ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ

- 777 copy - ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ
- AGL banner - ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ

ໃນວັນທີ 26 ມີນາ ນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ, ໄດ້ລົງກວດກາຄວາມພ້ອມຂອງໂຮງໝໍແຂວງສະຫວັນນະເຂດຕື່ມອີກເພື່ອສາມາດເພື່ອສາມາດຮັບມືກັບການລະຍາດຂອງໂກວິດ-19 ພາຍຫລັງຢູ່ລາວມີຜູ້ຕິດເຊື້ອແລ້ວ 3 ລາຍ, ໂດຍສະເພາະແມ່ນການຈັດສັນຕຶກ ແລະ ຫ້ອງຕິດຕາມກວດກາ ກໍລະນີຜູ້ຕ້ອງສົງໄສຕິດເຊື້ອ COVID-19 ແລະ ເຄື່ອງມື,ອຸປະກອນການແພດ, ພະນັກງານແພດຫມໍ ແລະ ສະຖານທີ່ກັກບໍລິເວນຊົ່ວຄາວ ແຮງງານລາວທີ່ເດີນທາງກັບມາຈາກປະເທດໄທ.
ທ່ານ ສັນຕິພາບ ພົມວິຫານ ເຈົ້າແຂວງ ສະຫວັນນະເຂດ ໄດ້ລາຍງານຕໍ່ທ່ານນາຍົກວ່າ: ເພື່ອສະກັດກັ້ນ ພະຍາດ ໂຄວິດ-19 ແຂວງໄດ້ກຳນົດເອົາໂຮງໝໍແຂວງໄວ້ຮອງຮັບ ແລະ ປິ່ນປົວຜູ້ຕິດເຊື້ອ COVID-19 ແລະ ໄດ້ລົງທຶນປັບປຸງຄວາມພ້ອມຕ່າງໆໃນການຮັບມືພະຍາດຮ້າຍນີ້ໃຫ້ມີປະສິດທິຜົນສູງສຸດ. ນອກຈາກ ນີ້, ກໍໄດ້ກຳນົດສະຖານທີ່ກັກບໍລິເວນຊົ່ວຄາວ 14 ວັນ,ເພື່ອຕິດຕາມແຮງງານລາວ ທີ່ເດີນທາງກັບມາຈາກປະເທດໄທ. ເຊິ່ງໄດ້ຕັ້ງສູນກັກກັ້ນຊົ່ວຄາວ ທີ່ນະຄອນໄກສອນ ພົມວິຫານ ຄື: ສູນໂຮງຮຽນມັດທະຍົມຕົ້ນຍາງສູງ ແລະ ສູນຫ້ອງການບ້ານສົ້ມປ່ອຍ, ຊຶ່ງປັດຈຸບັນມີຜູ້ທີ່ຖືກແຍກປ່ຽວຢູ່ 20 ຄົນ,ຍິງ 8 ຄົນ, ສໍາລັບເມືອງໄຊພູທອງແມ່ນໄດ້ກໍານົດເອົາບ້ານທີ່ມີສຸກສາລາເປັນບ່ອນກັກກັ້ນຊົ່ວຄາວ ແລະ ຢູ່ໂຮງຮຽນຕ່າງໆອີກ 8 ແຫ່ງຄື:ໂຮງຮຽນໄຊພູທອງ,ນາຄຳ,ຫົວຫາດ,ທ່າໂພ,ເຮືອນຫີນ,ພູມມະເຈດີ,ມ່ວງໄຂ່,ນ້ຳພຸ,ບຸ່ງນາດີ ແລະ ໂຮງຮຽນນາໂມງ,ເຊິ່ງປັດຈຸບັນມີຜູ້ຖືກກັກກັ້ນຢູ່ຫລາຍກ່ວາ 500 ຄົນ, ເພື່ອຕິດຕາມກວດກາສຸຂະພາບຢ່າງໃກ້ຊິດຈາກພະນັກງານແພດໝໍພາຍໃນກຳນົດ 14 ວັນຖ້າຫາກວ່າບໍ່ພົບກໍລະນີສົງໃສ ແມ່ນທາງສູນ ຈະອະນຸຍາດໃຫ້ບຸກຄົນດັ່ງກ່າວກັບຄືນບ້ານເຮືອນຂອງຕົນເອງໄດ້.
ໃນໂອກາດນີ້, ທ່ານ ນາຍົກລັດຖະມົນຕີ ໄດ້ເນັ້ນໃຫ້ອຳນາດການປົກຄອງແຂວງ ສຸມໃສ່ກະກຽມຄວາມພ້ອມຕ່າງໆ ເພື່ອກວດກາຢ່າງໃກ້ສິດ ກັບແຮງງານລາວ ທີ່ກັບມາຈາກປະເທດໄທ, ພ້ອມທັງສືບຕໍ່ໂຄສະນາ ໃຫ້ສັງຄົມ ປະຕິບັດແຈ້ງການຂອງຄະນະສະເພາະກິດ ຄວບຄຸມພະຍາດ covid-19, ໂດຍສະເພາະການຈຳກັດບໍລິເວນ 14 ວັນ, ຫ້າມຊຸມ ນຸມເປັນ ຈຳນວນຫລາຍ, ພ້ອມທັງໃຫ້ທຸກຄົນເປັນເຈົ້າການເອົາໃຈໃສ່ຮັກສາຄວາມສະອາດ ແລະ ການປ້ອງກັນຕົນເອງຈາກເຊື້ອພະຍາດຢ່າງເຂັ້ມງວດ
ກະຊວງແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ໃນໄລຍະ ວັນທີ 23-25 ມີນາ ນີ້, ມີແຮງງານລາວ ເດີນທາງກັບມາຈາກປະເທດໄທ ຫລາຍກ່ວາ 40 ພັນຄົນ, ໃນນັນຫລາຍກ່ວາຫມູ່ແມ່ນຢູ່ແຂວງສະຫວັນນະເຂດ ມີຫລາຍກ່ວາ 15 ພັນຄົນ,ຮອງລົງມາແມ່ນນະຄອນຫລວງວຽງຈັນມີ1.800 ກ່ວາຄົນ.

- Wave100S AD to Website 2020 0 - ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ
- WhatsApp Image 2020 05 27 at 5 - ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ
- WhatsApp Image 2020 05 27 at 5 - ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ
- WhatsApp Image 2020 05 27 at 5 - ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ
- WhatsApp Image 2020 05 27 at 5 - ນາຍົກລັດຖະມົນຕີ ລົງຕິດຕາມແຮງງານລາວເດີນທາງກັບຈາກປະເທດໄທ ຢູ່ແຂວງ ສະຫວັນນະເຂດ
error: Alert: Content is protected !!