ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19

ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19 - 252 - ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19
ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19 - 174233 - ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19

     ໃນຂະນະທີ່ການລະບາດຂອງໄວຣັສໂຄວິດ -19 ນັບມື້ໄດ້ແຜ່ລາມອອກເປັນວົງກວ້າງໄປທົ່ວໂລກ ແລະ ຢູ່ລາວເຮົາກໍມີຜູ້ຕິດເຊຶ້ອໄວຣັສດັ່ງກ່າວແລ້ວສອງລາຍ ຢູ່ກະໂຕນະຄອນຫລວງວຽງຈັນ, ແຕ່ເຫລົ່າກຳມະກອນກໍ່ສ້າງຄູກັນຕາຝັ່ງເຈື່ອນແຄມຂອງໃນບໍລິເວນເທສະບານນະຄອນໄກສອນ ພົມວິຫານ ແຂວງສະຫວັນນະເຂດ ກໍບໍ່ໄດ້ລົດລະເພື່ອເລັ່ງໃຫ້ການກໍ່ສ້າງດັ່ງກ່າວສໍາເລັດລົງໂດຍໄວ ເພື່ອຄວາມງົດງາມ ແລະ ໃບຫນ້າໃຫມ່ຂອງຕົວເມືອງນະຄອນໄກສອນພົມວິຫານ ຊຶ່ງມາຮອດປັດຈຸບັນໂຄງການຄືບຫນ້າແລ້ວກວ່າ 50% ພາຍຫລັງເລີ່ມກໍ່ສ້າງມາແຕ່ທ້າຍປີ 2019 ໂດຍແມ່ນບໍລິສັດ ລາວມີໄຊ ກໍ່ສ້າງ ຈໍາກັດຜູ້ດຽວ ເປັນຜູ້ຮັບເໝົາກໍ່ສ້າງ ຊຶ່ງວ່າຈະໃຫ້ສໍາເລັດສົມບູນພາຍໃນກາງປີ 2021 ທີ່ຈະມາເຖິງ.

      ຫົວໜ້າໂຄງການພັດທະນາຕົວເມືອງຕາມແລວເສດຖະກິດຕາເວັນອອກ-ຕາເວັນຕົກອະນຸພາກພື້ນແມ່ນ້ຳຂອງ  (GMS) ໃຫ້ຮູ້ວ່າ: ໂຄງການກໍ່ສ້າງຄູກັນຕາຝັ່ງເຈື່ອນດັ່ງກ່າວໄດ້ເລີ່ມແຕ່ເຂດທ່າບັກເກົ່າລຽບແຄມຂອງລົງໄປ ກວມເອົາເຂດດ່ານປະເພນີລະຫວ່າງ ນະຄອນໄກສອນ ພົມວິຫານ-ມຸກດາຫານ (ປະເທດໄທ) ມີຄວາມຍາວທັງໝົດ 980 ແມັດ ແລະ ກວ້າງ 50 ແມັດ, ມີມູນຄ່າການກໍ່ສ້າງທັງຫມົດ 4,5 ລ້ານໂດລາສະຫະລັດ ໂດຍແມ່ນທຶນສະຫນັບສະຫນູນຂອງທະນາຄານພັດທະນາອາຊີ, ນອກຈາກເປັນການກັນຕາຝັ່ງເຈື່ອນແລ້ວ ຍັງຈະເປັນບ່ອນອອກກໍາລັງກາຍ, ສູນກິລາ, ຮ້ານອາຫານ, ສະຖານທີ່ເດັກນ້ອຍຫຼິ້ນ, ສວນສໍາລັບນັ່ງພັກຜ່ອນ, ທ່າເຮືອໂດຍສານອື່ນໆອີກ ຊຶ່ງຈະປະກອບສ່ວນສໍາຄັນເຮັດໃຫ້ນະຄອນໄກສອນ ພົມວິຫານ ແຂວງສະຫວັນນະເຂດ ມີໃບໜ້າໃໝ່ ແລະ ໜ້າທ່ຽວຊົມ.

ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19 - Wave100S AD to Website 2020 0 - ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19
ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19 - WhatsApp Image 2020 05 27 at 5 - ສະຫວັນນະເຂດເລັ່ງສ້າງຄູກັນຕາຝັ່ງເຈື່ອນ ໂດຍບໍ່ສົນໃຈກັບໂກວິດ-19
error: Alert: ເນື້ອຫາຂ່າວມີລິຂະສິດ !!