ລາວຢືນຢັນພົບຜູ້ຕິດເຊື້ອແລ້ວ 2 ຄົນ

ລາວຢືນຢັນພົບຜູ້ຕິດເຊື້ອແລ້ວ 2 ຄົນ - 246 1 - ລາວຢືນຢັນພົບຜູ້ຕິດເຊື້ອແລ້ວ 2 ຄົນ
ລາວຢືນຢັນພົບຜູ້ຕິດເຊື້ອແລ້ວ 2 ຄົນ - 174233 - ລາວຢືນຢັນພົບຜູ້ຕິດເຊື້ອແລ້ວ 2 ຄົນ

ໃນວັນທີ 24 ມີນານີ້, ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ຕໍ່ການລະບາດເຊື້ອຈຸລາໂລກໂຄໂຣນາ ຫລື covid-19 ຢືນຢັນພົບຜູ້ຕິດເຊື້ອແລ້ວ 2 ຄົນຄື: ຜູ້ທີ່ 1 ເປັນເພດຍິງ ອາຍຸ 36 ປີ, ອາຊີບໄກ້ນຳທ່ຽວ, ຢູ່ບ້ານຄຳຮຸ່ງ ເມືອງໄຊທານີ ນະຄອນຫລວງວຽງຈັນ ແລະ ຜູ້ທີ່ 2 ເປັນເພດຊາຍອາຍຸ 28 ປີ, ພະນັກງານໂຮງແຮມຄາວພຣາຊ່າ ຢູ່ບ້ານຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ. ໂດຍການຖະແຫລງຂ່າວ ຂອງທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ແລະ ທ່ານ ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ ພ້ອມດ້ວຍສື່ມວນຊົນເຂົ້າຮ່ວມຢ່າງພ້ອມພຽງ.

ສຳລັບກໍລະນີຜູ້ທີ 1 ກ່ອນໜ້ານີ້ຜູ້ກ່ຽວນຳພາກຸ່ມນັກທ່ອງທ່ຽວຈາກຢູໂຣບໄປທ່ຽວວັດຊຽງຄວນ ແລະ ເຂດຕ່າງໆພາຍໃນນະຄອນຫຼວງວຽງຈັນ, ເມືອງວັງວຽງ, ແຂວງຫຼວງພະບາງ ແລະ ຫລັງຈາກນັ້ນກຸ່ມນັກທ່ອງທ່ຽວດັ່ງກ່າວໄດ້ເດີນທາງໄປກຳປູເຈຍ ແລະ ມີການກວດສອບໂດຍທາງການກຳປູເຈຍ ແລ້ວພົບວ່ານັກທ່ອງທ່ຽວໃນກຸ່ມດັ່ງກ່າວຕິດເຊື້ອໂຄວິດ-19 ຈຶ່ງໄດ້ແຈ້ງຫາທາງການລາວ ທາງການລາວຈຶ່ງໄດ້ປະສານຫາຜູ້ຕິດເຊື້ອລາຍນີ້ເພື່ອກວດສອບຫາເຊື້ອ.

ສ່ວນກໍລະນີທີ 2 ກ່ອນທີ່ຈະຢັ້ງຢືນວ່າຕິດເຊື້ອ ຜູ້ກ່ຽວໄດ້ເດີນທາງໄປສຳມະນາຢູ່ທີ່ປະເທດໄທ ແລະ ເດີນທາງກັບຈາກໄທມາລາວແລ້ວກັບບ້ານຕິດຕາມອາການບໍ່ໄດ້ອອກໃສ. ພ້ອມນີ້, ຜູ້ກ່ຽວແມ່ນບໍ່ມີປະຫວັດສຳຜັດກັບໃຜ ແລະ ບໍ່ໄດ້ມີພະຍາດປະຈຳໂຕ, ພາຍຫຼັງ ຜູ້ກ່ຽວມີອາການໄອ, ເຈັບຫົວ, ປວດກ້າມຊີ້ນ, ເຈັບຄໍ ແລະ ຫາຍໃຈຍາກ ຈຶ່ງໄດ້ເດີນທາງໄປກວດຢູ່ໂຮງໝໍມິດຕະພາບ ແລະ ຜົນກວດກໍອອກມາວ່າຜູ້ກ່ຽວຕິດເຊື້ອ, ຫຼັງຈາກທີ່ໄດ້ຮັບຊາບຜົນການກວດແລ້ວ ຄົນເຈັບທັງສອງແມ່ນຈະໄດ້ຖືກແຍກປ່ຽວຢູ່ໂຮງໝໍມິດຕະພາບ 150 ຕຽງ ໂດຍຈະໄດ້ມີຕິດຕາມອາການເບື້ອງຕົ້ນ ແລະ ພົບວ່າທັງສອງມີອາການຢູ່ໃນຂອບເຂດທີ່ດີ.

ລາວຢືນຢັນພົບຜູ້ຕິດເຊື້ອແລ້ວ 2 ຄົນ - Wave100S AD to Website 2020 0 - ລາວຢືນຢັນພົບຜູ້ຕິດເຊື້ອແລ້ວ 2 ຄົນ
ລາວຢືນຢັນພົບຜູ້ຕິດເຊື້ອແລ້ວ 2 ຄົນ - WhatsApp Image 2020 05 27 at 5 - ລາວຢືນຢັນພົບຜູ້ຕິດເຊື້ອແລ້ວ 2 ຄົນ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!