ພາບລວມການປິດປະຕູປະເທດທົ່ວໂລກ

ລູກເມືອງພວນ

ອິນເດຍ, ຈີນ, ຝຣັ່ງ, ອີຕາລີ, ນິວຊີແລນ, ໂປແລນ, ລາຊະອານາຈັກອັງກິດ ໄດ້ຈັດຕັ້ງປະຕິບັດມາດຕະການແຍກຕົວຂະ ໜາດໃຫ່ຍ ແລະ ຈຳກັດຂີດຂັ້ນສູງສຸດໃນໂລກ. ມາເຖິງວັນທີ 26 ມີນານີ້ ມີຫຼາຍກວ່າ 21.000 ຄົນເສຍຊີວິດ ແລະ ມີຜູ້ຕິດເຊື້ອ ໂຄວິດ-19 ຫຼາຍກ່ວາ 467.500 ຄົນ ໃນທົ່ວໂລກ.

ລຸ່ມນີ້ແມ່ນລາຍຊື່ບັນດາປະເທດ ປິດປະຕູສູ້ໂຄວິດ-19 ຈາກ Business Insider:

1. ອາຟຣິກກາໃຕ້: ຈະປິດປະຕູເປັນເວລາ 21 ວັນ, ນັບແຕ່ວັນທີ 26 ມີນາເປັນຕົ້ນໄປ
2. ນິວຊີແລນ: ໄດ້ປະກາດກັກຕົວ 14 ວັນ ຕໍ່ກັບທຸຄົນທີ່ເດີນທາງມາປະທດນີ້ ແລະ ທົ່ວທັງປະເທດຈະປິດປະຕູ ເລີ່ມແຕ່ວັນທີ 15 ມີນາເປັນຕົ້ນມາ.
3. ອາຣັບຊາອຸດີ: ປິດປະຕູນະຄອນ ແລະ ອີກ 2 ນະຄອນແຫ່ງພະເຈົ້າໃນວັນທີ 25 ມີນາເປັນຕົ້ນມາ.
4. ໂກລົມບີ: ເລີ່ມມີການກວດພະຍາດທົ່ວປະເທດແຕ່ວັນທີ 24 ມີນາເປັນຕົ້ນມາ.  ຜູ້ທີ່ມີອາຍຸແຕ່ 70 ປີຂຶ້ນໄປແມ່ນໃຫ້ຢູ່ເຮືອນບໍ່ໄປໃສ ຈົນເຖິງເດືອນພຶດສະພາ.
5. ອິນເດຍ: ດຳເນີນການປິດປະຕູປະເທດເປັນເວລາ 21 ວັນ ນັບແຕ່ວັນທີ 24 ມີນາເປັນຕົ້ນມາ.
6. ລາຊະອານາຈັກອັງກິດ: ເລິ່ມປິດປະຕູປະເທດ ແຕ່ວັນທີ 23 ມີນາເປັນຕົ້ນມາ.
7. ອົດສະຕຣາລີ: ປິດປະຕູບັນດາຫົວໜ່ວຍທຸລະກິດທີ່ບໍ່ຈຳເປັນໃນວັນທີ 23 ມີນາ ແລະ ມີຄຳສັ່ງໃຫ້ປິດເພີ່ມເຕີມໃນວັນທີ 24 ມີນາ ແລະ ຈະຈັດຕັ້ງປະຕິບັດນັບແຕ່ວັນທີ 25 ເປັນຕົ້ນໄປ.
8. ຈີນ: ໃຊ້ມາດຕະການກັກຕົວເພື່ອກວດຫາເຊື້ອພະຍາດບັ້ນໃຫ່ຍໃນປະຫວັດສາດ, ແລະ ປິດປະຕູຢ່າງໜ້ອຍ 16 ເມືອງໃນທ້າຍເດືອນມັງກອນເປັນຕົ້ນມາ.
9. ໂຈດານ: ປິດປະຕູປະເທດໂດຍບໍ່ມີກຳນົດ ນັບຕັ້ງແຕ່ວັນທີ 21 ມີນາເປັນຕົ້ນມາ, ຖ້າຜູ້ໃດຫາກອອກໄປຂ້າງນອກຈະຖືກຈຳຄຸກເປັນເວລາ 1 ປີ.
10. ອາເຈນຕີນາ: ປິດປະຕູໂດຍບັງຄັບ ເພື່ອປ້ອງກັນໃນວັນທີ 21 ມີນານີ້.
11. ອິສລາເອວ: ປິດປະຕູເປັນບາງພາກສ່ວນໃນເມື່ອວັນທີ 19 ມີນາ. ຫ້າມບໍ່ໃຫ້ຊາວຕ່າງປະເທດເຂົ້າມາປະເທດຕົນເອງ. ທະຫານຕຽມພ້ອມທຸກເວລາປະຕິບັດຄຳສັ່ງປິດປະຕູທັງໝົດ.
