ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ?

ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ? - 272 - ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ?
ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ? - Untitled design - ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ?

    ຄົນຈຳນວນບໍ່ໜ້ອຍເຊື່ອວ່າສະພາບອາກາດແບບເຂດຮ້ອນເຊັ່ນ: ຢູ່ປະເທດລາວ ແລະ ພາກພື້ນໃກ້ຄຽງ ເປັນປັດໄຈໜຶ່ງທີ່ເຮັດໃຫ້ການລະບາດຂອງໂຣກທາງເດີນຫາຍໃຈໂຄວິດ-19 ບໍ່ເປັນໄປຢ່າງຮຸນແຮງເຊັ່ນຢູ່ເຂດເອີຣົບ ແລະ ອາເມລິກາເໜືອທີ່ຢູ່ໃນຊ່ວງລະດູໜາວພໍດີ.

     ຜົນການສຶກສາວິໄຈທາງວິທະຍາສາດຫລ້າສຸດມີຫລາຍອັນທີ່ສະໜັບສະໜູນແນວຄິດນີ້ ເຮັດໃຫ້ບັນດາປະເທດໃນເຂດໜາວພາກັນຫວັງວ່າ: ສະຖານະການຂອງໂຣກລະບາດຈະດີຂຶ້ນ ເມື່ອລະດູການທີ່ອາກາດອົບອຸ່ນມາເຖິງ. ແຕ່ຢ່າງໃດກໍຕາມ, ມີຜູ້ຊ່ຽວຊານອອກມາເຕືອນວ່າ: ໄວຣັສໂຄໂຣນາສາຍພັນໃໝ່ອາດບໍ່ຕອບສະໜອງຕໍ່ການປ່ຽນແປງຂອງສະພາບອາກາດ ແລະ ລະດູການ ແບບທີ່ຫລາຍຄົນຄາດຫວັງໄວ້.

    ຜົນການສຶກສາໃນອະດີດວ່າດ້ວຍໄວຣັສໂຄໂຣນາສາຍພັນຕ່າງໆ ໂດຍສະເພາະໄວຣັສໂຣກຊາຣ໌ສທີ່ເປັນພີ່ນ້ອງໃກ້ຊິດກັບໄວຣັສ SARS-CoV-2 ເຊິ່ງກໍ່ໂຣກໂຄວິດ-19 ຊີ້ວ່າ: ໄວຣັສຈຳພວກນີ້ມີພຶດຕິກຳການແຜ່ລະບາດທີ່ປ່ຽນແປງໄປຕາມລະດູການ ໂດຍໃນກໍລະນີຂອງສະຫະຣາຊະອານາຈັກມັກຈະພົບການລະບາດຮຸນແຮງຂຶ້ນໃນໄລຍະເດືອນທັນວາ-ເມສາຂອງທຸກປີ ເຊິ່ງເປັນລະດູໜາວທີ່ມີສະພາບອາກາດເຢັນ ແລະ ແຫ້ງ ແບບແຜນການລະບາດເຊັ່ນນີ້ຍັງຄືກັບໂຣກໄຂ້ຫວັດໃຫຍ່ຫລາຍຊະນິດນຳອີກ.

     ການວິໄຈຫລ້າສຸດຂອງຄະນະແພດຊາວຈີນທີ່ເຜີຍແຜ່ວ່າ: ອຸນຫະພູມ, ຄວາມໄວລົມ ແລະ ຄວາມຊຸ່ມສຳພັນໃນແຕ່ລະພື້ນທີ່ ມີການກ່ຽວຂ້ອງກັບອັດຕາການແຜ່ລະບາດຂອງໂຣກໂຄວິດ-19, ສ່ວນລາຍງານອີກອັນໜຶ່ງທີ່ວິເຄາະໂດຍບໍລິສັດວິໄຈ ແລະ ໃຫ້ຄຳປຶກສາດ້ານລະບາດວິທະຍາ Ausvet ຊີ້ວ່າ: ບໍລິເວນທີ່ມີອຸນຫະພູມສູງກວ່າຈະພົບກໍລະນີການຕິດເຊື້ອໂຣກໂຄວິດ-19 ຕໍ່າກວ່າ.

