ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ

ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ - Lpn News555 - ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ
ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ - 174233 - ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ

ໃນວັນທີ 24 ມີນາ ນີ້, ກະຊວງ ສາທາລະນະສຸກ ໄດ້ອອກມາຖະແຫລງຂ່າວ ຢືນຢັນວ່າ: ປັດຈຸບັນ ຢູ່ ສປປ ລາວ ພົບຜູ້ຕິດເຊື້ອໂຄວິດ-19 ແລ້ວ 2 ຄົນ, ຊຶ່ງເປັນ ເພດຊາຍ ອາຍຸ 28 ປີ ເປັນພະນັກງານເຮັດວຽກ ຢູ່ ໂຮງແຮມ ຄຣາວພາຊາ, ຢູ່ບ້ານ ຈັນສະຫວ່າງ, ເມືອງ ສີໂຄດຕະບອງ ນະຄອນຫລວງວຽງຈັນ ໂດຍຜູ້ກ່ຽວໄດ້ເດີນທາງໄປສຳມະນາ ຢູ່ ປະເທດ ໄທ ໃນວັນທີ 4 ມີນາ ແລະ ໄດ້ຮ່ວມກອງປະຊຸມມຳມະນາ ຢູ່ບາງ ກອກ , ຈາກນັ້ນ ກໍໄດ້ໄປທ່ຽວສະຖານບັນເທີງ,ບາງແຫ່ງໃນທີ່ນັ້ນ ແລະ ໄດ້ກັບ ຈາກປະເທດໄທມາລາວໂດຍເຮືອບິນ ໃນວັນທີ 9 ມີນາ 2020 ແລະ ກັບບ້ານຕິດຕາມອາການ, ຮອດວັນທີ 23 ມີນາ , ຜູ້ກ່ຽວມີອາການໄຂ້, ເຈັບຫົວ, ປວດກ້າມຊີ້ນ, ເຈັບຄໍ, ໄອ ແລະ ຫາຍໃຈຍາກ, ເວລາ 9:00 ໂມງຂອງວັນດຽວກັນ ຈຶ່ງໄດ້ມາກວດ ແລະເກັບຕົວຢູ່ໂຮງໝໍມິດຕະພາບ, ໂດຍໄດ້ນອນຢູ່ຫ້ອງແຍກປ່ຽວ ແລະ ຜ່ານການກວດກາໄດ້ຢັ້ງຢືນວ່າ: ຜູ້ກ່ຽວຕິດເຊື້ອ ໂຄວິດ-19, ສ່ວນກໍລະນີທີ 2 ແມ່ນເພດຍິງ ອາຍຸ 36 ປີ ຢູ່ບ້ານ ຄຳຮຸ່ງ ເມືອງ ໄຊທານີ ນະຄອນຫລວງວຽງຈັນ, ຜູ້ກ່ຽວມີອາຊີບເປັນ ພະນັກງານນຳທ່ຽວຕ່າງປະເທດ, ໂດຍໄດ້ນຳພານັກທ່ອງທ່ຽວຈາກກຸ່ມປະເທດ ເອີຣົບ ເຂົ້າມາ ສປປ ລາວ, ແລ້ວນຳທ່ຽວໄປຍັງເມືອງວັງວຽງ ແຂວງວຽງຈັນ ແລະ ຫລວງພະບາງແລ້ວນຳນັກທ່ອງທ່ຽວໄປ ທ່ອງທ່ຽວກຳປູເຈຍ ຈຶ່ງມີການຄັດກອງ ແລະ ພົບມີອາການໄຂ້ ເຂົ້າກັບນິຍາມການຕິດເຊື້ອ ແລະ ຜົນຢັ້ງຢືນ ໃນກຸ່ມນັກທ່ອງທ່ຽວເອຣົບນັ້ນ ມີການຕິດເຊື້ອ ໂຄວິດ-19 ແລະ ໃນວັນທີ 11 ມີນາ ຜ່ານມານີ້, ຜູ້ກ່ຽວກັບມາລາວ ແລະ ໄດ້ລາຍງານຕົວກັບແພດຫມໍວ່າມີອາການສົງໃສຕິດເຊື້ອໃນກຸ່ມນັກທ່ອງທ່ຽວນັ້ນ, ຈາກນັ້ນ ຈຶ່ງໄດ້ໃຫ້ຜູ້ກ່ຽວມາກັກຕົວກວດຫາເຊື້ອ ແລະ ພົບການຕິດເຊື້ື້ອ,ໃນໄລຍະເຄື່ອນໄຫວທ່ອງທ່ຽວຢູ່ ສປປ ລາວ , ຜູ້ກ່ຽວໄດ້ເດີນທາງໄປທ່ຽວວັດຊຽງທອງ, ຕາດກວ້າງຊີ ແລະ ສະຖານທີ່ຕ່າງໆ ໃນວັງວຽງ,ແຂວງວຽງຈັນ, ຊຶ່ງປັດຈຸບັນ ເຈົ້າໜ້າທີ່ໄດ້ເອົາໃຈໃສ່ປິ່ນປົວຕິດຕາມອາການຢ່າງເຂັ້ມງວດ.
ທ່ານ ພູທອນ ເມືອງປາກ ຮອງລັດຖະມົນຕີ ກະຊວງ ສາທາລະນະສຸກ ໃຫ້ຮູ້ວ່າ: ທັງ 2 ໄດ້ຮັບການປິ່ນປົວ ຢູ່ ໂຮງໝໍມິດຕະພາບ, ຊຶ່ງຢູ່ໃນສະພາບອາການເຂດດີ ແລະ ໄດ້ຮັບການເອົາໃຈໃສ່ຕິດຕາມປິ່ນປົວຢ່າງໃກ້ສິດ ຈາກແພດຫມໍ ແລະ ຄະນະຮັບຜິດຊອບພ້ອມອຳນວຍຄວາມສະດວກຕ່າງໆ, ສ່ວນມາດຕະການໃນຕໍ່ໜ້າ, ຄະນະສະເພາະກິດຈະໄດ້ສືບຕໍ່ເກັບກຳຂໍ້ມູນປະຫວັດການເຄື່ອນໄຫວຂອງຜູ້ຕິດເຊື້ອທັງສອງ ແລະ ບຸກຄົນຜູ້ໃກ້ສິດອື່ນໆ, ທັງສະຖານທີ່ພັກເຊົາ, ສະຖານທີ່ເຮັດວຽກ ເພື່ອຄັດກອງ ແລະ ທຳຄວາມສະອາດ ຂ້າເຊື້ອພະຍາດໃຫ້ຮັບປະກັນ.
ກະຊວງ ສາທາລະນະສຸກ ໃຫ້ຮູ້ວ່າ: ເລີ່ມແຕ່ ເດືອນມັງກອນມາ ຫາ ວັນທີ 22 ມີນາ 2020 ໄດ້ມີການເກັບຕົວຢ່າງຄົນເຈັບ ເພື່ອກວດຫາເຊື້ອພະຍາດ covid-19 ທັງໝົດ 131 ກໍລະນີ, ມີ 2 ກໍລະນີ ທີ່ພົບຕິດເຊື້ອ. ໃນນັ້ນ 117 ກໍລະນີ ແມ່ນກວດບໍ່ພົບເຊື້ອ ແລະ ກຳລັງລໍຖ້າຜົນກວດອີກ 14 ກໍລະນີ

ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ - Wave100S AD to Website 2020 0 - ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ
ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ - WhatsApp Image 2020 05 27 at 5 - ຢືນຢັນລາວພົບຜູ້ຕິດເຊື້ອ covid-19 ແລ້ວ 2 ຄົນ
error: Alert: ເນື້ອຫາຂ່າວມີລິຂະສິດ !!