ສ.ເກົາຫລີ ສັ່ງເນລະເທດຊາວຕ່າງປະເທດບໍ່ຍອມກັກຕົວ 14 ວັນ

- 268 - ສ.ເກົາຫລີ ສັ່ງເນລະເທດຊາວຕ່າງປະເທດບໍ່ຍອມກັກຕົວ 14 ວັນ
- AGL banner - ສ.ເກົາຫລີ ສັ່ງເນລະເທດຊາວຕ່າງປະເທດບໍ່ຍອມກັກຕົວ 14 ວັນ

     ສ.ເກົາຫລີ ປະກາດບົດລົງໂທດຝ່າຝືນມາດຕະການ “ໂຄວິດ-19” ຜູ້ບໍ່ຍອມກັກຕົວ 14 ວັນ ຖ້າເປັນຊາວຕ່າງປະເທດຈະເນລະເທດອອກຈາກປະເທດ, ກໍລະນີຄົນ ສ.ເກົາຫລີ ຕ້ອງຕິດຄຸກສູງສຸດ 1 ປີ ແລະ ປັບໄໝ 10 ລ້ານວອນ.

     ອະທິບໍດີກົມອະນາໄມຂອງ ສ.ເກົາຫລີ ຖະແຫລງໃນວັນທີ 26 ມີນາວ່າ: ທາງການ ສ.ເກົາຫລີ ໄດ້ເພີ່ມບົດລົງໂທດໜັກ ໂດຍຈະບໍ່ຍຶດຫລັກການປານີປານອມຕໍ່ຜູ້ທີ່ບໍ່ຍອມກັກຕົນເອງ ແລະ ອອກມາຈາກເຮືອນພັກ ໂດຍບໍ່ມີເຫດຜົນສົມຄວນ, ຖ້າເປັນຄົນຕ່າງປະເທດຈະຖືກເນລະເທດອອກຈາກປະເທດທັນທີ ຫລື ກໍລະນີເປັນຄົນ ສ.ເກົາຫລີ ຈະຖືກແຈ້ງຄວາມໃຫ້ຕຳຫລວດລົງໂທດ ແລະ ບໍ່ໄດ້ຮັບເງິນຊ່ວຍເຫລືອສຳລັບຜູ້ກັກຕົນເອງ 14 ວັນ.

     ມາດຕະການດັ່ງກ່າວ ເປັນຂໍກຳນົດທີ່ທາງການ ສ.ເກົາຫລີ ຕ້ອງການໃຫ້ປະຕິບັດໃນສະຖານະການການແຜ່ລະບາດໂຄໂຣນາສາຍພັນໃໝ່ (ໂຄວິດ-19) ຢ່າງເຄັ່ງຂັດ, ຖ້າຝ່າຝືນອາດຕ້ອງຮັບໂທດຕິດຄຸກສູງສຸດ 1 ປີ ແລະ ປັບໄໝ 10 ລ້ານວອນ.

     ສ່ວນກະຊວງສາທາລະນະສຸກ ສ.ເກົາຫລີ ເປີດເຜີຍວ່າ: ທາງການເຂັ້ມງວດລະບຽບການເຂົ້າປະເທດ. ປັດຈຸບັນ ພົບວ່າມີຜູ້ຝ່າຝືນ 11 ຄົນ ລະຫວ່າງວັນທີ 13-24 ມີນາ ແຕ່ບໍ່ໄດ້ລະບຸສັນຊາດ.

- Wave100S AD to Website 2020 0 - ສ.ເກົາຫລີ ສັ່ງເນລະເທດຊາວຕ່າງປະເທດບໍ່ຍອມກັກຕົວ 14 ວັນ

     ຂະນະທີ່ ກະຊວງປ້ອງກັນຄວາມສະຫງົບ ເປີດເຜີຍວ່າ: ຄົນຕ່າງປະເທດທີ່ເຂົ້າປະເທດເກືອບ 90% ແລະ ຄົນ ສ.ເກົາຫລີ ທີ່ເຂົ້າປະເທດ 60% ໄດ້ດາວໂຫລດແອັບພິເຄຊັນຕິດຕາມຕົວ ແລະ ສາຍຄາດມືສີຟ້າເປັນສັນຍາລັກລະຫວ່າງການກັກຕົວ.

     ເຖິງຢ່າງໃດກໍຕາມ, ມີລາຍງານຂໍ້ມູນໃນວັນທີ 26 ມີນາ ພົບຜູ້ປ່ວຍໂຄວິດ-19 ຄົນໃໝ່ ຈຳນວນ 104 ຄົນ ເຮັດໃຫ້ມີຜູ້ຕິດເຊື້ອທັງໝົດ 9.241 ຄົນ, ເສຍຊີວິດ 131 ຄົນ ແລະ ປິ່ນປົວດີແລ້ວ 4.144 ຄົນ.

- lattana 1 - ສ.ເກົາຫລີ ສັ່ງເນລະເທດຊາວຕ່າງປະເທດບໍ່ຍອມກັກຕົວ 14 ວັນ
error: Alert: Content is protected !!