ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19

ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19 - 33 3 - ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19
ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19 - AGL - ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19

ລູກເມືອງພວນ

ບ່າຍວັນທີ 26 ມີນານີ້, ທີ່ສຳນັກງານຫ້ອງການລັດຖະບານຫວຽດນາມ, ນາຍົກລັດຖະມົນຕີ ຫງວຽນ ຊວັນ ຟຸກ ໄດ້ຕໍ່ສາຍລົມກັບນາຍົກລັດຖະມົນຕີຂອງລາວ ພະນະທ່ານ ທອງລຸນ ສີສຸລິດ. ທ່ານ    ຫງວຽນ ຊວັນ ຟຸກ ໄດ້ຕີລາຄາສູງຕໍ່ຄວາມພະຍາຍາມຂອງລັດຖະບານລາວກ່ຽວກັບການຈັດຕັ້ງປະຕິບັດບັນດາມາດຕະການສະກັດກັ້ນ ໂຄວິດ-19  ບົນຈິດໃຈສາຍພົວວພັນມິດຕະພາບອັນຍິ່ງໃຫ່ຍລະຫວ່າງສອງປະເທດ. ຫວຽດນາມພ້ອມຈະໃຫ້ການສະໜັບສະໜູນ ແລະ ຢູ່ຄຽງຂ້າງກັບເພື່ອນລາວເພື່ອຕ້ານໄວຣັສໂຄວິດ-19, ເພື່ອໃຫ້ສອງປະເທດກັບຄືນສູ່ສະພາບປົກກະຕິ, ສືບຕໍ່ພັດທະນາເສດຖະກິດ-ສັງຄົມ ແລະ ຍົກສູງຊີວິດການເປັນຢູ່ຂອງປະຊາຊົນໃຫ້ດີຂື້ນ, ມຸ່ງໜ້າສູ່ກອງປະຊຸມໃຫ່ຍຂອງພັກແຕ່ລະປະເທດໃນຕົ້ນປີໜ້າທີ່ຈະມາເຖິງ.

ນາຍົກລັດຖະມົນຕີທອງລຸນ ສີສຸລິດ ກໍໄດ້ຕີລາຄາສູງຕໍ່ຄວາມພະຍາຍາມ ແລະ ຜົນສຳເລັດໃນເບື້ອງຕົ້ນກ່ຽວກັບການປ້ອງກັນ, ຕ້ານ ແລະ ສະກັດກັ້ນພະຍາດໂຄວິດ-19 ແລະ ຫວັງວ່າ ສອງປະເທດຈະເພີ່ມທະວີແບ່ງປັນຂໍ້ມູນຂ່າວສານ ແລະ ປະສານສົມທົບຊ່ວຍເຫຼືອຊຶ່ງກັນ ແລະ ກັນ.

ນາຍົກລັດຖະມົນຕີ ຫງວຽນ ຊວັນ ຟຸກ ຮຽກຮ້ອງໃຫ້ນາຍົກລັດຖະມົນຕີ ແລະ ລັດຖະບານລາວສືບຕໍ່ສ້າງເງື່ອນໄຂ ອຳນວຍຄວາມສະດວກໃຫ້ຊາວຫວຽດນາມທີ່ດຳລົງຊີວິດຢູ່ໃນລາວອຸ່ນອຽນທຸ່ນທ່ຽງທຳມາຫາກິນ ແລະ ໄດ້ເຂົ້າເຖິງບັນດາເງື່ອນໄຂທີ່ຈຳເປັນເພື່ອປ້ອງກັນ ແລະ ຕ້ານພະຍາດໂຄວິດ-19. ປະສານສົມທົບຢ່າງແໜ້ນແຟ້ນກັບຫວຽດນາມ ເພື່ອຮັກສາຄວາມສະຫງົບ ຄວາມເປັນລະບຽບຮຽບຮ້ອຍທາງສັງຄົມ ໂດຍສະເພາະແມ່ນບັນດາແຂວງໃນເຂດຊາຍແດນລະຫວ່າງສອງປະເທດ.

ນາຍົກທັງສອງໄດ້ມີຄວາມເປັນເອກກະພາບກັນວ່າ ຕໍ່ຫນ້າສະຖານະການໃນປັດຈຸບັນ, ຍິ່ງກວ່າເວລາໃດໝົດທີ່ທັງສອງຝ່າຍຈະຕ້ອງເພີ່ມທະວີເສີມຂະຫຍາຍການພົວພັນຮ່ວມມືນຳກັນ, ໂດຍສະເພາະແມ່ນການຈັດຕັ້ງປະຕິບັດບັນດາຂໍ້ຕົກລົງທີ່ໄດ້ເຊັນກັນໃນກອງປະຊຸມຄັ້ງທີ 42 ຂອງຄະນະກຳມະການຮ່ວມຂອງສອງລັດຖະບານໃນຕົ້ນປີນີ້, ສືບຕໍ່ສ້າງເງື່ອນໄຂໃຫ້ສິນຄ້າຂອງສອງປະເທດໄປມາຫາສູ່ກັນເປັນປົກກະຕິ, ຮັກສາການເພີ່ມຂຶ້ນທາງການຄ້າ, ລົງທຶນໃສ່ຂະແໜງການທີ່ເປັນປາຍແຫຼມ ເພື່ອພ້ອມກັນຜ່ານພົ້ນຄວາມຫຍຸ້ງຍາກນາໆປະການ ອັນເນື່ອງມາຈາກການຫຼຸດລົງຂອງການເຄື່ອນໄຫວທາງດ້ານເສດຖະກິດ ຈາກຜົນກະທົບຂອງໄວຣັສໂຄໂຣນາ.

ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19 - lattana banner - ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19
ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19 - lattana banner 1 - ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19
ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19 -    AD conten website - ຫວຽດນາມຈະໃຫ້ການສະໜັບສະໜູນລາວທັງກຳລັງຄົນ ແລະ ອຸປະກອນການແພດ ເພື່ອຕ້ານ ໂຄວິດ-19
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!