ບໍລິສັດ ເບຍລາວ ມອບເງິນສົດ 2 ຕື້ກີບຊ່ວຍສະກັດກັ້ນໂຄວິດ-19

ເຊົ້າວັນທີ 26 ມີນານີ້ ບໍລິສັດ ເບຍລາວ ໄດ້ມອບເງິນສົດຈໍານວນ 2 ຕື້ກີບ ໃຫ້ລັດຖະບານລາວເພື່ອປະກອບສ່ວນເຂົ້າໃນວຽກງານປ້ອງກັນ ແລະ ຄວບຄຸມ ການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ໂຄວິດ-19 ໃຫ້ສາມາດຜ່ານພົ້ນວິກິດນີ້ໄປໄດ້ດ້ວຍດີ.
ພິທີມອບ-ຮັບ ເງິນຊ່ວຍເຫັລືດັ່ງກ່າວໄດ້ຈັດຂຶ້ນທີ່ຫ້ອງວ່າການສຳນັກງານນາຍົກລັດຖະມົນຕີ ລະຫ່ວາງທ່ານ ສູນທອນ ພົມມະຈັກ ປະທານບໍລິສັດ ເບຍລາວ ຈໍາກັດ ແລະ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ.


ທ່ານ ສູນທອນ ພົມມະຈັກ ໄດ້ກ່າວມອບວ່າ: ບໍລິສັດເບຍລາວ ພວກເຮົາ ຂໍເປັນສ່ວນໜຶ່ງ ສະໜັບສະໜູນລັດຖະບານຄວບຄຸມການລະບາດຂອງເຊື້ອໂຣກຮ້າຍແຮງນີ້ໃຫ້ມີປະສິດທິຜົນ. ພ້ອມສົ່ງກຳລັງໃຈມາຍັງພະນັກງານແພດໝໍ ແລະ ພາກສ່ວນກ່ຽວຂ້ອງຕ່າງໆທີ່ໄດ້ເປັນນເຈົ້າການຮ່ວມກັນຊ່ວຍສະກັດກັ້ນການລະບາດຂອງພະຍາດ ໂກວິດ -19 ນີ້ໃຫ້ຜ່ານຜ່າໄປ.
ຂະນະດຽວກັນທ່ານ ສົມດີ ດວງດີ ໄດ້ຕາງໜ້າໃຫ້ລັດຖະບານ ສະແດງຄວາມຂອງໃຈມາຍັງ ບໍລິສັດ ເບຍລາວ ທີ່ໄດ້ປະກອບສ່ວນອັນສຳຄັນນີ້ ແລະ ຈະນຳໃຊ້ເງິນດັ່ງກ່າວເຂົ້າໃນວຽກງານທີ່ຈຳເປັນຢ່າງໂປ່ງໃສ ແລະ ໃຫ້ເກີດຜົນປະໂຫຍດສຸງສຸດ ເພື່ອແກ້ໄຂບັນຫາຕ່າງໆໃນວຽກງານປ້ອງກັນ ແລະ ສະກັດກັ້ນການແຜ່ລະບາດຂອງພະຍາດຮ້າຍນີ້.

error: Alert: Content is protected !!