ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19

ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19 - 333 1 - ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19
ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19 - AGL banner - ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19

ເນື່ອງຈາກການແຜ່ລະບາດຂອງພະຍາດ ໂຄວິດ-19 (covid-19) ພວມແຜ່ລາມໄປທຸກພື້ນທີ່ຂອງໂລກ ສົ່ງຜົນກະທົບຮ້າຍແຮງຕໍ່ຊີວິດ ແລະ ເສດຖະກິດຂອງຫລາຍປະເທດ ລວມທັງ ສປປ ລາວເຮົາກໍໄດ້ຮັບຜົນກະທົບຫນັກເຊັ່ນກັນ. ດັ່ງນັ້ນ ກອງປະຊຸມລັດຖະບານເມື່ອມໍ່ໆມານີ້ ໄດ້ຕົກລົງ ແລະຮັບຮອງເອົາຫລາຍບັນຫາ. ໜຶ່ງໃນນັ້ນແມ່ນມາດຕະການ ແລະນະໂຍບາຍເພື່ອແກ້ໄຂຜົນກະທົບ ດັ່ງກ່າວ.
ສໍາລັບຂະແໜງທະນາຄານ, ລັດຖະບານ ໄດ້ກໍານົດໃຫ້ຫລຸດຜ່ອນຕົ້ນທຶນ, ດອກເບ້ຍ ແລະອື່ນໆສຳລັບລູກຫນີ້ ແລະ ທະນາຄານແຫ່ງ ສປປ ລາວ (ທຫລ) ກໍໄດ້ອອກແຈ້ງການໃຫ້ທະນາຄານທຸລະກິດ ສ້າງແຜນຜ່ອນຜັນແລະເພີ່ມສິນເຊື່ອເປັນຕົ້ນ ທຸລະກິດທ່ອງທ່ຽວ, ກະສິກໍາສົ່ງອອກ ແລະຜະລິດທົດແທນການນໍາເຂົ້າ. ກອງທຶນ SMEs, ການຈັດຕັ້ງປະຕິບັດໂຄງການສິນເຊື່ອເພື່ອສົ່ງເສີມ SMEs ຈາກແຫລ່ງເງິນກູ້ທະນາຄານຕ່າງປະເທດ ແລະ ທຫລ ໄດ້ອອກນະໂຍບາຍສິນເຊື່ອສະເພາະ ເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກການລະບາດຂອງພະຍາດ ໂຄວິດ-19 ຕາມຂໍ້ຕົກລົງ ເລກທີ 238/ທຫລ, ລົງວັນທີ 26 ມີນາ 2020ໃຫ້ມີຜົນ.
ຫົວໜ້າຫ້ອງການ ທຫລ ໄດ້ໃຫ້ສໍາພາດວ່າ: ໃນສະພາບການດັ່ງກ່າວ, ນອກຈາກ ທຫລ ຈະເອົາໃຈໃສ່ຮັກສາສະຖຽນລະພາບເງິນຕາແຫ່ງຊາດ,ຄຸ້ມຄອງອັດຕາແລກປ່ຽນໃຫ້ມີຄວາມໝັ້ນທ່ຽງ ເປັນບູລິມະສິດສໍາຄັນແລ້ວແລະ ໃນວັນທີ 20 ມີນາຜ່ານມາ ທຫລ ໄດ້ມີການດັດປັບ ແລະ ຫລຸດອັດຕາສ່ວນເງິນຝາກບັງຄັບທີ່ເປັນສະກຸນເງິນກີບລົງ 1% ແລະເງິນຕາຕ່າງປະເທດລົງ 2% ເພື່ອໃຫ້ທະນາຄານທຸລະກີດ ໄດ້ມີແຫລ່ງທຶນຫລາຍຂຶ້ນໃນການຂະຫຍາຍສິນເຊື່ອເພື່ອຊຸກຍູ້ຂະແໜງການເສດຖະກິດທີ່ໄດ້ຮັບຜົນກະທົບ. ຈາກນັ້ນ; ທຫລ ໄດ້ອອກຂໍ້ຕົກລົງກ່ຽວກັບນະໂຍບາຍສິນເຊື່ອເພື່ອແກ້ໄຂຜົນກະທົບຈາກການລະບາດຂອງພະຍາດດັ່ງກ່າວ ຄື: 1) ໃຫ້ທະນາຄານທຸລະກິດ ແລະສະຖາບັນການເງິນ ເລີ່ມຈັດຕັ້ງປະຕິບັດນະໂຍບາຍການເລື່ອນເວລາຊໍາລະໜີ້ທັງຕົ້ນທຶນ ແລະດອກເບ້ຍ; 2) ປັບຫລຸດອັດຕາດອກເບ້ຍ ແລະຄ່າທໍານຽມໃຫ້ລູກໜີ້ຂອງຕົນບົນພື້ນຖານຄວາມອາດສາມາດຂອງການເຄື່ອນໄຫວທຸລະກິດ; 3) ພິຈາລະນາ ສະໜອງເງິນກູ້ບ້ວງໃໝ່ໃຫ້ແກ່ລູກໜີ້ທີ່ໄດ້ຮັບຜົນກະທົບຕໍ່ການດໍາເນີນທຸລະກິດຂອງຕົນ ແລະ 4) ປັບປຸງໂຄງສ້າງເງິນກູ້ຄືນໃໝ່ໃຫ້ແກ່ລູກໜີ້ທີ່ໄດ້ຮັບຜົນກະທົບໂດຍກໍານົດອາຍຸສັນຍາ ຫລືງວດຊໍາລະຕົ້ນທຶນ ແລະດອກເບ້ຍຄືນໃຫ້ສອດຄ່ອງກັບຄວາມສາມາດຂອງລູກໜີ້. ໃນໄລຍະປອດໜີ້ຕົ້ນທຶນ ແລະດອກເບ້ຍເປັນເວລາ 1 ປີ ຫລືຕາມການຕົກລົງລະຫວ່າງເຈົ້າໜີ້ ແລະລູກໜີ້.

ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19 - Wave100S AD to Website 2020 0 - ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19
ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19 - lattana 1 - ທະນາຄານກໍານົດນະໂຍບາຍສິນເຊື່ອສະເພາະເພື່ອຊ່ວຍຂະແໜງການເສດຖະກິດທີ່ໄດ້ຮັບຜົນກະທົບຈາກໂຄວິດ-19
error: Alert: Content is protected !!