​ຝ່າຍ​ຕັ້ງຮັບ​ຢ່າງ​ດຽວ​ບໍ່​ໄດ້ ຕ້ອງ​ຕອບ​ໂຕ້​ຢ່າງ​ມີ​ປະສິດທິພາບ.

ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ - Wave100S AD to Website 2020 0 - ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ

     ຂະນະ​ດຽວ​ກັນ ຜູ້ອຳນວຍການ WHO ກ່າວ​ເຖິງ​ການ​ທີ່​ບຸກຄະລາ​ກອນ​ການ​ແພດ​ເສຍ​ຊີວິດ​ລະຫວ່າງ​ປະຕິບັດ​ພາລະກິດ​ຕໍ່ສູ້ກັບ​​ໂຄ​ວິດ-19 ​ເພີ່ມ​ຂຶ້ນວ່າ: ​ແນ່ນອນ​ເປັນ​ສະຖານະ​ການ​ທີ່​ໜ້າ​ກັງວົນ, ​ແຕ່ WHO ບໍ່​​ເຄີຍ​ເມີນ​ເສີຍ ​ໂດຍ​ຈະ​ມີ​ການ​ພົບ​ປະ​ຫາລື​ກັບ​ລັດຖະບານ​ຂອງ​ສະມາຊິກ​ກຸ່ມ​ປະ​ເທດ​ເສດຖະກິດ​ຂະໜາດ​ໃຫຍ່ 20 ​ແຫ່ງ ຫລື G20 ພາຍ​ໃນ​ອາທິດ​ນີ້ ກ່ຽວ​ກັບ​ການ​ເພີ່ມ​ການ​ຜະລິດ​ອຸປະກອນ​ການ​ແພດ ​ແລະ ​ໂຈະ​ຂໍ້​ຈຳກັດ​ໃນ​ການ​ສົ່ງ​ອອກ​ສິນຄ້າ​ດ້ານ​ສາທາລະນະ​ສຸກ.

     ນອກຈາກ​ນີ້, ທ່ານ ​ເທດຣອສ ກ່າວ​ເຖິງ​ການ​ທີ່​ທົ່ວ​ໂລກ​ຮ່ວມ​ກັນ​ໃຊ້​ມາດ​ຕະການ “​ໄລຍະ​ຫ່າງ​ທາງ​ສັງຄົມ” ​ແລະ “ການ​ປິດ​ເມືອງ” ຫລື ​ເຖິງ​ຂັ້ນທີ່​ລັດຖະບານ​ຫລາຍ​ປະ​ເທດ​ຕັດສິນ​ໃຈ “ປິດ​ປະ​ເທດ” ວ່າ​ໃນ​ໄລຍະ​ໜຶ່ງ​ເປັນ​ພຽງ “ການ​ຫລຸດ​ຄວາມ​ໄວ” ​ໃນ​ການ​ແຜ່​ລະບາດ​ຂອງ​ເຊື້ອ​ໂຣກ ຫລື ​ເປັນ​ພຽງ “ການ​ຊື້​ເວລາ” ​ໃນ​ຫ້ວງ​ເວລາ​ໜຶ່ງ​ເທົ່າ​ນັ້ນ. ການ​ດຳ​ເນີນ​ການ​ຢ່າງ​ມີ​ປະສິດທິພາບ​ໃນ​ການ​ຄັດ​ກອງ, ກວດຫາ, ປິ່ນປົວ ​ແລະ ກັກ​ບໍລິ​ເວນ​ຜູ້​ປ່ວຍ ລວມທັງ​ກຸ່ມ​ເຝົ້າລະວັງ ຍິ່ງ​ຈິງຈັງ ​ແລະ ມີ​ຄວາມ​ລະອຽດ​ຫລາຍ​ເທົ່າ​ໃດ ຍິ່ງ​ສາມາດ​ຕີ​ກອບ​ຂອງ​ໂຣກ​ໄດ້​ຫລາຍ​ຂຶ້ນ​ເທົ່າ​ນັ້ນ. ຜູ້ອຳນວຍການ WHO ​ເປັນ​ກຳລັງ​ໃຈ​ໃຫ້​ທຸກ​ຝ່າຍ ວ່າ​ໂລກ​ສາມາດ​ຮ່ວມ​ກຳລັງ​ກັນ “ປ່ຽນ​​ແນວ​ວິຖີ” ຂອງ​ໂຣກນີ້​ໄດ້.

ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ - WhatsApp Image 2020 05 27 at 5 - ອະນາໄມໂລກກະຕຸ້ນທຸກປະເທດເລັ່ງໂຕ້ກັບໄວຣັສໂຄໂຣນາ
error: Alert: ເນື້ອຫາຂ່າວມີລິຂະສິດ !!