ກຳຈັດທຸກຮູບການລະເມີດສິດທິຂອງເດັກ

- advert banner 728 90 728x90 - ກຳຈັດທຸກຮູບການລະເມີດສິດທິຂອງເດັກ

​ໃນ​ບັນຍາກາດ​ປິ່ນ​ອ້ອມ​ວັນ​ເດັກ​ສາກົນ 1 ມິຖຸນາ​ທີ່​ຫາ​ກໍ​ຜ່ານ​ພົ້ນ​ໄປ​ໃໝ່ໆ​ໝາດ​ນີ້, ຫລາຍ​ປະ​ເທດ​ໄດ້​ເຄັ່ງ​ມາດ​ຕະການ​ປົກ​ປ້ອງ​ສິດທິ​ຂອງ​ເດັກ​ຈາກ​ການ​ຖືກ​ຂູດ​ຮີດ​ທາງ​ເພດ, ການ​ໃຊ້​ຄວາມ​ຮຸນ​ແຮງ ກໍ​ຄື​ການ​ບັງຄັບ​ໃຊ້​ແຮງ​ງານ​ເດັກ. ດັ່ງ​ຕົວຢ່າງ​ຄະດີ​ສະ​ເທືອ​ນຂວັນ​ຢູ່​ມຽນມາ​ກ່ຽວ​ກັບ​ການ​ທໍລະມານ​ທຸບ​ຕີ​ເດັກ​ຍິງ​ອາຍຸ 14 ປີ​ທີ່​ເຮັດ​ວຽກ​ເປັນ​ຄົນ​ໃຊ້​ປະຈຳ​ຄົວ​ເຮືອນ​ແຫ່ງ​ໜຶ່ງ, ​ແຕ່​ໃນ​ທີ່​ສຸດ​ຜູ້​ກໍ່​ກຳ​ທຳ​ເຂັນ​ກໍ​ໜີ​ບໍ່ມົ້ມປະຕູ​ຄຸກ. ​

- new3 - ກຳຈັດທຸກຮູບການລະເມີດສິດທິຂອງເດັກ

ເລື່ອງ​ມີ​ຢູ່​ວ່າ: ​ເດັກ​ຍິງ​ຊື່ ຄິນຄິນຕຸ​ນ ​ແລະ ນ້ອງ​ສາວ​ຂອງ​ເຂົາ ​ເຮັດ​ວຽກ​ເປັນ​ຄົນ​ໃຊ້​ຢູ່​ເຮືອນ​ນາງ ໝ້າຍ ​ໄອ​ໄອ​ໂຊ​ຍ, ​ແຕ່​ລະມື້ສາວ​ນ້ອຍ ​ແລະ ນ້ອງ​ສາວ​ຖືກ​ທຸບ​ຕີ​ທໍລະມານ​ດ້ວຍ​ຂໍ້​ກ່າວ​ຫາ​ເລັກໆ​ນ້ອຍໆ. ​ເຊັ່ນ​ຄັ້ງໜຶ່ງ​ນາງ​ແມ່ໝ້າຍ​ໃຈ​ຜີ​ຄົນ​ນີ້​ໄດ້​ສາດ​ນ້ຳຮ້ອນ​ໃສ່ ຄິນຄິນຕຸ​ນ ຈົນ​ຮ່າງກາຍ​ຂອງ​ນາງ​ຖືກ​ລວກ​ລົນ​ເປັນ​ແຜ​ເຕັມ​ແຜ່ນ​ຫລັງ ດ້ວຍ​ຂໍ້​ອ້າງ​ວ່າ​ສາວ​ນ້ອຍ​ຂີ້ລັກ. ສ່ວນ​ຜູ້​ເປັນ​ນ້ອງ​ສາວ​ທີ່​ເຮັດ​ວຽກ​ຊ່ວຍ​ເອື້ອຍນັ້ນກໍ​ຕົກ​ເປັນ​ເຫຍື່ອ​ຄວາມ​ໂຫດຮ້າຍ​ເຊັ່ນ​ດຽວ. ທີ່​ຟັງ​ແລ້ວ​ຮູ້ສຶກ​ກະດຽມ​ໃຈ​ທີ່​ສຸດ​ແມ່ນ​ກໍລະນີ​ນາງ​ໝ້າຍ​ຄົນ​ນີ້​ໄດ້​ບັງຄັບ​ໃຫ້​ສອງ​ເອື້ອຍນ້ອງ​ຕີ​ກັນ​ເອງ​ໃຫ້​ເບິ່ງ​ຈົນ​ເລືອດ​​ໄຫລ​ອາບ​ໂຕ. ​ໃນ​ທີ່​ສຸດ​ຄະດີ​ນີ້​ກໍ​ຂຶ້ນຮອດ​ສານ. ຜູ້​ກໍ່​ໂທດ​ກຳ​ຖືກ​ຕັດສິນ​ຈຳ​ຄຸກ​ເປັນ​ເວລາ​ 7 ປີ. ຂ່າວ​ບອກ​ວ່າ: ​ເດັກນ້ອຍ​ມຽນມາ​ອີກ​ຈຳນວນ​ຫລວງຫລາຍ​ຖືກ​ທຳລາຍ​ຮ່າງກາຍ​ຈາກ​ນາຍ​ຈ້າງ ​ແຕ່​ຍັງ​ລອດ​ສາຍຕາ​ຂອງ​ກົດໝາຍ. ນັກ​ເຄື່ອນ​ໄຫວ​ເພື່ອ​ສິດທິ​ຂອງ​ເດັກ​ບາງ​ຄົນ​ສະ​ແດງ​ຄວາມ​ກັງວົນ​ວ່າ: ​ເມື່ອ​ນາງ​ໝ້າຍ​ພົ້ນ​ໂທດອີກ 7 ປີ​ຂ້າງ​ໜ້າ, ​ເດັກ​ທັງ​ສອງ​ອາດ​ຖືກ​ແກ້​ແຄ້ນ​ກໍ​ເປັນ​ໄດ້ ​ເພາະ​ນາງ ​ໄອ​ໄອ​ໂຊ​ຍ ຄົນ​ນີ້​ມີ​ອິດ​ທິພົນ.