     ສ່ວນທີມນັກວິໄຈຈາກສະຖາບັນເຕັກໂນໂລຊີແຫ່ງແມສຊາຊູເຊດ ຫລື MIT ຂອງອາເມລິກາ ຕີພິມບົດຄວາມໃນວາລະສານອອນລາຍ SSRN ໂດຍເຜີຍຂໍ້ມູນວ່າ: 90% ຂອງການຕິດເຊື້ອໂຣກໂຄວິດ-19 ເກີດຂຶ້ນໃນພາກພື້ນທີ່ມີອຸນຫະພູມ 3-17 ອົງສາ, ຄວາມຊຸ່ມສົມບູນ 4-9 ກຣາມຕໍ່ແມັດກ້ອນ. ຂະນະທີ່ປະເທດທີ່ມີອຸນຫະພູມສະເລ່ຍ 18 ອົງສາຂຶ້ນໄປ ແລະ ມີຄວາມຊຸ່ມສົມບູນສູງກວ່າ 9 ກຣາມຕໍ່ແມັດກ້ອນ ຈະມີຈຳນວນຜູ້ຕິດເຊື້ອໜ້ອຍກວ່າ 6% ຂອງກໍລະນີທັງໝົດທົ່ວໂລກ.

ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ? - Wave100S AD to Website 2020 0 - ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ?

    ເຖິງຢ່າງໃດກໍຕາມ, ມີຄຳອະທິບາຍທາງວິທະຍາສາດບາງສ່ວນທີ່ອາດໃຫ້ຄຳຕອບໄດ້ວ່າ: ເຫດໃດສະພາບອາກາດແບບຮ້ອນຊຸ່ມຈຶ່ງເຮັດໃຫ້ໄວຣັສໂຄໂຣນາແຜ່ກະຈາຍຕົວໄດ້ຍາກກວ່າສະພາບອາກາດທີ່ເຢັນ ແລະ ແຫ້ງ.

     ໄວຣັສໂຄໂຣນານັ້ນມີເປືອກຫຸ້ມເປັນຊັ້ນໄຂມັນ ເຊິ່ງເຮັດໃຫ້ຕອບສະໜອງຕໍ່ການປ່ຽນແປງຂອງອຸນຫະພູມໄດ້ຫລາຍກວ່າໄວຣັສຊະນິດອື່ນ ໂດຍໃນສະພາບອາກາດໜາວເຢັນນັ້ນ ໄຂມັນທີ່ເປັນເປືອກຫຸ້ມຈະຈັບຕົວແຂງຂຶ້ນກວ່າເກົ່າ ເຊິ່ງຈະຊ່ວຍປົກປ້ອງອະນຸພາກໄວຣັສຂະນະທີ່ຢູ່ນອກຮ່າງກາຍຂອງສິ່ງມີຊີວິດໄດ້ດີກວ່າ ເມື່ອທຽບໃສ່ການຢູ່ໃນອາກາດຮ້ອນທີ່ເປືອກໄຂມັນຈະຖືກທຳລາຍ.

     ຍິ່ງໄວຣັສສາມາດຄົງສະພາບເກົ່າໃນສິ່ງແວດລ້ອມພາຍນອກໄດ້ດົນຂຶ້ນເທົ່າໃດ ພວກມັນຍິ່ງມີໂອກາດໃນການແຜ່ກະຈາຍ ແລະ ເຮັດໃຫ້ຄົນຕິດເຊື້ອໄດ້ຫລາຍຂຶ້ນເທົ່ານັ້ນ.

      ເຫດຜົນສຳຄັນອີກປະການໜຶ່ງຄື ລະດູໜາວຂອງຂົ້ວໂລກເໜືອ ແລະ ຕາເວັນຕົກມັກບໍ່ມີແດດ ເຮັດໃຫ້ຄົນຂາດວິຕາມິນດີ (D) ເຊິ່ງເປັນອົງປະກອບສຳຄັນໃນການສ້າງພູມຄຸ້ມກັນຂອງຮ່າງກາຍໄດ້. ນອກຈາກນີ້ ອາກາດທີ່ເຢັນ ແລະ ແຫ້ງຍັງເຮັດໃຫ້ປະລິມານຂອງເມືອກໜຽວທີ່ຮ່າງກາຍຜະລິດອອກມາເຄືອບເນື້ອເຫຍື່ອປອດ ແລະ ທາງເດີນຫາຍໃຈຫລຸດລົງ ເຮັດໃຫ້ບໍ່ສາມາດປ້ອງກັນການໂຈມຕີຂອງໄວຣັສໄປໂດຍປະລິຍາຍ.

ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ? - WhatsApp Image 2020 05 27 at 5 - ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ?
ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ? - WhatsApp Image 2020 05 27 at 5 - ສະພາບອາກາດຮ້ອນຂ້າເຊື້ອໄວຣັສ-ຢຸດຢັ້ງການລະບາດຂອງໂຄວິດ-19 ໄດ້ແທ້ ຫລື ບໍ່ ?
error: Alert: ເນື້ອຫາຂ່າວມີລິຂະສິດ !!