MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ

mlc ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ - 23 7 - MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ
mlc ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ - AGL banner - MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ

ເນື່ອງໃນໂອກາດສັບປະດາແມ່ນ້ຳຂອງ-ແມ່ນ້ຳລ້ານຊ້າງ (MLC) ປີ 2020 ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ ໄດ້ຖະແຫລງຕໍ່ສື່ມວນຊົນ . ໃນວັນທີ 25 ມີນານີ້ວ່າ: ຂອບການຮ່ວມມື MLC ໄດ້ຮັບການສ້າງຕັ້ງຂຶ້ນດ້ວຍຄວາມ ໝາຍໝັ້ນໃນການພັດທະນາເສດຖະກິດ-ສັງຄົມແບບຮອບດ້ານ ແລະ ຍືນຍົງຂອງປະ¬ເທດແມ່¬ນ້ຳຂອງ ຄື: ລາວ, ກຳປູເຈຍ, ມຽນມາ, ໄທ ແລະ ຫວຽດນາມ ໂດຍມີ ສປ ຈີນ ເປັນປະເທດຄູ່ຮ່ວມພັດທະນາ.

ໃນໄລຍະຜ່ານມາ ການຮ່ວມມືຂອງ MLC ໄດ້ເປັນຮູບປະທຳຫລາຍປະການ ແລະ ໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງປະເທດແມ່ນ້ຳຂອງ ກໍຄື ການລຶບລ້າງຄວາມ ທຸກຍາກ ແລະ ການຫລຸດຜ່ອນຄວາມແຕກໂຕນ, ປະ ກອບສ່ວນເຂົ້າໃນການສ້າງປະຊາຄົມອາຊຽນ ແລະ ການຈັດຕັ້ງປະຕິບັດຂໍ້ລິເລີ່ມ ໜຶ່ງແລວໜຶ່ງເສັ້ນທາງກໍ ຄືການເຊື່ອມໂຍງທາງເສດຖະກິດ ແລະ ການເຊື່ອມຈອດໃນພາກພື້ນ. ສປປ ລາວ ໄດ້ຕີລາຄາສູງຕໍ່ຂອບການຮ່ວມມື MLC ທີ່ມີການເຕີບໃຫຍ່ຂະຫຍາຍຕົວ ຢ່າງເປັນຮູບປະທຳໂດຍໄວ ມີກົນໄກການຮ່ວມມືຢ່າງເປັນລະບົບ ແລະ ສອດຄ່ອງກັບຄວາມຮຽກຮ້ອງຕ້ອງການຕົວຈິງ ໃນການພັດທະນາເສດຖະກິດ-ສັງຄົມຂອງພາກພື້ນແມ່ນ້ຳຂອງ.

ສປປ ລາວ ໄດ້ຮັບໜ້າທີ່ເປັນປະທານຮ່ວມ ຂອບການຮ່ວມມື MLC ກັບ ສປ ຈີນ ( 2018-2020) ໃນໄລຍະດັ່ງກ່າວ, ລາວເຮົາໄດ້ຕັ້ງໜ້າປະກອບສ່ວນເຂົ້າໃນການເພີ່ມທະວີ ຮັດແໜ້ນການຮ່ວມມື MLC ໃຫ້ມີການພັດທະນາ ແລະ ອັນພົ້ນເດັ່ນ ຂອງລາວເຮົາໄດ້ເປັນເຈົ້າພາບ ຈັດກອງປະຊຸມລັດຖະມົນຕີຕ່າງປະເທດແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 4 ແລະ ຄັ້ງທີ 5 ນອກນີ້ ຍັງໄດ້ສຸມໃສ່ການຈັດຕັ້ງປະ ຕິບັດໂຄງການພາຍໃຕ້ກອງທຶນພິເສດ MLC ທີ່ໄດ້ຮັບໃນປີ 2017 ມີ 13 ໂຄງການ, ປີ 2018 ມີ 21 ໂຄງການ ແລະ ສົກປີ 2019-2020 ມີ 12 ໂຄງການ, ເຊິ່ງໂຄງການດັ່ງກ່າວ ບໍ່ພຽງແຕ່ສົ່ງຜົນປະ ໂຫຍດໃຫ້ລາວຢ່າງດຽວ ຍັງໄດ້ສົ່ງຜົນປະໂຫຍດທາງກົງ ແລະ ທາງອ້ອມ ໃຫ້ປະເທດສະມາຊິກ MLC ອີກດ້ວຍ.

