ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19

ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19 - 280 - ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19
ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19 - Untitled design - ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19

     ອົງການອະນາໄມໂລກປະກາດທົດສອບການໃຊ້ຢາ 4 ແບບຢ່າງເປັນທາງການ ເພື່ອສະແຫວງຫາແນວທາງມີປະສິດທິພາບທີ່ສຸດ ໃນການປິ່ນປົວໂຣກຈາກການຕິດເຊື້ອໄວຣັສໂຄໂຣນາສາຍພັນໃໝ່.

      ທ່ານ ເທດຣອສ ແອດນາຮອມ ເກເບຣເຢຊຸສ ຜູ້ອຳນວຍການອົງການອະນາໄມໂລກ (WHO) ກ່າວໃນວັນທີ 27 ມີນາວ່າ: ຕອນນີ້ WHO ກຳລັງທົດສອບການໃຊ້ຢາ 4 ແບບ “ເຊິ່ງມີຄວາມເປັນໄປໄດ້ສູງ” ວ່າສັບພະຄຸນຂອງຢາເຫລົ່ານີ້ຈະຊ່ວຍບັນເທົາອາການປ່ວຍຈາກການຕິດເຊື້ອໄວຣັສໂຄໂຣນາສາຍພັນໃໝ່ “ໂຄວິດ-19” ໄດ້ຢ່າງມີປະສິດທິພາບ.

      ສຳລັບຢາທີ່ WHO ກຳລັງທົດສອບ ໄດ້ແກ່: 1. ຢາຄໍໂຣຄວິນ ແລະ 2. ຢາໄຮດຣອກຊີຄໍໂຣຄວິນ ເຊິ່ງເປັນຢາຕ້ານໂຣກມາລາເຣຍ, 3. ຢາເຣມເດຊິເວຍ ເຊິ່ງເປັນໜຶ່ງໃນຢາຕ້ານໄວຣັສ ແລະ 4. ການໃຊ້ຢາຕ້ານໄວຣັສ HIV ໂດຍໃຊ້ສູດການປະສົມລະຫວ່າງຢາໂລພິນາເວຍກັບຢາຣິໂຕນາເວຍ.

      ປັດຈຸບັນ WHO ກຳລັງທົດສອບປະສິດທິພາບຂອງຢາທັງ 4 ແບບກັບຜູ້ປ່ວຍຈາກໂຣກໂຄວິດ-19 ໃນນອກແວ ແລະ ແອັດສະປາຍ. ຂະນະດຽວກັນ ຜູ້ຊ່ຽວຊານກຳລັງສຶກສາແນວທາງເປັນໄປໄດ້ໃນການໃຊ້ຢາຕ້ານໄວຣັສ HIV ຕົວອື່ນ ເພື່ອປິ່ນປົວອາການຈາກການຕິດເຊື້ອໄວຣັສໂຄໂຣນາສາຍພັນໃໝ່ ຈົນຮອດຕອນນີ້ຍັງບໍ່ມີວິທີການປິ່ນປົວດ້ວຍຢາແບບສະເພາະເຈາະຈົງ. ການປິ່ນປົວທີ່ຊ່ວຍໃຫ້ຜູ້ປ່ວຍຄົນທຳອິດຈົນເຖິງຄົນປັດຈຸບັນມີອາການດີຂຶ້ນຈົນສາມາດອອກຈາກໂຮງໝໍໄດ້ ເປັນຜົນຈາກການທີ່ແພດບົ່ງມະຕິຕາມອາການ ແລະ ຈັດຢາເຊິ່ງ “ມີຄວາມເໝາະສົມທີ່ສຸດ” ໃນການຂ້າເຊື້ອໂຣກ.

ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19 - Wave100S AD to Website 2020 0 - ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19

      ທັງນີ້ ຜູ້ອຳນວຍການ WHO ກ່າວອີກວ່າ: ມີປະເທດສະແດງຄວາມສົນໃຈເຂົ້າຮ່ວມໂຄງການທົດສອບປະສິດທິພາບຂອງຢາທັງ 4 ແບບເພີ່ມຂຶ້ນ ລວມທັງສະວິດ, ແອັດສະປາຍ, ການາດາ, ອາກຊັງຕິນ, ບາເຣນ, ອີຣານ ແລະ ໄທ.

ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19 - WhatsApp Image 2020 05 27 at 5 - ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19
ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19 - WhatsApp Image 2020 05 27 at 5 - ອະນາໄມໂລກທົດສອບ “ຢາ 4 ແບບ” ປິ່ນປົວໂຄວິດ-19
error: Alert: ເນື້ອຫາຂ່າວມີລິຂະສິດ !!