ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ

ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ - f7f42c15 8101 4b58 8213 d5cd291eb3bb - ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ
ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ - AGL banner - ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ

ທ່ານ ພູທອນ ເມືອງປາກ ຮອງລັດຖະມົນຕີ ກະຊວງ ສາທາລະນະສຸກ, ຜູ້ປະຈຳການຄະນະສະເພາະກິດ, ເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດ covid-19, ໄດ້ຖະແຫລງຂ່າວຕໍ່ສື່ມວນຊົນໃນວັນທີ 25ມີນານີ້ວ່າ: ປັດຈຸບັນ ຢູ່  ລາວເຮົາ ມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ, ຊຶ່ງ ເປັນນັກທຸລະກິດ ອາຍຸ 26 ປີ ຢູ່ບ້ານ ຫ້ວຍຫ້ອມ ເມືອງ ສີໂຄດຕະບອງ ນະຄອນຫລວງ ວຽງຈັນ, ເຊິ່ງໄດ້ມີການພົວພັນກັບພະນັກງານໂຮງແຮມ ຄຣາວພາຊາ ຜູ້ຕິດເຊື້ອ ຫລັງຈາກໄດ້ມີການຮັບປະທານອາຫານຮ່ວມກັນ, ກ່ອນໜ້ານີ້ໃນວັນທີ 25 ກຸມພາ, ຜູ້ກ່ຽວໄດ້ເດີນທາງໄປປະເທດ ຝຣັ່ງ, ຕໍ່ມາວັນທີ 10 ມີນາ ເລີ່ມມີອາການໄຂ້, ໄອ ແລະ ໄດ້ກິນຢາ ແລະ ອາການດີຂື້ນ, ວັນທີ 16 ມີນາ ເດີນທາງກັບມາລາວ, ຕໍ່ມາໄດ້ໄປກວດຢູ່ໂຮງໝໍມິດຕະພາບ ແລະ ໄດ້ເກັບຕົວຢ່າງມາກວດ ຜົນກວດວິເຄາະເປັນລົບ ແລະ ໃນວັນທີ 19 ມີນາ,  ໄດ້ກິນເຂົ້ານັ່ງລົມກັນ ກັບພະນັກງານຕິດເຊື້ອທີ່ຄຣາວພາຊາ ແລະ ລົງລິບມາພ້ອມກັນ, ຕໍ່ມາວັນທີ 24 ມີນາ ຜູ້ກ່ຽວໄດ້ມີອາການ ເຈັບຄໍ, ໄອ, ຫາຍໃຈຍາກ, ພາຍຫລັງໄດ້ສຳພັດກັບຜູ້ຕິດເຊື້ອທີ 2, ຊຶ່ງໄດ້ໄປກວດຢູ່ໂຮງໝໍມິດຕະພາບໃນວັນທີ 25 ມີນາ ຜົນອອກມາເປັນບວກ, ປັດຈຸບັນ ໄດ້ກັກຕົວຜູ້ກ່ຽວເພື່ອປິ່ນປົວຢູ່ໂຮງໝໍມິດຕະພາບ. ໝາຍວ່າ: ປັດຈຸບັນ ຢູ່ ສປປ ລາວເຮົາ ມີຜູ້ຕິດເຊື້ອໂຄວິດເພີ່ມເປັນ 3 ຄົນແລ້ວ ແລະ ຕໍ່ສະພາບດັ່ງກ່າວ, ທາງຄະນະສະເພາະກິດຍັງສືບຕໍ່ເລັ່ງຕິດຕາມ ແລະ ກວດກາຜູ້ທີ່ມີປະຫວັດພົວພັນກັບຜູ້ຕິດເຊື້ອ, ຈົ່ງໄດ້ມາລາຍງານຕໍ່ແພດໝໍ ເພື່ອກວດກາ ແລະ ຈະໄດ້ຄວບຄຸມສະກັດກັ້ນໃຫ້ທັນການ.

    ສຳລັບຜູ້ຕິດເຊື້ອ ຄົນທຳອິດ ທີ່ເປັນເພດຍິງ ອາຍຸ 36 ປີ ພະນັກງານນຳທ່ຽວ ຢູ່ບ້ານ ຄຳຮຸ່ງ ເມືອງ ໄຊທານີ ນະຄອນຫລວງວຽງຈັນ, ໄດ້ມີອາການໄຂ້ ໃນວັນທີ 23 ມີນາ, ຢັ້ງຢືນການຕິດເຊື້ອໃນເວລາ 23 ໂມງຂອງມື້ດັ່ງກ່າວ ແລະ ໄດ້ເຂົ້ານອນປິ່ນປົວຢູ່ໂຮງໝໍມິດຕະພາບ, ຜ່ານມາໃນວັນທີ 7-10 ມີນາ ໄດ້ນຳພານັກທ່ອງທ່ຽວ 38 ຄົນ, ໄປທ່ຽວຢູ່ ນະຄອນຫລວງວຽງຈັນ ແລະ ເດີນທາງໄປ ເມືອງ ວັງວຽງ ແຂວງ ວຽງຈັນ, ແຂວງ ຫລວງພະບາງ ແລະ ຕໍ່ມາ ວັນທີ 12-20 ມີນາ ໄດ້ນຳພາແຂກຊຸດໃໝ່ 3 ຄົນ, ທ່ຽວຫລວງພະບາງ, ອຸດົມໄຊ, ເມືອງ ຂວາ ແຂວງ ຜົ້ງສາລີ ແລະ ວັງວຽງ, ວັນທີ 21 ມີນາ ໄດ້ລົງມາວຽງຈັນ ດ້ວຍເຄື່ອງບິນ, ເຂົ້າພັກຢູ່ໂຮງແຮມ ສຸວັນນາ, ບ້ານ ສີສະຫວາດ, ວັນທີ 22 ມີນາ, ຜູ້ກ່ຽວເລີ່ມມີອາການບໍ່ສະບາຍ, ໄດ້ໄປກວດເຊັກໃນໂຮງໝໍມິດຕະພາບ, ທ່ານ ໝໍໄດ້ກວດເລືອດ ແລະ ຊ່ອງລັງສີປອດ ແຕ່ບໍ່ມີອາການຜິດປົກກະຕິ ຈິ່ງໄດ້ແນະນຳໃຫ້ຈຳກັດບໍລິເວນຕົນເອງຢູ່ ໂຮງແຮມ ສຸວັນນາ, ວັນທີ 23 ມີນາ ເຫັນວ່າຜູ້ກ່ຽວບໍ່ມີອາການດີຂື້ນ ຈຶ່ງໄດ້ໄປກວດຄືນ ຢູ່ໂຮງໝໍມິດຕະພາບ ແລະ ຮັບເຂົ້ານອນແຍກປ່ຽວ ຈຶ່ງຖືກຢັ້ງຢືນວ່າຕິດເຊື້ອພະຍາດ.

