ສປປ ເກົາຫລີ ຍິງທົດລອງລູກສອນໄຟຕໍ່ຕ້ານເຮືອຮົບ

- 96393055 ef2a84fd a46d 4f90 80c8 b2afadeba739 - ສປປ ເກົາຫລີ ຍິງທົດລອງລູກສອນໄຟຕໍ່ຕ້ານເຮືອຮົບ
- 174233 - ສປປ ເກົາຫລີ ຍິງທົດລອງລູກສອນໄຟຕໍ່ຕ້ານເຮືອຮົບ

- 96393057 49bb9874 9bc0 451a 96b4 570f5481d2a1 - ສປປ ເກົາຫລີ ຍິງທົດລອງລູກສອນໄຟຕໍ່ຕ້ານເຮືອຮົບ

ກອງທັບ ສ.​ເກົາຫລີ ລະບຸ​ວ່າ: ສປປ ​ເກົາຫລີ ​ໄດ້​ຍິງ​ທົດ​ລອງ​ລູກ​ສອນ​ໄຟ​ຕໍ່ຕ້ານ​ເຮືອ​ຮົບ​ໄລຍະ​ໃກ້​ຈາກ​ພາກພື້ນດິນ​ຈາກ​ເມືອງ​ວອນ​ຊານ ​​ແລະ ​ໄປ​ຕົກລົງ​ທະ​ເລ​ຫ່າງ​ອອກ​ໄປ​ປະມານ 200 ກິ​ໂລ​ແມັດ ​ເຊິ່ງຢູ່​ທາງ​ຕາ​ເວັນ​ອອກ​ຂອງ​ແຫລມ​ເກົາຫລີ.

​ເຖິງ​ວ່າການ​ທົດ​ລອງ​ລູກ​ສອນ​ໄຟ​ຂອງ ສປປ ​ເກົາຫລີ ຫລາຍ​ເທື່ອ​ໃນ​ປີ​ນີ້​ຈະ​ບໍ່​ປະສົບ​ຜົນສຳ​ເລັດ, ​ແຕ່​ຖື​ວ່າ​ລະ​ເມີດ​ຕໍ່​ມາດ​ຕະການ​ຂວ້ຳບາດ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ​ແລະ ​ເຮັດ​ໃຫ້​ນາໆ​ຊາດ​ເກີດ​ຄວາມ​ແຕກ​ຕື່ນ ​ເຊິ່ງຜູ້​ຊ່ຽວຊານ​ຢ້ານ​ວ່າ: ການ​ທົດ​ລອງ​ຫລາຍ​ເທື່ອ​ອາດ​ໝາຍ​ເຖິງ​ຄວາມ​ຄືບ​ໜ້າ​ຂອງ​ໂຄງການ​ພັດທະນາ​ລູກ​ສອນ​ໄຟ ​ເພື່ອ​ຕິດຕັ້ງຫົວ​ຮົບ​ນິວ​ເຄຼຍ.

 

+ UNSC ຜ່ານຍັດຕິລົງໂທດເຈົ້າໜ້າທີ່ ແລະ ອົງການ ສປປ ເກົາຫລີ

+ ສປປ ເກົາຫລີ ຍິງລູກສອນໄຟສະກັດ ຕົກໃນນ່ານນ້ຳຍີ່ປຸ່ນ

+ ກອງທັບ ສ.ເກົາຫລີ ຄາດວ່າ ວັດຖຸທີ່ຂ້າມແດນມາເປັນບອນລູນຈາກ ສປປ ເກົາຫລີ

 

- Wave100S AD to Website 2020 0 - ສປປ ເກົາຫລີ ຍິງທົດລອງລູກສອນໄຟຕໍ່ຕ້ານເຮືອຮົບ

​ເຖິງ​ຢ່າງ​ໃດ​ກໍ​ຕາມ, ສຳນັກ​ຂ່າວ​ຍອນ​ຮັບ​ຂອງ ສ.​ເກົາຫລີ ລາຍ​ງານ​ວ່າ: ການ​ທົດ​ລອງ​ລູກ​ສອນ​ໄຟ​ເທື່ອ​ຫລ້າ​ສຸດ​ນີ້​ເປັນ​ລູກ​ສອນ​ໄຟ​ຣ່ອນ ຈຶ່ງ​ບໍ່​ຖື​ວ່າ​ລະ​ເມີດ​ມະຕິ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ ​ເຊິ່ງຫ້າມ​ທົດ​ລອງ​ລູກ​ສອນ​ໄຟ​​ແບບ​ນຳຣ່ອງ.

