ອັງກິດຢືນຢັນຍອດຜູ້ຕິດເຊື້ອໂຄວິດ-19 ບັນລຸ 9.529 ຄົນ

     ອັງກິດຢືນຢັນຈຳນວນຜູ້ຕິດເຊື້ອໂຄວິດ-19 ບັນລຸ 9.529 ຄົນ ສ່ວນຜູ້ເສຍຊີວິດມີ 463 ຄົນ.

     ສຳນັກງານສາທາລະນະສຸກ ແລະ ການເບິ່ງແຍງສັງຄົມຂອງອັງກິດ ຢືນຢັນວ່າ: ຈຳນວນຜູ້ຕິດເຊື້ອໄວຣັສໂຄໂຣນາສາຍພັນໃໝ່ ຕົ້ນຕໍໂຣກໂຄວິດ-19 ຢູ່ອັງກິດ ໃນວັນທີ 25 ມີນາ ມີ 9.529 ຄົນ ເຊິ່ງເພີ່ມຂຶ້ນ 1.452 ຄົນ ຈາກລະດັບຂອງວັນທີ 24 ມີນາ, ສ່ວນຈຳນວນຜູ້ເສຍຊີວິດມີ 463 ຄົນ.

      ສາສະດາຈານ ຄຣິສ ວິດຕີ້ ຜູ້ອຳນວຍການສຳນັກງານດ້ານການແພດແຫ່ງອັງກິດ (CMO) ກ່າວວ່າ: ອັງກິດກຳລັງເພີ່ມອັດຕາການທົດສອບຫາຜູ້ຕິດເຊື້ອໄວຣັສໂຄວິດ-19.

     ສຳນັກຂ່າວຊິນຮົວລາຍງານວ່າ: ສຳນັກງານສາທາລະນະສຸກແຫ່ງຊາດຂອງອັງກິດກຳລັງພະຍາຍາມເພີ່ມການກວດເຊື້ອໄວຣັສໂຄວິດ-19 ໃຫ້ປະຊາຊົນໃຫ້ໄດ້ສູງເຖິງ 25.000 ຄົນຕໍ່ວັນ. ຂະນະທີ່ສຳນັກງານສາທາລະນະສຸກ ແລະ ການເບິ່ງແຍງສັງຄົມຂອງອັງກິດ ລະບຸວ່າ: ທາງການອັງກິດໄດ້ສົ່ງຜ້າອັດປາກກວ່າ 15 ລ້ານອັນ ໃຫ້ໂຮງໝໍຕ່າງໆທົ່ວປະເທດ.

error: Alert: Content is protected !!