ສະພາບປາກະຊັງຕາຍຢູ່ເມືອງຫາດຊາຍຟອງສະຫງົບລົງແລ້ວ

- advert banner 728 90 728x90 - ສະພາບປາກະຊັງຕາຍຢູ່ເມືອງຫາດຊາຍຟອງສະຫງົບລົງແລ້ວ

ສະພາບປາກະຊັງຂອງປະຊາຊົນທີ່ລ້ຽງຢູ່ແມ່ນໍ້າຂອງເຂດບ້ານນາທາມ, ເມືອງຫາດຊາຍຟອງ, ນະຄອນຫລວງວຽງຈັນ ຕາຍເປັນຈໍານວນຫລາຍນັບແຕ່ທ້າຍເດືອນພຶດສະພາເປັນຕົ້ນມາ ແລະ ມາຮອດປັດຈຸບັນເຫັນວ່າສະພາບດັ່ງກ່າວໄດ້ສະຫງົບລົງແລ້ວ.

- new3 - ສະພາບປາກະຊັງຕາຍຢູ່ເມືອງຫາດຊາຍຟອງສະຫງົບລົງແລ້ວ

ຫົວໜ້າຫ້ອງການກະສິກໍາເມືອງຫາດຊາຍຟອງ ໃຫ້ຮູ້ວ່າ: ພາຍຫລັງໄດ້ຮັບລາຍງານຈາກຜູ້ລ້ຽງປາກະຊັງວ່າປາຈໍານວນຫລາຍຕາຍຟູໃນກະຊັງໂດຍບໍ່ຮູ້ສາເຫດ, ຈຶ່ງໄດ້ແຕ່ງວິຊາການກ່ຽວຂ້ອງລົງກວດກາຢ່າງຮີບດ່ວນ, ຊຶ່ງພົບວ່າມີ 60 ກວ່າກະຊັງໃນຈໍານວນ 330 ກວ່າກະຊັງທີ່ມີປາຕາຍ ແລະ ປາທີ່ຕາຍແມ່ນມີຂະໜາດໃຫຍ່ນໍ້າໜັກສະເລ່ຍ 2,5-3 ກິໂລຂຶ້ນໄປ ແລະ ສາເຫດທີ່ພາໃຫ້ປາຕາຍແມ່ນເກີດຈາກສະພາບນໍ້າຂອງຂຸ່ນເຮັດໃຫ້ອອກຊີເຈນໃນນໍ້າມີໜ້ອຍບວກກັບຈໍານວນປາຢູ່ກະຊັງມີຫລາຍ ແລະ ຂະໜາດຕົວໃຫຍ່ຈຶ່ງເຮັດໃຫ້ເກີດຄວາມແອອັດ ແລະ ຕາຍໃນທີ່ສຸດ, ຊຶ່ງບໍ່ແມ່ນຍ້ອນເກີດພະຍາດ ຫລື ສານຜິດໃດໆຄືດັ່ງສັງຄົມເຂົ້າໃຈ. ຈາກບັນຫາດັ່ງກ່າວຈຶ່ງໄດ້ແນະນໍາໃຫ້ເຈົ້າຂອງປາກະຊັງຮີບຮ້ອນເອົາປາທີ່ມີຂະໜາດໃຫຍ່ອອກຈໍາໜ່າຍໃຫ້ໄວ ເພື່ອຫລຸດຜ່ອນຄວາມແອອັດ ແລະ ຄວາມສ່ຽງຕ່າງໆທີ່ຈະພາໃຫ້ປາຕາຍ, ຊຶ່ງພາຍຫລັງເຈົ້າຂອງປາກະຊັງປະຕິບັດຕາມວິທີດັ່ງກ່າວເຫັນວ່າບໍ່ມີສະພາບປາຕາຍເກີດຂຶ້ນ.

ປາກະຊັງນ້ຳຂອງຕາຍບໍ່ໄດ້ເກີດຈາກສານພິດ

- lattana 1 - ສະພາບປາກະຊັງຕາຍຢູ່ເມືອງຫາດຊາຍຟອງສະຫງົບລົງແລ້ວ

ຫົວໜ້າຂະແໜງລ້ຽງສັດ ແລະ ການປະມົງເມືອງຫາດຊາຍຟອງ ກ່າວວ່າ: ການລ້ຽງປາກະຊັງທີ່ຖືກຕ້ອງ ແລະ ຮັບປະກັນປະສິດທິຜົນນັ້ນແມ່ນຂະໜາດຂອງກະຊັງຕ້ອງມີຄວາມກວ້າງ 4×6 ແມັດ, ເລິກ 2 ແມັດ ແລະ ປ່ອຍປາບໍ່ໃຫ້ເກີນ 3 ພັນໂຕ ແລະ ບໍ່ຄວນໃຫ້ປາມີຂະໜາດນໍ້າໜັກຫລາຍກວ່າໜຶ່ງກິໂລ, ເຊິ່ງຖ້າຫາກປາມີຂະໜາດໃຫຍ່ກໍຈະເພີ່ມຄວາມໜາແໜ້ນຂອງປາໃນກະຊັງ ແລະ ອາດເຮັດໃຫ້ປາຕາຍໄດ້ງ່າຍ.

error: Content is protected !!