ສ່ວນ​ຢູ່ ສປ ຈີນ, ຂ່າວ​ຕ່າງປະ​ເທດ​ໃນຕົ້ນ​ເດືອນ​ມິຖຸນາ​ນີ້​ໃຫ້​ຮູ້​ວ່າ: ທາງ​ການ​ໄດ້​ກຳນົດ​ແຜນ​ສ້າງ​ເຄືອ​ຂ່າຍ​ປະສານ​ງານ​ລະຫວ່າງ​ສານ​ກັບ​ອຳນາດ​ການ​ປົກຄອງ ​ແລະ ການຈັດຕັ້ງຕ່າງໆ​ໃນ​ຂອບ​ເຂດ​ທົ່ວ​ປະ​ເທດ ​ເພື່ອ​ເພີ່ມ​ທະວີ​ປະສິດທິພາບ​ໃນ​ການ​ປົກ​ປ້ອງ​ສິດທິ​ຂອງ​ເດັກ​ໃຫ້​ດີ​ຂຶ້ນ. ລະບົບ​ເຄືອ​ຂ່າຍ​ທີ່​ວ່າ​ນີ້​ຈະ​ສ້າງ​ຄວາມ​ສະດວກ​ໃຫ້​ແກ່​ການ​ພົວພັນ​ລະຫວ່າງ​ສານ​ກັບ​ສຳນັກງານ​ອົງການ​ຂອງ​ລັດ​ທີ່​ກ່ຽວຂ້ອງ ​ເຊັ່ນ​ຫ້ອງການ​ກິດຈະການ​ພົນລະ​ເຮືອນ ​ແລະ ຫ້ອງການ​ບັນດາ​ໜ່ວຍ​ງານ​ປ້ອງ​ກັນ​ຄວາມ​ສະຫງົບ. ​ເປົ້າໝາຍ​ຂອງ​ເຄືອ​ຂ່າຍ​ແມ່ນ​ເພື່ອ​ແກ້​ໄຂ​ຄະດີ​ທີ່​ພົວພັນ​ກັບ​ເດັກ​ອາຍຸ​ບໍ່​ເກີນ 17 ປີ​ທີ່​ຖືກ​ທຳຮ້າຍ ຫລື ຖືກ​ລະ​ເມີດ​ສິດ.

