ສປ ຈີນຢືນຢັນຊ່ວຍ ສປປ ລາວປ້ອງກັນແລະສະກັດກັ້ນພະຍາດໂຄວິດ-19ຢ່າງຫນັກແຫນ້ນ

- 15 1 - ສປ ຈີນຢືນຢັນຊ່ວຍ ສປປ ລາວປ້ອງກັນແລະສະກັດກັ້ນພະຍາດໂຄວິດ-19ຢ່າງຫນັກແຫນ້ນ
- AGL banner - ສປ ຈີນຢືນຢັນຊ່ວຍ ສປປ ລາວປ້ອງກັນແລະສະກັດກັ້ນພະຍາດໂຄວິດ-19ຢ່າງຫນັກແຫນ້ນ

ໃນວັນທີ 26 ມີນານີ້, ສະຖານທູດ ສປ ຈີນປະຈຳ ສປປ ລາວໄດ້ເປີດເຜີຍໃຫ້ຮູ້ວ່າ: ພັກ ແລະ ລັດຖະບານຈີນໄດ້ໃຫ້ຄວາມເອົາໃຈໃສ່ຢ່າງຈິງຈັງຕໍ່ການຮ່ວມມືກັບລາວ ໃນການປ້ອງກັນແລະຄວບຄຸມພະຍາດໂຄວິດ-19. ນັບແຕ່ມີການລະບາດລັດຖະບານຈີນໄດ້ສະໜອງຢາກວດເຊື້ອໄວຣັດຫລາຍກ່ວາ 22.000 ຊຸດ, ຊຸດປ້ອງກັນ 5.000 ຊຸດ, ຜ້າ ອະນາໄມປິດປາກລຸ້ນN95 ແລະຜ້າປິດປາກການແພດທຳມະດາຈຳນວນ 400.000 ອັນ ຊຶ່ງບໍລິຈາກໂດຍມູນນິທິແຈກມາ ກຳລັງສົ່ງມາໃຫ້ ສປປ ລາວໃນເວລາອັນໄກ້ໆນີ້.

ນອກນັ້ນ ລັດຖະບານຈີນຍັງຈະອີງຕາມຄວາມຕ້ອງການຕົວຈິງຂອງລາວໃນການປ້ອງກັນແລະຄວບຄຸມພະຍາດ ແລ້ວໃຫ້ການຊ່ວຍເຫຼືອທີ່ເຫມາະສົມເພື່ອໃຫ້ປະຊາຊົນລາວບັນດາເຜົ່າມີຄວາມປອດໄພ .

ຂະນະດຽວກັນ, ອົງການປົກຄອງທ້ອງຖີ່ນຕ່າງໆຂອງຈີນເຊັ່ນ: ແຂວງຢຸນນານ, ຫູໜານ, ນະຄອນຊົງຊິງ ແຂວງຊານຕົງ ແລະ ນະຄອນຊຽງໄຮ້ໄດ້ພ້ອມກັບສະມາຄົມພັດທະນາເສດຖະກິດອາຊີຈີນ, ສະຫະພັນວິສາຫະກິດຈີນແລະຕ່າງປະເທດ, ທະນາຄານ ICBC ສາຂານະຄອນຫຼວງວຽງຈັນ ກໍ່ຄືອົງການຈັດຕັ້ງຕ່າງໆ ແລະ ຊາວຈີນຢູ່ລາວ ແລະ ຄະນະສະມາຄົມຊາວຈີນຕ່າງດ້າວກໍ່ໄດ້ຕັ້ງໜ້າໃຫ້ການຊ່ວຍເຫຼືອລາວດ້ວຍຄວາມເອົາໃຈໃສ່.

- Wave100S AD to Website 2020 0 - ສປ ຈີນຢືນຢັນຊ່ວຍ ສປປ ລາວປ້ອງກັນແລະສະກັດກັ້ນພະຍາດໂຄວິດ-19ຢ່າງຫນັກແຫນ້ນ

ໃນນາມເປັນຄູ່ຮ່ວມຊະຕາກໍານັ້ນ ພັກ-ລັດ ກໍ່ຄືປະຊາຊົນຈີນມີຄວາມເຫັນອົກເຫັນໃຈຕໍ່ລາວທີ່ກຳລັງໄດ້ຮັບຜົນກະທົບ ແລະ ປະເຊີນຫນ້າກັບພະຍາດໂຄວິດ-19, ຢືນຢັນພ້ອມຮ່ວມແຮງຮ່ວມໃຈ ແລະ ຢືນຄຽງຂ້າງກັບຝ່າຍລາວຜ່ານຜ່າຄວາມຫຍຸ້ງຍາກນີ້ໄປໄດ້ໂດຍໄວ.

- lattana 1 - ສປ ຈີນຢືນຢັນຊ່ວຍ ສປປ ລາວປ້ອງກັນແລະສະກັດກັ້ນພະຍາດໂຄວິດ-19ຢ່າງຫນັກແຫນ້ນ
error: Alert: Content is protected !!