ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ

ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ - 91556993 2607935022820463 1310300900312481792 n 1 - ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ
ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ - Untitled design - ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ

ຮອງລັດຖະມົນຕີກະຊວງສາມາລະນະສຸກ ໄດ້ຖະແຫລງຂ່າວຕໍ່ສື່ມວນຊົນ ໃນວັນທີ 27 ມີນາ ນີ້, ວ່າ: ມາຮອດປັດຈຸບັນ, ຢູ່ ລາວ ຍັງບໍ່ທັນມີຜູ້ຕິດເຊື້ອໂຄວິດ-19 ເພີ່ມຕື່ມອີກ, ແຕ່ໄດ້ສືບຕໍ່ນຳຕົວຢ່າງກໍລະນີສົງໃສທີ່ຕິດເຊື້ອພະຍາດດັ່ງກ່າວໄປກວດທັງໝົດແລ້ວ 218 ກໍລະນີ (ເປັນຕົວເລກສະສົມ), ໃນນັ້ນມີ 6 ກໍລະນີຕິດເຊື້ອຄື: 1. ເພດຍິງ ອາຍຸ 36 ປີ ຢູ່ບ້ານຄຳຮຸ່ງ ເມືອງໄຊທານີ ເປັນພະນັກງານນຳທ່ຽວ, 2. ເພດຊາຍ ອາຍຸ 28 ປີ ຢູ່ບ້ານຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ, 3. ເພດຊາຍ ອາຍຸ 26 ປີ ຢູ່ບ້ານຫ້ວຍຫ້ອມ ເມືອງສີໂຄດຕະບອງ, 4. ເພດຊາຍ ອາຍຸ 42 ປີ ຢູ່ບ້ານປ່ອງຄຳ ນະຄອນຫລວງພະບາງ ແຂວງຫລວງພະບາງ, 5. ເພດຊາຍ ອາຍຸ 52 ປີ ຢູ່ບ້ານວິຊຸນ ນະຄອນຫລວງພະບາງ ແລະ 6. ເພດຊາຍ ອາຍຸ 41 ປີ ຢູ່ບ້ານຫ້ວຍຫ້ອມ ເມືອງສີໂຄດຕະບອງ ນະຄອນຫລວງວຽງຈັນ.

ປັດຈຸບັນ, ສະພາບອາການຂອງຜູ້ປ່ວຍແມ່ນຢູ່ໃນຂັ້ນຊົງຕົວ ແລະ ໄດ້ຮັບການເອົາໃຈໃສ່ຕິດຕາມປິ່ນປົວຢ່າງໃກ້ຊິດຈາກໜ່ວຍງານແພດໝໍ, ໂດຍສະເພາະແມ່ນໃຫ້ກິນຢາທີ່ໄດ້ຮັບການຊ່ວຍເຫລືອຈາກ ສປ ຈີນ ແລະ ນຳໃຊ້ຫລັກການປິ່ນປົວຈາກສະຖານບັນການແພດປະເທດຝຣັ່ງ, ຊຶ່ງເຮັດໃຫ້ອາການພວກກ່ຽວດີຂື້ນຕາມລຳດັບ ແລະ ການປິ່ນປົວນີ້ ແມ່ນບໍ່ໄດ້ເສຍຄ່າແຕ່ຢ່າງໃດ.

ທ່ານ ຮອງລັດຖະມົນຕີ ໃຫ້ຮູ້ຕ່ືມວ່າ: ເຖິງວ່າປັດຈຸບັນ, ຍັງບໍ່ພົບມີຕົວເລກຕິດເຊື້ອເພີ່ມ, ແຕ່ກໍມີຄວາມສ່ຽງສູງວ່າ: ເຊື້ອໂຄວິດ-19 ອາດຈະແຜ່ຂະຫຍາຍວົງກວ້າງ ລະຫວ່າງ ຄົນສູ່ຄົນຖ້າເຮົາບໍ່ປ້ອງກັນດີຂື້ນ, ສະນັ້ນ ພວກເຮົາຈຶ່ງເລັ່ງຄັດກອງ ແລະ ເກັບກຳຜູ້ທີ່ສຳພັດກັບຜູ້ໃກ້ສິດຜູ້ຕິດເຊື້ອໃຫ້ຮູ້ໂດຍໄວ ເພື່ອຈະໄດ້ນຳເອົາໄປແຍກປ່ຽວກວດກາ, ພ້ອມນັ້ນກໍເພີ່ມທະວີ ວຽກງານຈຳກັດພື້ນທີ່ 14 ວັນ ຂອງແຮງງານ ແລະ ປະຊາຊົນທົ່ວໄປທີ່ມາໃນເຂດມີການລະບາດ. ສະນັ້ນ ໃນວັນທີ 28 ມີນາ ນີ້, ທາງຄະນະສະເພາະກິດຈະມີກອງປະຊຸມປຶກສາຫາລືຢ່າງຮີບດ່ວນກ່ຽວກັບການສະກັດກັ້ນ ແລະແກ້ໄຂການແຜ່ລະບາດຂອງເຊື້ອ covid-19ໃຫ້ມີປະສິດທິຜົນສູງສຸດ.

ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ - Wave100S AD to Website 2020 0 - ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ
ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ - WhatsApp Image 2020 05 27 at 5 - ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ
ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ - WhatsApp Image 2020 05 27 at 5 - ຜູ້ຕິດເຊື້ອ covid-19 ໄດ້ຮັບການປິ່ນປົວຈາກແພດໝໍຢ່າງໃກ້ຊິດ
error: Alert: ເນື້ອຫາຂ່າວມີລິຂະສິດ !!