ຍ້ອນຫຍັງສິນຄ້າບາງປະເພດແພງຂື້ນໃນໄລຍະcovid-19

- 4444 - ຍ້ອນຫຍັງສິນຄ້າບາງປະເພດແພງຂື້ນໃນໄລຍະcovid-19
- AGL banner - ຍ້ອນຫຍັງສິນຄ້າບາງປະເພດແພງຂື້ນໃນໄລຍະcovid-19

ຫົວໜ້າພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ໃຫ້ຮູ້ວ່າ: ປັດຈຸບັນ ເຖິງວ່າການນຳເຂົ້າສິນຄ້າຍັງເປັນປົກກະຕິ ໃນໄລຍະການລະບາດຂອງພະຍາດ ໂກວິດ-19, ແຕ່ຫລັງຈາກລາວເຮົາມີຜູ້ຕິດເຊື້ອແລ້ວ 3 ລາຍ, ລັດຖະບານໄດ້ວາງມາດຕະການສະກັດກັ້ນແນະນຳໃຫ້ມີການກັກຕົວຕົນເອງ ແລະ ຫລຸດຜ່ອນການໄປມາໃນເຂດຊຸມຊົນ ແລະ ປິດດ່ານທ້ອງຖິ່ນ ແລະ ປະເພນີກັບປະເທດອອມຂ້າງທີ່ມີການລະບາດຂອງພະຍາດນີ້, ໄດ້ເຮັດໃຫ້ສັງຄົມມີການຈັດຊື້ສິນຄ້າເຂົ້າມາບໍລິໂພກໃນບ້ານເຮືອນຫລາຍຂຶ້ນຜິດປົກກະຕິເຮັດໃຫ້ກຳລັງແຮງຊື້ເພີ່ມຂຶ້ນ,ໂດຍສະເພາະພືດຜັກ, ເຂົ້າສານ, ຊີ້ນ ແລະ ເຄື່ອງອຸປະໂພກບໍລິໂພກທີ່ຈຳເປັນຕ່າງໆເຊັ່ນ: ພືດຜັກໃນເມື່ອກ່ອນ8.000ກີບ/ກິໂລ, ມາເປັນ 10.000 ຫາ 12.000 ກີບ/ກິໂລ, ເຂົ້າສານຈ້າວ ຈາກ9.000 ກີບ/ກິໂລ, ມາເປັນ 10.000 ຫາ 11.000 ກີບ/ກິໂລ, ຊີ້ນໜູປະເພດໜຶ່ງ 45.000 ກີບ/ກິໂລ, ມາເປັນ 50.000 ກີບ/ກິໂລ, ຊີ້ນງົວ-ຄວາຍປະເພດໜຶ່ງ 65.000 ກີບ/ກິໂລ, ມາໃນເປັນ 70.000 – 75.000ກີບ/ກິໂລ, ເປັດ-ໄກປອກເມື່ອກ່່ອນ 50.000 ກີບ/ກິໂລ, ມາເປັນ 60.000 ກີບ/ກິໂລ.

ດັ່ງຊາວຄ້າຢູ່ຕະຫລາດໜອງຈັນ ໃຫ້ຮູ້ວ່າ:ປັດຈຸບັນສິນຄ້າຫຼາຍປະເພດມີລາຄາເໜັງຕິງຂຶ້ນສູງ ຍ້ອນການນຳເຂົ້າຫຼຸດລົງ ແລະ ກົງກັນ ຂ້າມຄວາມຕ້ອງການຊື້ພັດເພີ່ມຂຶ້ນ,ເພື່ອມາກັກຕຸນໄວ້ບໍລິໂພກໃນໄລຍະມີການລະບາດຂອງພະຍາດ COVID-19 .ໃນນັ້ນສິນຄ້າທີ່ມີລາຄາເໜັງຕິງສູງແມ່ນປະເພດເຄື່ອງບໍລິໂພຫເຊັ່ນ: ນ້ຳມັນພຶດ, ນ້ຳປາ, ແປ້ງນົວ, ນ້ຳຕານ, ສະອິວ, ໝີ່ສໍາເລັດຮູບ ແລະ ອື່ນໆຄືຫມີ່ແກັດຫນຶ່ງໃນເມື່ອກ່ອນມີລາຄາ ປະມານ 35.000- 38.000 ກີບ, ແຕ່ປັດຈຸບັນນີ້ແມ່ນ 52.000 ກີບ- 55. 000 ກີບ.

- Wave100S AD to Website 2020 0 - ຍ້ອນຫຍັງສິນຄ້າບາງປະເພດແພງຂື້ນໃນໄລຍະcovid-19

ຈາກສະພາບດັ່ງກ່າວປັດຈຸບັນ, ທາງພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ໄດ່ເລັ່ງຄວບຄຸມໃຫ້ຢູ່ໃນເກນປົກກະຕິ ເພື່ອບໍ່ໃຫ້ກະທົບຕໍ່ສັງຄົມ ໃນໄລຍະວິກິດຂອງ covid-19 ນີ້.

- lattana 1 - ຍ້ອນຫຍັງສິນຄ້າບາງປະເພດແພງຂື້ນໃນໄລຍະcovid-19
error: Alert: Content is protected !!