ໜ້າເສົ້າ ! ໂຄວິດຂ້າຊີວິດແພດຟີລິບປິນຄົນທີ 9

     ສະມາຄົມແພດຟີລິບປິນ ຖະແຫລງວັນທີ 26 ມີນາວ່າ: ມີແພດເສຍຊີວິດຈາກໄວຣັສໂຄໂຣນາສາຍພັນໃໝ່ ຕົ້ນຕໍໂຣກໂຄວິດ-19 ເປັນຄົນທີ 9 ໃນປະເທດ ແລະ ປັດຈຸບັນ ເຈົ້າໜ້າທີ່ສາທາລະນະສຸກບໍ່ມີອຸປະກອນປ້ອງກັນໄວຣັສຢ່າງພຽງພໍ.

     ຄຳປະກາດດັ່ງກ່າວຍິ່ງເພີ່ມຄວາມກັງວົນວ່າວິກິດສາທາລະນະສຸກຢູ່ຟີລິບປິນອາດຮ້າຍແຮງກວ່າສະຖານະການທີ່ທາງການລາຍງານຕໍ່ສາທາລະນະ, ຂະນະທີ່ຈຳນວນຜູ້ເສຍຊີວິດຈາກໂຄວິດທົ່ວປະເທດເພີ່ມເປັນ 38 ຄົນ.

     ວັນທີ 25 ມີນາ, ໂຮງໝໍໃຫຍ່ 3 ແຫ່ງຢູ່ນະຄອນຫລວງມະນິລາປະກາດວ່າ: ປັດຈຸບັນຕຽງຄົນໄຂ້ເຕັມໝົດ ແລະ ບໍ່ສາມາດຮັບຜູ້ປ່ວຍໂຄວິດຄົນໃໝ່ໄດ້ອີກແລ້ວ. ປັດຈຸບັນເຈົ້າໜ້າທີ່ແພດຫລາຍຮ້ອຍຄົນຂອງໂຮງໝໍເຫລົ່ານີ້ບໍ່ສາມາດປິ່ນປົວຜູ້ປ່ວຍໄດ້ອີກ ເພາະຕ້ອງກັກຕົນເອງ 14 ວັນຫລັງຈາກຕ້ອງສົງໄສວ່າຕິດຕໍ່ໃກ້ຊິດກັບຜູ້ຕິດເຊື້ອ.

error: Alert: Content is protected !!