​ໂຄສົກ​ກອງທັບ ສ.​ເກົາຫລີ ຖະ​ແຫລ​ງວ່າ: ການ​ທົດ​ລອງ​ລູກ​ສອນ​ໄຟ​ເທື່ອ​ຫລ້າ​ສຸດ​ນີ້ ສະ​ແດງ​ໃຫ້​ເຫັນ​ວ່າ: ສປປ ​ເກົາຫລີ ພຽງ​ແຕ່​ຢາກ​ໂອ້​ອວດ​ປະສິດທິພາບ​ທີ່​ສາມາດ​ເລັ່ງ​ເປົ້າ​ໃສ່​ເຮືອ​ຮົບ​ຂະໜາດ​ໃຫຍ່​ໄດ້, ພາຍຫລັງ ສ.​ເກົາຫລີ ​ໄດ້​ຮ່ວມ​ຊ້ອມ​ຮົບ​ກັບ​ກອງ​ເຮືອ​ບັນທຸກ​ເຮືອບິນ​ຂອງອາ​ເມ​ລິ​ກາ​ເມື່ອ​ມໍ່ໆ​ມາ​ນີ້.

ລູກ​ສອນ​ໄຟຣ່ອນຕໍ່ຕ້ານ​ເຮືອ​ຮົບ​ປົກກະຕິ​ແລ້ວ​ຈະຣ່ອນ​ໄປ​ເໜືອ​ຜິວ​ນ້ຳ ​ໂດຍ​ໃນ​ປີ 2012 ສປປ ​ເກົາຫລີ ​ເຄີຍ​ນຳ​ເອົາ​ລູກ​ສອນ​ໄຟ​ຊື່ ສະຕິ​ງ ອອກ​ມາສະ​ແດງ​ລະຫວ່າງ​ເດີນ​ສວນສະໜາມ ​ແລະ ຜູ້​ຊ່ຽວຊານ​ເຊື່ອ​ວ່າ: ຜ່ານ​ມາ ສປປ ​ເກົາຫລີ ຍັງ​ທົດ​ລອງ​ລູກ​ສອນ​ໄຟ​​ແບບ​ນຳຣ່ອງຕໍ່ຕ້ານ​ເຮືອ​ຮົບ​ບໍ່​ສຳ​ເລັດ.

- 0b18699c50a6471582e84eac54191c64 - ສປປ ເກົາຫລີ ຍິງທົດລອງລູກສອນໄຟຕໍ່ຕ້ານເຮືອຮົບ

ສ່ວນ​ການ​ທົດ​ລອງ​ກ່ອນ​ໜ້າ​ນີ້ ຄື​​ໃນ​ວັນ​ທີ 29 ພຶດສະພາ, ສປປ ​ເກົາຫລີ ຍິງ​ລູກ​ສອນ​ໄຟ​ສະກັດ ຈາກ​ບໍລິ​ເວນ​ດຽວ​ກັນ​ໄປ​ຕົກ​ຫ່າງ​ອອກ​ໄປ​ປະມານ 450 ກິ​ໂລ​ແມັດ.

​ໃນ​ວັນ​ທີ 2 ມິຖຸນາ, ສະພາ​ຄວາມ​ໝັ້ນຄົງ​ແຫ່​ງສະຫະ​ປະຊາ​ຊາດ ​ໄດ້​ມີ​ມະຕິ​ເປ​ັນ​ເອກະ​ພາບ ຜ່ານ​ມາດ​ຕະການ​ຂວ້ຳບາດ ສປປ ​ເກົາຫລີ ​ເທື່ອ​ໃໝ່ ​ແບບ​ເຈາະ​ຈົງ​ສະ​ເພາະ​ບຸກຄົນ ​ແລະ ອົງການ. ຂະນະ​ທີ່​ອາ​ເມ​ລິ​ກາ​ໄດ້​ຮ່ວມ​ຊ້ອມ​ຮົບ​ກັບ​ກອງທັບ​ເຮືອ​ປ້ອງ​ກັນ​ຕົນ​ເອງ​ຂອງ​ຍີ່ປຸ່ນ ​ແລະ ກອງທັບ ສ.​ເກົາຫລີ ລວມທັງ​ຕິດຕັ້ງລະບົບ​ຕໍ່ຕ້ານ​ລູກ​ສອນ​ໄຟ THAAD ຢູ່ ສ.​ເກົາຫລີ.

​ເຖິງ​ຢ່າງ​ໃດ​ກໍ​ຕາມ, ​ລັດຖະບານ ສ.​ເກົາຫລີ ລະບຸ​ໃນ​ວັນ​ທີ 7 ມິຖຸນາ​ນີ້​ວ່າ: ​ໄດ້​ລະງັບ​ແຜນ​ເພີ່ມ​ຕື່ມ ການ​ຕິດຕັ້ງລະບົບ​ດັ່ງກ່າວ​ເອົາ​ໄວ້​ກ່ອນ ຈົນ​ກວ່າ​ຈະ​ຕີ​ລາຄາ​ຜົນ​ກະທົບ​ດ້ານ​ສິ່ງ​ແວດ​ລ້ອມ​ສຳ​ເລັດ.

- WhatsApp Image 2020 05 27 at 5 - ສປປ ເກົາຫລີ ຍິງທົດລອງລູກສອນໄຟຕໍ່ຕ້ານເຮືອຮົບ
error: Alert: ເນື້ອຫາຂ່າວມີລິຂະສິດ !!