- lattana 1 - ກຳຈັດທຸກຮູບການລະເມີດສິດທິຂອງເດັກ

ຢູ່​ອົດສະຕຣາລີ, ທ່ານ​ນາງ ຈູ​ລີ ບິດ​ຊອບ ລັດຖະມົນຕີ​ກະຊວງ​ການ​ຕ່າງປະ​ເທດ ​ໄດ້​ປະກາດ​ກ່ຽວ​ກັບ​ແຜນ​ຫ້າມ​ຜູ້​ມີ​ຄະດີ​ລວນ​ລາມ​ທາງ​ເພດ​ຕໍ່​ເດັກ​ເດີນທາງ​ອອກ​ນອກ​ປະ​ເທດ. ຄາດ​ວ່າ​ພວກ​ຫົວ​ງູ​ທີ່​ນິຍົມ “ຂອງ​ນ້ອຍ” ຢູ່​ຕ່າງປະ​ເທດ​ປະມານ 20.000 ຄົນ​ຈະ​ຖືກ​ຍຶດໜັງສືຜ່ານ​ແດນ. ທ່ານ​ລັດຖະມົນຕີ​ຕ່າງປະ​ເທດ​ອົດ​ສະຕຣາລີ​ ໃຫ້​ຮູ້​ຕື່ມ​ວ່າ: ​ໃນ​ປີ​ກາຍ​ນີ້, ຄົນ​ອົດ​ສະຕຣາລີ​ຈຳນວນ​ເກືອບ 800 ຄົນ​ທີ່​​ເຄີຍ​ຕິດ​ຄະດີ​ລວນ​ລາມ​ທາງ​ເພດ​ຕໍ່​ເດັກ​ໃນ​ຕ່າງປະ​ເທດ​ໄດ້​ເດີນທາງ​ໄປ​ຕ່າງປະ​ເທດ​, ​ໃນ​ນັ້ນ​ປະມານ​ເຄິ່ງໜຶ່ງ​ເຂົ້າມາ​ອາຊີ​ຕາ​ເວັນ​ອອກສຽງ​ໃຕ້. ​ແຜນການ​ຫ້າມ​ຜູ້​ເຄີຍ​ມີ​ຄະດີ​ກ່ຽວ​ກັບ​ເດັກ​ເດີນທາງ​ອອກ​ນອກ​ປະ​ເທດ​ຈະ​ເຮັດ​ໃຫ້​ອົດ​ສະຕຣາລີ​ເປັນ​ປະ​ເທດ​ທຳ​ອິດ​ໃນ​ໂລກ​ທີ່​ເອົາ​ຈິງ​ເອົາ​ຈັງ​ກ່ຽວ​ກັບ​ການ​ປົກ​ປ້ອງ​ສິດທິ​ຂອງ​ເດັກ​ໃນ​ຕ່າງປະ​ເທດ. ກ່ຽວ​ກັບ​ບັນຫາ​ນີ້, ທ່ານ ​ໄມ​ເຄິນ ຄີ​​ແນນ (Michael Keenan) ລັດຖະມົນຕີ​ກະຊວງ​ຍຸຕິ​ທຳ​ອົດ​ສະຕຣາລີ ມີ​ຄຳ​ເຫັນ​ວ່າ: ​ໃນ​ແຕ່ລະ​ປີ ຄາດ​ວ່າ​ຈະ​ມີ​ຜູ້​ຖືກ​ຈົດ​ເຂົ້າບັນຊີ​ການ​ກະທຳ​ຜິດ​ທາງ​ເພດ​ຈຳນວນ 2.500 ຄົນ. ​ໃນ​ບັນຊີ​ເກືອດ​ຫ້າມ​ເດີນທາງ​ອອກ​ນອກ​ປະ​ເທດ​ນັ້ນມີ​ຈຳນວນ 3.200 ຄົນ ມີ​ຄະດີ​ຮ້າຍ​ແຮງ​ກັບ​ເດັກ ​ເຊິ່ງຈະ​ຖືກ​ຕັດ​ສິດ​ເດີນທາງ​ອອກ​ນອກ​ປະ​ເທດ​ຕະຫລອດ​ຊີວິດ. ສ່ວນ​ພວກ​ທີ່​ມີ​ໂທດ​ເບົາບາງ​ກວ່າ​ອາດ​ໄດ້​ຮັບ​ໜັງສືຜ່ານ​ແດນ​ຄືນ ​ແຕ່​ຕ້ອງ​ຜ່ານ​ຂະ​ບວນຕິດຕາມ ​ແລະ ​ດັດ​ສັນດານ​ເປັນ​ເວລາ​ຫລາຍ​ປີ​ກ່ອນ.

error: Content is protected !!