ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ

ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ - 251 - ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ
ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ - AGL banner - ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ

     ສິງກະໂປພົບຜູ້ຕິດເຊື້ອໄວຣັສໂຄວິດ-19 ຄັ້ງທຳອິດໃນວັນທີ 23 ມີນາ, ສຳພາດຜູ້ຊ່ຽວຊານເຖິງສິ່ງທີ່ໄດ້ຮຽນຮູ້ຈາກເຊື້ອໂຣກໃໝ່ຊະນິດນີ້.

    ດຣ. ຫວ່ອງ ເສິນ ຊົງ ທີ່ປຶກສາສູນໂຣກຕິດຕໍ່ແຫ່ງຊາດຂອງສິງກະໂປ (NCID) ເປີດເຜີຍວ່າ: ອາທິດທຳອິດ ຄືໄລຍະເວລາທີ່ໄວຣັສໃນລະບົບທາງເດີນຫາຍໃຈຂອງຜູ້ຕິດເຊື້ອຢູ່ໃນລະດັບສູງສຸດ ເຊິ່ງໝາຍຄວາມວ່າ: ຜູ້ປ່ວຍຈະມີສານຄັດຫລັ່ງຈາກດັງ ແລະ ປາກ ເວລາໄອ, ເວົ້າ ຫລື ຈາມ ຈາກນັ້ນ ລະດັບໄວຣັສຈະຫລຸດລົງໃນອາທິດທີສອງ ຈຶ່ງໝາຍຄວາມວ່າ: ຜູ້ປ່ວຍຈະແຜ່ເຊື້ອຫລາຍທີ່ສຸດໃນອາທິດທຳອິດ ນີ້ຈຶ່ງເປັນທີ່ມາຂອງຄຳແນະນຳຂອງທາງການທີ່ວ່າ: ຖ້າມີອາການ ໃຫ້ຟ້າວໄປກວດ.

     “ຖ້າໄດ້ຮັບຄຳສັ່ງໃຫ້ຢູ່ເຮືອນ ຫລື ຂໍໃຫ້ຢູ່ເຮືອນຕາມໃບສັ່ງຂອງໝໍ ຂໍໃຫ້ຢູ່ເຮືອນ ຫລີກເວັ້ນການຕິດຕໍ່ຜູ້ອື່ນໂດຍບໍ່ຈຳເປັນ”.

     ສ່ວນອາການບໍ່ຮູ້ລົດຊາດ ທີ່ຜູ້ຊ່ຽວຊານອັງກິດເພີ່ມເປັນອີກໜຶ່ງສັນຍານບອກອາການຂອງໂຣກໂຄວິດ-19, ດຣ. ຫວ່ອງ ກ່າວວ່າ: ພົບຄົນໄຂ້ຈຳນວນໜຶ່ງຢູ່ສິງກະໂປທີ່ມີອາການເຊັ່ນນີ້, ແຕ່ຍັງບໍ່ມີຂໍ້ມູນໃນພາບລວມຊັດເຈນ.

ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ - Wave100S AD to Website 2020 0 - ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ

     ຂະນະທີ່ ສິງກະໂປພົບຜູ້ຕິດເຊື້ອຄົນໃໝ່ 49 ຄົນ ໃນວັນທີ 24 ມີນາ ເຮັດໃຫ້ຈຳນວນຜູ້ຕິດເຊື້ອມີ 558 ຄົນ.

     ຜູ້ຕິດເຊື້ອໃໝ່ສ່ວນຫລາຍ 32 ຄົນ ເປັນເຊື້ອນຳເຂົ້າຈາກນັກເດີນທາງ ແຍກເປັນຊາວສິງກະໂປ ຫລື ຜູ້ອາໄສ 25 ຄົນ, ອີກ 5 ຄົນເປັນຜູ້ຖືວີຊາໄລຍະຍາວ. ຫລ້າສຸດ ລັດຖະບານປະກາດວ່າ: ຜູ້ທີ່ອາໄສຢູ່ສິງກະໂປ ຫລື ຖືວີຊາໄລຍະຍາວ ທີ່ຍັງຢືນຢັນໄປຕ່າງປະເທດ ເຖິງວ່າລັດຖະບານເຕືອນ ຈະຕ້ອງຈ່າຍຄ່າປິ່ນປົວເຕັມຈຳນວນ ຖ້າປ່ວຍໂຣກໂຄວິດ-19 ເຂົ້າໂຮງໝໍຫລັງຈາກພົບວ່າ ຍັງມີຄົນເດີນທາງອອກນອກວັນລະປະມານ 1.000 ຄົນ ສ່ຽງກັບມາແຜ່ເຊື້ອ.

ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ - lattana 1 - ຜູ້ຊ່ຽວຊານຊີ້ຜູ້ຕິດເຊື້ອໄວຣັສ ແຜ່ເຊື້ອແຮງສຸດໄລຍະ 7 ວັນທຳອິດ
error: Alert: Content is protected !!