    ສຳລັບຜູ້ຕິດເຊື້ອຄົນທີ 2 ທີ່ໂຮງແຮມ ຄຣາວພາຊາ, ໂດຍໃນວັນທີ 4 ມີນາ, ຜູ້ກ່ຽວໄດ້ເດີນທາງໄປສຳມະນາທີ່ປະເທດໄທ ພ້ອມທີມງານ 1 ຄົນ ແລະ ໄດ້ພັກຢູ່ໂຮງແຮມ ຮໍລີເດ ອີນ ເອັກເພຣັດ ແລະ ໄດ້ໄປກິນອາຫານ, ໃນວັນທີ 5 ມີນາ 2020 ຜູ້ກ່ຽວໄດ້ເຂົ້າຮ່ວມງານສະແດງຢູ່ບາງນາ, ປະເທດໄທ ກັບທີມງານ ແລະ ປະຈຳຢູ່ບູດ (ມີຜູ້ເຂົ້າຮ່ວມປະມານ 10 ພັນຄົນ), ໃນວັນທີ 9 ມີນາ ໄດ້ເດີນທາງກັບຈາກປະເທດໄທດ້ວຍຖ້ຽວບິນ TG 574 ເລກທີບ່ອນນັ່ງ 50 ພ້ອມກັບໝູ່ອີກ 5K ຄົນທີ່ເປັນພະນັກງານຢູ່ ບໍລິສັດດຽວກັນ, ໂດຍບໍ່ໄດ້ຖືກກັກຕົວ 14 ວັນ, ນອກຈາກນີ້ ຜູ້ກ່ຽວຍັງເດີນທາງໄປຫລາຍບ່ອນຄື: ໄປກິນຊີ້ນດາດ ຢູ່ຮ້ານ ກະແລ ນຳໝູ່ 6 ຄົນ, ໄປກິນເຂົ້າຢູ່ຮ້ານປີ້ງໄກ່ນາປົ່ງກັບພໍ່, ໄປເລາະເບິ່ງເຄື່ອງຢູ່ຮ້ານ ສຸວັນນີ ແລະ ຮ້ານ CSC ,

     ປັດຈຸບັນມີຜູ້ສົງໃສ 130 ຄົນທີມີການພົວພັນກັບຜູ້ຕິດເຊື້ອດັ່ງກ່າວທີ່ແພດກຳລັງຕິດຕາມກວດກາ ແລະ ກໍມີຕົວຢ່າງທີ່ສົ່ງມາຈາກຜູ້ສຳພັດໃກ້ຊິດກັບໄກນຳທ່ຽວ ທີ່ເປັນຜູ້ຂັບລົດຮັບໃຊ້ນັກທ່ອງທ່ຽວທີ່ແຂວງ ຫລວງພະບາງ ແລະ ຜູ້ໃກ້ຊິດ ກັບພະນັກງານຂັບລົດລວມທັງໝົດ 8 ຄົນ ເຊິ່ງໄດ້ເອົາເຂົ້າຫ້ອງແຍກປ່ຽວ ທີ່ໂຮງໝໍແຂວງ ຫລວງພະບາງ ແລະ ເກັບຕົວຢ່າງສົ່ງມາກວດຫ້ອງວິເຄາະແລ້ວຊຶ່ງ ກຳລັງລໍຖ້າຜົນກວດ.

ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ - Wave100S AD to Website 2020 0 - ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ

    ທ່ານ ຮອງລັດຖະມົນຕີ ກະຊວງ ສາທາລະນະສຸກ ໃຫ້ຮູ້ວ່າ: ປັດຈຸບັນ  ສະພາບການແຜ່ລະບາດຂອງເຊື້ອໂຣກຮ້າຍແຮງນີ້, ອາດມີຄວາມສ່ຽງເພີ່ມຂື້ນ, ຊຶ່ງ ຄະນະສະເພາະກິດກໍຄື ລັດຖະບານ ໄດ້ເພີ່ມມາດຕະການປ້ອງກັນຢ່າງເຂັ້ມງວດ ເພື່ອບໍ່ໃຫ້ເຊື້ອໄວຣັດແຜ່ກະຈາຍອອກເປັນວົງກ້ວາງ.

ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ - lattana 1 - ຫນ້າວິຕົກຢູ່ລາວມີຜູ້ຕິດເຊື້ອ ໂຄວິດ-19 ເພີ່ມອີກ 1 ຄົນ ເປັນ 3 ຄົນແລ້ວ
error: Alert: Content is protected !!