ຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນ-ປຸງແຕ່ງແຮ່ຄຳຢູ່ແຂວງອັດຕະປື

- sonxay visit attapue - ຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນ-ປຸງແຕ່ງແຮ່ຄຳຢູ່ແຂວງອັດຕະປື
- Untitled design - ຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນ-ປຸງແຕ່ງແຮ່ຄຳຢູ່ແຂວງອັດຕະປື

ໃນວັນທີ 6 ມິຖຸນານີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມຄະນະໄດ້ເດີນທາງໄປຢ້ຽມຢາມ ແລະ ຕິດຕາມຊຸກຍູ້ການຈັດຕັ້ງປະຕິບັດ ໂຄງການຊອກຄົ້ນ-ສຳຫລວດຂຸດຄົ້ນ-ປຸງແຕ່ງແຮ່ຄຳທີ່ເຂດວັງຕັດໃຫຍ່, ເມືອງຊານໄຊ, ແຂວງອັດຕະປື, ໂດຍທ່ານອຳນວຍການກຸ່ມບໍລິສັດລັດພັດທະນາຊົນນະບົດໃໝ່ ໄດ້ລາຍງານໃຫ້ຊາບວ່າ: ໂຄງການດັ່ງກ່າວໄດ້ຮ່ວມທຸລະກິດກັບບໍລິສັດຫຸ້ນສ່ວນຫວຽດນາມ-ລາວແຫ່ງ ສສ ຫວຽດນາມ ນັບແຕ່ເດືອນພະຈິກ 2006 ເປັນຕົ້ນມາເກືອບ 400 ກິໂລຕາແມັດ, ກວມເອົາເມືອງດາກຈຶງແຂວງເຊກອງ ແລະ ເມືອງຊານໄຊ, ແຂວງອັດຕະປື ລວມມູນຄ່າການລົງທຶນ 50 ລ້ານໂດລາສະຫະລັດ ແລະ ຜ່ານມາບໍລິສັດໄດ້ມອບພັນທະເຂົ້າກອງທຶນພັກຫ້ອງວ່າການສູນກາງພັກ ລວມນ້ຳໜັກຄຳກວ່າ 600 ກິໂລ ແລະ ມອບພັນທະຄ່າເຊົ່າສຳປະທານເນື້ອທີ່ດິນ ແລະ ອາກອນເງິນເດືອນໃຫ້ລັດຖະບານແລ້ວກວ່າ 290 ພັນໂດລາສະຫະລັດ. ພ້ອມນີ້, ບໍລິສັດກໍໄດ້ເອົາໃຈໃສ່ໃນການຄຸ້ມຄອງສິ່ງແວດລ້ອມ, ສັງຄົມ ແລະ ທຳມະຊາດ, ໃຫ້ຊ່ວຍເຫລືອສັງຄົມ ແລະ ປະກອບສ່ວນພັດທະນາທ້ອງຖິ່ນໃນແຕ່ລະປີປະມານ 1 ແສນໂດລາສະຫະລັດ ແລະ ອື່ນໆອີກ.

ໃນໂອກາດນີ້, ທ່ານ ສອນໄຊ ສີພັນດອນ ໄດ້ສະແດງຄວາມຊົມເຊີຍຕໍ່ຜົນສຳເລັດຂອງການຈັດຕັ້ງປະຕິບັດໂຄງການດັ່ງກ່າວທີ່ໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມທ້ອງຖິ່ນ. ຢ່າງໃດກໍຕາມດ້ວຍເນື້ອໃນຈິດໃຈຂອງສູນກາງພັກ ແລະ ລັດຖະບານໄດ້ຫັນເອົາບັນດາໂຄງການທີ່ຂຶ້ນກັບກອງທຶນພັກ ແລະ ປ້ອງກັນຊາດ-ປ້ອງກັນຄວາມສະຫງົບໃຫ້ຢູ່ໃນການຄຸ້ມຄອງຂອງລັດຖະບານຕາມລະບຽບກົດໝາຍ ແລະ ສອດຄ່ອງກັບກົດໝາຍວ່າດ້ວຍການສົ່ງເສີມການລົງທຶນ, ຊຶ່ງໂຄງການເຫລົ່ານີ້ກໍສາມາດດຳເນີນກິດຈະການຂອງຕົນຕໍ່ໄປຢ່າງຕໍ່ເນື່ອງ ແລະ ເປັນກຳລັງແຮງໃຫ້ແກ່ການຊ່ວຍແກ້ໄຂຄວາມທຸກຍາກຂອງປະຊາຊົນ. ພ້ອມດຽວກັນນັ້ນໃຫ້ເອົາໃຈໃສ່ການຄຸ້ມຄອງແຮງງານ, ການໂຄສະນາອົບຮົມປະຊາຊົນທີ່ນອນຢູ່ໃນໂຄງການໃຫ້ມີຄວາມເຂົ້າໃຈເຖິງລະບຽບກົດໝາຍ, ຜົນໄດ້ຮັບຈາກການພັດທະນາໂຄງການ ແລະ ຊ່ວຍສ້າງວຽກເຮັດງານທຳ ແລະ ການຜະລິດສະບຽງອາຫານໃຫ້ແກ່ໂຄງການ.

- Wave100S AD to Website 2020 0 - ຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນ-ປຸງແຕ່ງແຮ່ຄຳຢູ່ແຂວງອັດຕະປື

ທ່ານຮອງນາຍົກລັດຖະມົນຕີ, ຍັງໄດ້ຢ້ຳໃຫ້ບໍລິສັດເອົາໃຈໃສ່ວຽກງານຊົດເຊີຍຜູ້ທີ່ໄດ້ຮັບຜົນກະທົບຕິດພັນກັບການຈັດສັນອາຊີບຄົງທີ່, ຫັນຈາກການເຮັດໄຮ່ເລື່ອນລອຍໄປສູ່ການປູກ-ການລ້ຽງ ເປັນຕົ້ນ: ການປູກໄມ້ອຸດສາຫະກຳ ເພື່ອເປັນການຈັດຕັ້ງຜັນຂະຫຍາຍຄຳສັ່ງ 15/ນຍ ໃຫ້ປະກົດຜົນເປັນຈິງ, ປະກອບສ່ວນເຮັດໃຫ້ມີພື້ນທີ່ປ່າໄມ້ປົກຫຸ້ມ 70% ໃນປີ 2020.

- WhatsApp Image 2020 05 27 at 5 - ຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນ-ປຸງແຕ່ງແຮ່ຄຳຢູ່ແຂວງອັດຕະປື
- WhatsApp Image 2020 05 27 at 5 - ຮອງນາຍົກລັດຖະມົນຕີຢ້ຽມຢາມໂຄງການຂຸດຄົ້ນ-ປຸງແຕ່ງແຮ່ຄຳຢູ່ແຂວງອັດຕະປື
error: Alert: ເນື້ອຫາຂ່າວມີລິຂະສິດ !!