mlc ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ - Wave100S AD to Website 2020 0 - MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ

ສຳລັບທິດທາງການຮ່ວມມືໃນຕໍ່ໜ້າ ລາວ ເຮົາໃນຖານະການເປັນປະທານຮ່ວມກັບຈີນ ຈະສືບຕໍ່ປະ ສານງານກັບຈີນ ແລະ ປະເທດສະມາຊິກແມ່¬ນ້ຳຂອງ ເພື່ອກະກຽມໃຫ້ແກ່ກອງປະຊຸມຜູ້ນຳ MLC ຄັ້ງທີ 3 ໃຫ້ປະສົບຜົນສຳເລັດ MLC ຈະສືບຕໍ່ “ເພີ່ມທະວີການຮ່ວມມືເພື່ອຄວາມສົມບູນພູນສຸກຮ່ວມກັນ” ບົນພື້ນຖານຄວາມຕ້ອງການຕົວຈິງຂອງບັນດາປະເທດແມ່ນ້ຳຂອງ ລວມທັງລາວ ໃຫ້ສອດຄ່ອງກັບສະພາບເງື່ອນໄຂຂອງພາກພື້ນ ແລະ ສາກົນ ຕາມແຕ່ລະໄລຍະ ໂດຍສະເພາະສຸມໃສ່ຈັດຕັ້ງຜັນຂະຫຍາຍຖະແຫລງການຊັນຢາ ຖະແຫລງການພະນົມເປັນ ແລະ ແຜນປະຕິບັດງານ5 ປີ (2018-2022) ໃຫ້ບັນ ລຸຕາມຈຸດປະສົງເປົ້າໝາຍທີ່ວາງໄວ້ ຂະຫຍາຍການຮ່ວມມືໄປສູ່ລວງເລິກ ແລະ ລວງກວ້າງ ກໍຄື ເພີ່ມທະວີການຮ່ວມມືໃນ 3 ເສົາຄ້ຳ ແລະ 5 ຂົງເຂດບູລິມະສິດ ທີ່ມີຢູ່ ແລະ ຂະຫຍາຍໄປສູ່ຂົງເຂດໃໝ່ ເຊັ່ນ: ສາທາລະນະສຸກ ການສຶກສາ ກະສິກຳສະອາດການທ່ອງທ່ຽວ ການແລກປ່ຽນແມ່ຍິງ ແລະ ຊາວໜຸ່ມໃນພາກພື້ນແມ່ນ້ຳຂອງ ພ້ອມທັງຍົກສູງ ແລະ ພັດທະນາຂົງເຂດທີ່ເປັນທ່າແຮງ ແລະ ມີລັກສະນະພິ ເສດຂອງແຕ່ລະປະເທດແມ່ນ້ຳຂອງ ເຊັ່ນ: ການແລກປ່ຽນດ້ານວິທະຍາສາດ ແລະ ເຕັກໂນໂລຊີທີ່ທັນສະ ໄໝ ເຂົ້າໃນການພັດທະນາຄວາມສາມາດໃນການຜະລິດ ເພື່ອຊ່ວຍບັນດາຫົວໜ່ວຍທຸລະກິດເຂົ້າເຖິງຕະ ຫລາດພາກພື້ນ ແລະ ສາກົນໄດ້.

mlc ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ - WhatsApp Image 2020 05 27 at 5 - MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ
mlc ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ - WhatsApp Image 2020 05 27 at 5 - MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ
mlc ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ - WhatsApp Image 2020 05 27 at 5 - MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ
mlc ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ - WhatsApp Image 2020 05 27 at 5 - MLC ເພີ່ມທະວີຮ່ວມມື ເພື່ອຄວາມສົມບູນພູນສຸກຮ່ວມກັນ
  • 840 Posts
  • 0 Comments
iLike/LPN/20
error: Alert: Content is protected !!