ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ລົງຕິດຕາມກວດກາໂຄງການໄຟຟ້າ ແລະ ບໍ່ແຮ່ຢູ່ຫລາຍແຂວງ

- MOP follow - ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ລົງຕິດຕາມກວດກາໂຄງການໄຟຟ້າ ແລະ ບໍ່ແຮ່ຢູ່ຫລາຍແຂວງ
- Untitled design - ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ລົງຕິດຕາມກວດກາໂຄງການໄຟຟ້າ ແລະ ບໍ່ແຮ່ຢູ່ຫລາຍແຂວງ

ໃນລະຫວ່າງ ວັນທີ 6-7 ມິຖຸນາ 2017 ນີ້, ທ່ານ ຄໍາມະນີ ອິນທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່ ພ້ອມດ້ວຍຄະນະກົມວິຊາການດ້ານພະລັງງານ-ບໍ່ແຮ່ ແລະ ຮອງຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ທ່ານ ໂກມົນຈັນ ເພັດອາສາ, ພ້ອມດ້ວຍພະນັກງານວິຊາການ, ໄດ້ລົງຕິດຕາມກວດກາການຈັດຕັ້ງປະຕິບັດວຽກງານເຂື່ອນໄຟຟ້ານ້ຳຕົກ ແລະ ບໍ່ແຮ່, ເຊິ່ງປະກອບມີ: ເຂື່ອນໄຟຟ້ານໍ້າຕົກ ນ້ຳຈຽນຢູ່ເມືອງພູນ ແຂວງ ຊຽງຂວາງ, ໂຄງການສະຖານີໄຟຟ້າແຮງສູງ ທ່າວຽງ ເມືອງທ່າໂທມ ແຂວງ ໄຊສົມບູນ, ໂຄງການສາຍສົ່ງໄຟຟ້າແຮງສູງ 230 ກວ ທ່າວຽງ-ຫລັກ20, ສະຖານີໄຟຟ້າແຮງສູງປອມປີກ (ຫລັກຊາວ) ເມືອງຄຳເກີດ ແຂວງ ບໍລິຄຳໄຊ, ສະຖານີໄຟຟ້າແຮງສູງ ມະຫາໄຊ, ແຂວງຄຳມ່ວນ ແລະ ໂຄງການ ບໍ່ຄຳ ຄຳເກີດແສນອຸດົມ.

ໂຄງການກໍ່ສ້າງເຂື່ອນໄຟຟ້ານ້ຳຈຽນ ເປັນໂຄງການໜຶ່ງທີ່ນອນຢູ່ໃນແຜນພັດທະນາເສດຖະກິດສັງຄົມຂອງຊາດ ແລະ ເປັນໂຄງການຂອງລັດຖະບານ 100% ໂດຍການກູ້ຢືມທຶນໃນການກໍ່ສ້າງ ຈາກທະນາຄານ ຂາອອກ-ຂາເຂົ້າ ແຫ່ງ ສປ ຈີນ, ໂຄງການດັ່ງກ່າວ ໄດ້ເລີ່ມລົງມືກໍ່ສ້າງມາແຕ່ວັນທີ 1 ກໍລະກົດ 2013, ຄາດວ່າຈະສຳເລັດ ໃນເດືອນກຸມພາ 2018 ແລະ ມາຮອດປະຈຸບັນແມ່ນສຳເລັດແລ້ວ 94%, ຊຶ່ງຄາດວ່າຈະສູ້ຊົນໃຫ້ສຳເລັດກ່ອນຄາດໝາຍ 6 ເດືອນ, ເຊິ່ງໃນເດືອນ ກໍລະກົດນີ້ ຈະໄດ້ເກັບກັກນໍ້າ ແລະ ພ້ອມຈະທົດລອງຜະລິດພະລັງງານໄຟຟ້າ ເຄື່ອງຈັກເບີ 1 ແລະ ຄາດວ່າພາຍໃນເດືອນ ກັນຍາ 2017 ຈະທົດລອງຜະລິດພະລັງງານໄຟຟ້າເຄືອງຈັກເບີທີ 2 ເພື່ອໃຫ້ໄດ້ສົ່ງພະລັງງານໄຟຟ້າທັງຫມົດເຂົ້າໃນລະບົບຂອງ ລັດວິສາຫະກິດໄຟຟ້າລາວ ແລະ ຈະຈໍາໜ່າຍພາຍໃນປະເທດໂດຍສະເພາະ ຈະນຳສົ່ງພະລັງງານໄຟຟ້າໃຫ້ແຂວງຊຽງຂວາງ, ໄຊສົມບູນ, ບໍລິຄຳໄຊ ແລະ ບັນດາໂຮງງານອຸດສາຫະກຳ ໃນຂົງເຂດດັ່ງກ່າວ.