12. ເບນຢຽມ: ປິດປະຕູໃນເມື່ອວັນທີ 17 ມີນາເປັນຕົ້ນມາ., ອອກຄຳສັ່ງໃຫ້ປະຊາຊົນຢູ່ແຕ່ໃນເຮືອນ, ຫຼີກລ່ຽງການພົວພັນສຳພັດກັບຄົນອື່ນ. ວັນທີ 22 ມີນານີ້ ລັດຖະມົນຕີກະຊວງສາທາລະນະສຸກໃຫ້ຮູ້ວ່າ ການອອກຄຳສັ່ງປິດປະຕູອາດຈະແກ່ຍາວເປັນເວລາ 2 ເືດນອີກ.
13. ສະຫະພາບເອີຣົບ: ຫ້າມເຄື່ອນໄຫວໄປມາທີ່ບໍ່ຈຳເປັນໃນສະຫະພັນ ຢ່າງໜ້ອຍເປັນເວລາ 30 ວັນ ນັບຕັ້ງແຕ່ວັນທີ 16 ມີນາເປັນຕົ້ນມາ.
14. ເຢຍລະມັນ: ປະກາດປິດບັນດາຮ້ານຄ້າ, ໂບດ, ສະຖານທີ່ກີລາ, ຮ້ານບັນເທີງ ໃນ 16 ລັດ.
15. ມາເລເຊຍ: ປະກາດປິດທຸກກິດຈະການທຸລະກິດນັບຕັ້ງແຕ່ສູນກາງການຄ້າ, ຂະແໜງການບໍລິການສາທາລະນະ, ວິທະຍຸ ໂທລະພາບ, ທະນາຄານ ແລະ ສະຖານທີ່ດູແລການແພດນັບຕັ້ງແຕ່ວັນທີ 16 ມີນາເປັນຕົ້ນມາ. ວັນທີ 25 ມີນາ ລັດຖະບານປະກາດປິດປະຕູເພີ່ມເຕີມອອກໄປອີກ 2 ອາທິດ.
16. ມໍໂຣກໂກ: ປິດສາຍການບິນສາກົນແຕ່ວັນທີ 15 ມີນາເປັນຕົ້ນມາ ແລະ ປິດປະຕູໂບດ, ໂຮງຮຽນ, ຮ້ານຄ້າ.
17. ເຄນຢາ: ປິກການຮຽນການສອນ, ຫ້າມບໍ່ໃຫ້ຄົນຕ່າງປະເທດເຂົ້າມາ ແລະ ປິດຮ້ານເຫຼົ້າ ຮ້າຍເບຍ, ຮ້ານອາຫານ ແຕ່ວັນທີ 15 ເປັນຕົ້ນມາ.
18. ແອັດສະປາຍ: ເປັນປະເທດທີສອງໃນຍຸໂຣບ ທີ່ມີການດຳເນີນການກວດຫາເຊື້ອໄວຣັດທົ່ວປະເທດນັບແຕ່ວັນທີ 14 ມີນາເປັນຕົ້ນມາ.
19. ໂປແລນ: ປະກາດປິດຫົວໜ່ວຍທຸລະກິດ ແລະ ຫ້າມບໍ່ໃຫ້ນັກທ່ອງທ່ຽວຕ່າງປະເທດເຂົ້າມາ ແຕ່ວັນທີ 13 ມີນາເປັນຕົ້ນມາ.
20. ຄູເວດ: ປິດປະຕູທົ່ປະເທດເປັນເວລາ 2 ອາທິດ ນັບແຕ່ວັນທີ 13 ມີນາເປັນຕົ້ນມາ.
21. ໄອແລນ: ກໍມີການວາງມາດຕະການແຕ່ບໍ່ແຂງກະດ້າງ ແລະ ມີການໂຍະຍານຫຼາຍກວ່າປະເທດອື່ນໆ
22. ນໍເວ: ປິດປະຕູເປັນເວລາ 2 ອາທິດນັບແຕ່ວັນທີ 12 ມີນາເປັນຕົ້ນມາ. ວັນທີ 24 ມີນານີ້ ລັດຖະບານປະກາດເປີດກ້ວາງການປິດປະຕູຈົນໝົດບຸນທາງສາດສະໜາ
23. ເອວຊັນວາດໍ: ປະກາດເຕືອນໄພສີໝາກກ້ຽງ, ໝາຍຄວາມວ່າປະຕິບັດການກວດຫາເຊື້ອທົ່ວປະເທດໃນວັນທີ 11 ມີນາເປັນຕົ້ນມາ.
24. ເດນມາກ: ປິດປະຕູແຕ່ວັນທີ 11 ມີນາເປັນຕົ້ນມາ ແລະ ຄຳສັ່ງດັ່ງກ່າວນີ້ ຖືກເປີດກວ້າງອອກເຖິງວັນທີ 13  ເມສາທີ່ຈະມາເຖິງ.
25. ອີຕາລີ: ປິດປະເທດໃນວັນທີ 10 ມີນາ, ຢຸດຕິການເຄື່ອນໄຫວທຸກປະເພດຂອງຊີວິດສັງຄົມຕໍ່ 60 ລ້ານຄົນທົ່ວປະເທດ./.