ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19

ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19 -    5 12 - ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19
ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19 - AGL banner - ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19

ລູກເມືອງພວນ

ເມື່ອເຊື້ອໄວຣັດ ໂຄໂຣນາ ຫຼື ໂຄວິດ-19 ເກີດຂຶ້ນມາ, ສົ່ງຜົນກະທົບຕໍ່ ທຸລະກິດທຸກຂະແໜງການ, ເລີກຈ້າງແຮງງານ, ແມ່ນແຕ່ຮ້ານອາຫານ, ຮ້ານບັນເທິງກໍປິດລົງຕາມໆກັນ. ທຸກສິ່ງທຸຢ່າງໝູນວຽນປ່ຽນແປງໄປຢ່າງໄວວາ. ພາຍຫຼັງມີມາດຕະການປິດສະຖາບັນການສຶກສາທົ່ວປະເທດ, ປິດຮ້ານບັນເທິງ ແລະ ຈຳກັດຄົນເຂົ້າ-ອອກເມືອງ ຫຼື ກິດຈະກຳຕ່າງຕ່າງໆເປັນການຊົ່ວຄາວ ທັນທີໄດ້ເຮັດໃຫ້ນະຄອນຫຼວງວຽງຈັນງຽບເຫງົາລົງເຫັນທັນຕາ ໂດຍສະເພາະແມ່ນ ພາຍຫຼັງມີຜູ້ຕິດເຊື້ອ 2 ຄົນທຳອິດໃນລາວແລ້ວ ກໍແຮ່ງເຮັດໃຫ້ການສັນຈອນຕາມທ້ອງຖະໜົນຂອງຜູ້ຄົນໄປມາໂຊກເຊົາລົງຢ່າງໜ້າຕົກໃຈ.

ບັນດາຫ້າງຮ້ານຕ່າງໆ ກໍປິດປະຕູໄປຢ່າງຫຼວງຫຼາຍ, ການຄ້າຂາຍບໍ່ຄຶກຄັກຄືແຕ່ກ່ອນ, ຕະຫຼາດກໍມີຜູ້ຄົນແບບບາງຕາ, ແມ່ຄ້າຊາວຂາຍພາກັນດີ້ນດົນຊອກຫົນທາງຢູ່ລອດດ້ວຍວິທີແຕກຕ່າງກັນໄປ, ເຊັ່ນ: ບາງຜ່ອງກໍຊອກຫາກັກຕຸນສິນຄ້າເພື່ອໄວ້ຂາຍກິນກຳໄລ ອັນນີ້ເປັນຄວາມຜິດຕາມຂໍ້ຫ້າມຂອງລັດຖະບານ, ບາງຜ່ອງກໍສວຍໂອກາດຊື້ຂອງປອມຂອງເກ້ຕົວະຍົວະຂາຍໃຫ້ຜູ້ບໍລິໂພກຍາມຂັບຂັນຂາດແຄນສິນຄ້າ ອັນເປັນການເສຍຈະລິຍະທຳຄວາມເປັນມະນຸດດ້ວຍກັນ, ມີບາງຜ່ອງກໍຫາກິນດ້ວຍຄວາມບໍລິສຸດຍຸຕິທຳ. ທຸກສິ່ງທຸກຢ່າງໄລຍະນີ້ອັນໃດກໍສາມາດເກີດຂຶ້ນໄດ້.

ເຖິງຢ່າງໃດກໍດີ, ຕໍ່ໜ້າສະຖານະການຫຍຸ້ງຍາກທາງດ້ານເສດຖະກິດຄືແນວນີ້, ທຸກຄົນກໍລ້ວນແຕ່ຫາວິທີທາງເພື່ອຢູ່ລອດ, ແຕ່ສິ່ງທີ່ເຫັນຈະແຈ້ງທີ່ສຸດກໍຄື ພາບຫຼັງມີການປິດກິດຈະການແລ້ວ ມີຫຼາຍຄົນໄດ້ຫັນມາເພີ່ງພາອາໄສທາງສື່ສັງຄົມອອນລາຍໃນການຄ້າຂາຍຫຼາຍຂຶ້ນ ແລະ ເປັນຕົ້ນຕໍ. ອັນໄດ້ສ້າງບາດກ້າວໃໝ່ໃນການຫັນທຸລະກິດໄປສູ່ອອນລາຍ, ສ້າງເສະຖະກິດດີຈີຕອນໃໝ່ຂື້ນຢູ່ໃນປະເທດເຮົາ. ການສ້າງເສດຖະກິດດີຈິຕອນ ແລະ ການທຸລະກິດອອນລາຍ ເປັນທ່າອ່ຽງລວມຂອງຍຸກສະໄໝປັດຈຸບັນ. ຊຶ່ງເປັນທຸລະກິດທີ່ທັນສະໄໝ, ວ່ອງໄວທັນໃຈ ແລະ ມີຫຼາຍທາງເລືອກຫຼາຍຂຶ້ນ, ຄຸນະພາບສິນຄ້າກໍມີການແກ້ງແຍ້ງແຂ່ງຂັນກັນຢ່າງດຸເດືອດ..

ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19 - Wave100S AD to Website 2020 0 - ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19

ໃນຍຸກໂຄວິດ-19 ທຸກຄົນຫັນມາໃຊ້ສື່ອອນລາຍຫຼາຍຂຶ້ນ: ຢາກຊື້ກໍອາໂລ, ຢາກຂາຍກໍອາໂລ, ຢາກກີນກໍອາໂລ, ຢາກໄປກໍອາໂລ ໂດຍທາງໂທລະສັບ ຫຼື ທາງ ວີແຊັດ, ທາງວອດແອບ, ທາງລາຍ, ທາງທະວິດເຕີ, ທາງເມັດເຊັນເຈີ… ແລ້ວແຕ່ຜູ້ທີ່ມີເງື່ອນໄຂ ແລະ ດວກ. ແລະ ມີຫຼາຍສຳນັກງານອົງການທີ່ມີເງື່ອນໄຂ ກໍໄດ້ຫັນມາເຮັດວຽກຮ່ວມກັນທາງອອນລາຍ ເພື່ອຫຼີກລ່ຽງຫ່າງໄກຈາກໂຄວິດ-19 ທີ່ກຳລັງລະບາດຢ່າງໜັກໃນທົ່ວໂລກກໍຄືລາວເຮົາໃນປັດຈຸບັນ. ນີ້ຄືບັນຫາປ້ອງກັນທີ່ປອດໄພ ຫ່າງໄກພະຍາດໂຄໂຣນາ. ຖ້າທຸກພາກສ່ວນຫົວໜ່ວຍທຸລະກິດ, ສຳນັກງານອົງການສາມາດປະຕິບັດໄດ້ໃນທາງອອນລາຍແມ່ນເປັນການດີທີ່ສຸດໃນໄລຍະນີ້, ເພື່ອຄວາມປອດໄພຂອງຊີວິດອິນຊີຂອງປວງຊົນລາວທັງຊາດ./.

ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19 - lattana 1 - ທຸລະກິດອອນລາຍເໝາະກັບສະພາບບ້ານເມືອງພົບບັນຫາ ໂຄວິດ-19
error: Alert: Content is protected !!