ໂຄງການດັ່ງກ່າວ ໄດ້ເອົາໃຈໃສ່ແກ້ໄຂຜົນກະທົບທາງດ້ານທາງດ້ານສິ່ງແວດລ້ອມ-ສັງຄົມ ແລະ ໄດ້ຈັດຕັ້ງປະຕິບັດການພັດທະນາຟື້ນຟູ ແລະ ແກ້ໄຂຊີວິດການເປັນຢູ່ຂອງປະຊາຊົນແລ້ວ ຈຳນວນ 45 ຄອບຄົວ, ຍັງພຽງແຕ່ 2 ຄອບຄົວ ທາງໂຄງການ ກໍ່ຄື ອຳນາດການປົກຄອງທ້ອງຖິ່ນ ຈະສຶບຕໍ່ໃນການຈັດຕັ້ງປະຕິບັດ ໃຫ້ສຳເລັດຜົນໂດຍໄວ, ພ້ອມນີ້ ທ່ານລັດຖະມົນຕີກະຊວງພະລັງງານ ແລະ ບໍ່ແຮ່, ກໍ່ໄດ້ລົງສົມທົບກັບອຳນາດການປົກຄອງທ້ອງຖິ່ນ ແລະ ຄອບຄົວປະຊາຊົນທີ່ຢູ່ເຂດໂຄງການຈັດກອງປະຊຸມພົບປະປຶກສາຫາລື ແລະ ແກ້ໄຂບັນຫາຮ່ວມກັນຢ່າງກົງໄປກົງມາ ແລະ ມີບັນຍາກາດດີ, ໂດຍສະເພາະແມ່ນໄດ້ເນັ້ນໃສ່ໃນການແກ້ໄຂ ເພື່ອໃຫ້ປະຊາຊົນໃນເຂດດັ່ງກ່າວ ມີຄວາມເພິ່ງພໍໃຈ ໃນການແກ້ໄຂຊົດເຊີຍຂອງໂຄງການ ກໍ່ຄືການປະກອບສ່ວນເຂົ້າໃນການພັດທະນາທ້ອງຖິ່ນຂອງຕົນ ໃຫ້ລຸດພົ້ນອອກຈາກສະຖານະພາບ ຄວາມ ດ້ອຍພັດທະນາຕາມຄາດຫມາຍຂອງພັກ-ລັດ. ພ້ອມກັນນັ້ນ ທ່ານ ລັດຖະມົນຕີພ້ອມດ້ວຍຄະນະກໍ່ໄດ້ສືບຕໍ່ລົງຕິດຕາມ ກວດກາການຈັດຕັ້ງປະຕິບັດ ໂຄງການສາຍສົ່ງໄຟຟ້າແຮງສູງ 230 ກວ ທ່າວຽງ – ຫລັກ 20, ຊຶ່ງໂຄງການດັ່ງກ່າວໄດ້ສຳເລັດແລ້ວ 98% ແລະ ພ້ອມຈະນຳໃຊ້ໃນເດືອນ ກໍລະກົດນີ້ ແລະ ສືບຕໍ່ລົງຕິດຕາມກວດກາສະຖານີໄຟຟ້າແຮງສູງປອມປີກ (ຫລັກຊາວ) ເມືອງ ຄຳເກີດ, ແຂວງ ບໍລິຄຳໄຊ, ສະຖານີໄຟຟ້າແຮງສູງ ມະຫາໄຊ, ແຂວງ ຄຳມ່ວນ ແລະ ໂຄງການ ບໍ່ຄຳ ຄຳເກີດແສນອຸດົມ, ແຂວງ ບໍລິຄຳໄຊອີກດ້ວຍ.

- Wave100S AD to Website 2020 0 - ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ລົງຕິດຕາມກວດກາໂຄງການໄຟຟ້າ ແລະ ບໍ່ແຮ່ຢູ່ຫລາຍແຂວງ
- WhatsApp Image 2020 05 27 at 5 - ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ລົງຕິດຕາມກວດກາໂຄງການໄຟຟ້າ ແລະ ບໍ່ແຮ່ຢູ່ຫລາຍແຂວງ
- WhatsApp Image 2020 05 27 at 5 - ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ລົງຕິດຕາມກວດກາໂຄງການໄຟຟ້າ ແລະ ບໍ່ແຮ່ຢູ່ຫລາຍແຂວງ
error: Alert: ເນື້ອຫາຂ່າວມີລິຂະສິດ !!