ພົບຜູ້ຕິດເຊື້ອໂຄວິດ-19ໃນລາວເພີ່ມອີກ 3 ລາຍ ລວມເປັນ 6 ລາຍແລ້ວ

ໃນວັນທີ 26 ມີນານີ້, ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ຕໍ່ການລະບາດເຊື້ອຈຸລາໂລກໂຄໂຣນາ ຫລື covid-19 ໄດ້ຖະແຫລງຂ່າວຕໍ່ສື່ມວນຊົນວ່າ: ລາວມີຜູ້ຕິດເຊື້ອໂຄວິດ-19 ເພີ່ມອີກ 3 ຄົນ ລວມເປັນ 6 ຄົນແລ້ວ. ກໍລະນີຜູ້ຕິດເຊື້ອໃໝ່ຜູ້ທີ 1 ແມ່ນ ເພດຊາຍ ອາຍຸ 42 ປີ, ຢູ່ບ້ານປ່ອງຄຳ ນະຄອນຫລວງພະບາງ, ແຂວງຫລວງພະບາງ ເປັນຄົນຂັບລົດໃຫ້ແກ່ກຸ່ມທົວ, ຜູ້ທີ 2 ເພດຊາຍອາຍຸ 52 ປີ, ຢູ່ບ້ານວິຊຸນ ນະຄອນຫລວງພະບາງ, ແຂວງຫລວງພະບາງ ເປັນຄົນຂັບລົດໃຫ້ແກ່ກຸ່ມທົວ ແລະ ເພດຊາຍ ອາຍຸ 41 ປີ, ຢູ່ບ້ານຈຳປີ ເມືອງສີໂຄດຕະບອງ ນະຄອງຫລວງວຽງຈັນ ອາຊີບນັກທຸລກິດ.