ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ

ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ - 54 4 - ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ
ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ - Untitled design - ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ

ລູກເມືອງພວນ.

ສະບາຍດີ ເພື່ອນຜູ້ອ່ານທີ່ຮັກແພງທັງຫລາຍ! ເນື່ອງຈາກວ່າ ເຊື້ຶອໄວຣັສໂຄໂຣນາ ລະບາດໄປທົ່ວໂລກໃນຂະນະນີ້, ໄດ້ສົ່ງຜົນກະທົບຕໍ່ທາງເສດຖະກິດໂລກໂດຍລວມ, ເຮັດໃຫ້ຫຼາຍກິດຈະການ ແລະ ຫຼາຍໂຄງການຕ່າງໆຖືກຢຸດຕິ ແລະ ເລີກຈ້າງແຮງງານເປັນຈຳນວນຫຼວງຫຼາຍຊົ່ວຄາວ ຈຶ່ງສົ່ງຜົນໃຫ້ແຮງງານລາວຈຳນວນໜຶ່ງທີ່ໄປອອກແຮງງານຢູ່ປະເທດເພື່ອນບ້ານໃກ້ຄຽງຈຳເປັນຕ້ອງໄດ້ກັບຄືນສູ່ບ້ານເກີດເມືອງນອນຂອງຕົນຢ່າງຫຼວງຫຼາຍໃນຂະນະນີ້ ໂດຍສະເພາະແມ່ນວັນທີ 23 ມີນານີ້ ຊຶ່ງເປັນມື້ທຳອິດທີ່ພີ່ນ້ອງແຮງງານລາວໃນໄທໄດ້ເດີນທາງກັບຄືນປະເທດດ້ວຍຊ່ອງທາງຕ່າງໆ ໂດຍສະເພາະແມ່ນຕາມດ່ານສາກົນລາວ-ໄທເຊັ່ນ: ຂົວມິດຕະພາບລາວ-ໄທ 1 (ວຽງຈັນ-ໜອງຄາຍ), ດ່ານວັງເຕົ່າ-ຊ່ອງເມັກ (ຈຳປາສັກ), ມຸກດາຫານ-ສະຫວັນນະເຂດ…

ລັດຖະບານລາວມີຄວາມດີໃຈທີ່ໄດ້ຕ້ອນຮັບພີ່ນ້ອງຊາວລາວກັບຄືນສູ່ປິຕຸພູມຂອງຕົນດ້ວຍຄວາມຍິນດີ ແລະ ຊື່ນຊົມ ຈຶ່ງໄດ້ເອົາໃຈໃສ່ຕໍ່ພີ່ນ້ອງເປັນຢ່າງດີ, ມີການກວດຫາເຊື້ອ ແລະ ກັກຕົວໄວ້ຕາມສະຖານທີ່ທີ່ລັດຖະບານຈັດສັນໄວ້ໃຫ້ ຕາມຫຼັກການສາກົນ, ທັງນີ້ກ່ອນອື່ນໝົດກໍເພື່ອຄວາມປອດໄພຂອງກະໂຕທ່ານເອງ ຈາກນັ້ນກໍແມ່ນເພື່ອຄວາມປອດໄພຕໍ່ຍາດຕິພີ່ນ້ອງ ລູກເມຍ ຄອບຄົວຂອງທ່ານອີກດ້ວຍ ແລະ ກວ້າງກວ່ານັ້ນກໍແມ່ນເພື່ຶອພີ່ນ້ອງລາວທັງຊາດ.

ເມື່ອເບິ່ງລວມແລ້ວການກັບຄືນມາຂອງພີ່ນ້ອງແຮງງານລາວໃນຄັ້ງນີ້ ຈຳນວນສ່ວນຫຼາຍແມ່ນໃຫ້ການຮ່ວມໄມ້ຮ່ວມມືກັບລັດຖະບານໄດ້ເປັນຢ່າງດີ, ເຂົາອອກຕາມດ່ານທີ່ທາງການກຳນົດໃຫ້ ແລະ ມີການກວດຫາເຊື້ອໄວຣັສຢ່າງຖືກຕ້ອງຄົບຖ້ວນ ກ່ອນທີ່ຈະກັກຕົວເປັນເວລາ 14 ວັນ.

ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ - Wave100S AD to Website 2020 0 - ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ

ເຖິງຢ່າງໃດກໍດີ, ຍັງມີພີ່ນ້ອງແຮງງານລາວຈຳນວນໜ້ອຍໜຶ່ງ ທີ່ຍັງບໍ່ທັນປະຕິບັດຕາມການກຳນົດ ແລະ ການແນະນຳຂອງລັດຖະບານລາວ-ໄທ, ໝາຍຄວາມວ່າຍັງມີພີ່ນ້ອງແຮງງານລາວຈຳນວນໜ້ອຍໜຶ່ງ ກັບຄືນມາບ້ານໂດຍບໍ່ຖືກຕ້ອງຕາມການແນະນຳຂອງລັດຖະບານເຊັ່ນ: ຂ້າມມາດ້ວຍເຮືອຈັກ, ຕາມດ່ານທ້ອງຖິ່ນ ແລະ ຕາມດ່ານປະເພນີຈຳນວນໜຶ່ງ ຊຶ່ງບໍ່ແມ່ນບ່ອນກຳນົດໃຫ້ຂ້າມຕາມທາງການກຳນົດໄວ້ ແລະ ບໍ່ໄດ້ຜ່ານການກວດຫາເຊື້ອໄວຣັສແຕ່ຢ່າງໃດເລີຍ. ອັນນັ້ນເປັນການສ່ຽງທີ່ສຸດຕໍ່ການທີ່ຈະນຳເອົາເຊື້ອໄວຣັສໂຄໂຣນາ ນອກຈາກຕົວທ່ານເອງແລ້ວຍັງຈະນຳເອົາເຊື້ອມາຕິດໃສ່ຍາດຕິພີ່ນ້ອງລູກເມຍໃນຄອບຄົວຕົນເອງ ແລະ ພີ່ນ້ອງຮ່ວມຊາດອີກດ້ວຍ ຊຶ່ງມີຄວາມອັນຕະລາຍສູງຕໍ່ຊີວິດອິນຊີຂອງປະຊາຊົນລາວທັງຊາດ ແລະ ຍາດຕິພີ່ນ້ອງໃກ້ຄຽງຂອງທ່ານ. ເມື່ອຂ້າມມາແລ້ວ ຫາກບໍ່ທັນໄດ້ກວດຫາເຊື້ອ ຈົ່ງຮີບຟ້າວໄປລາຍງານຕົວຕໍ່ອຳນາດການປົກຄອງ ແລະ ໄປກວດເຊື້ອນຳແພດໝໍ, ຕື່ນຕົວກັກຕົນເອງຢູ່ໃນເຮືອນບໍ່ໄປໃສ, ບໍ່ໄປຕິດພັນສຳຜັດກັບຄົນອື່ນ ເປັນເວລາ 14ວັນ ໂດຍການຕິດຕາມຂອງເຈົ້າໜ້າທີ່ແພດໝໍ.

ຈຶ່ງຮຽກຮ້ອງໃຫ້ພີ່ນ້ອງແຮງງານລາວຈົ່ງໄດ້ໃຫ້ການຮ່ວມໄມ້ຮ່ວມມືກັບລັດຖະບານ ເພື່ອຄວາມປອດໄພໃຫ້ແກ່ຕົນເອງ ແລະ ພີ່ນ້ອງຮ່ວມຊາດໝົດທຸກຄົນ./.

ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ - WhatsApp Image 2020 05 27 at 5 - ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ
ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ - WhatsApp Image 2020 05 27 at 5 - ຂໍໃຫ້ພີ່ນ້ອງແຮງງານລາວ ຈົ່ງໃຫ້ການຮ່ວມມືກັບລັດຖະບານ ແລະ ພີ່ນ້ອງຮ່ວມຊາດ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!