ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ

ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ - 283 - ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ
ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ - AGL banner - ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ

     ‘ຈອນ ຮອບກິນ’ ເຜີຍ ຈຳນວນຜູ້ຕິດເຊື້ອ “ໂຄວິດ-19” ທົ່ວໂລກສູງເຖິງ 597.267 ຄົນ, ອາເມລິກາຕິດເຊື້ອສູງສຸດ 101.657 ຄົນ. ຂະນະທີ່ ຜູ້ຕິດເຊື້ອຄົນໃໝ່ຢູ່ຈີນ ມີເພີ່ມ 54 ຄົນ ມາຈາກຕ່າງປະເທດ.

     ມະຫາວິທະຍາໄລຈອນ ຮອບກິນ ລາຍງານໃນວັນທີ 28 ມີນາວ່າ: ຂໍ້ມູນເມື່ອເວລາ 07:00 ຕາມເວລາຢູ່ລາວ ຈຳນວນຜູ້ຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19) ທົ່ວໂລກ ມີ 597.267 ຄົນ ໂດຍອາເມລິກາມີຈຳນວນຜູ້ຕິດເຊື້ອສູງສຸດໃນໂລກ 104.205 ຄົນ, ຮອງລົງມາໄດ້ແກ່ຈຳນວນຜູ້ຕິດເຊື້ອຢູ່ອິຕາລີ 86.498 ຄົນ ແລະ ຢູ່ຈີນມີ 81.897 ຄົນ.

     ສ່ວນຈຳນວນຜູ້ຕິດໂຄວິດ-19 ທີ່ຢູ່ໃນອັນດັບຕົ້ນໆຂອງໂລກ ມີແອັດສະປາຍ 65.719 ຄົນ, ເຢຍລະມັນ 50.871 ຄົນ, ຝຣັ່ງ 33.402 ຄົນ, ອີຣານ 32.332 ຄົນ, ອັງກິດ 14.745 ຄົນ, ສະວິດ 12.928 ຄົນ ແລະ ສ.ເກົາຫລີ 9.332 ຄົນ.

     ສ່ວນຄະນະກຳມະການສຸຂະພາບແຫ່ງຊາດຂອງຈີນ (NHC) ຖະແຫລງໃນວັນທີ 28 ມີນາວ່າ: ຂໍ້ມູນວັນທີ 27 ມີນາ ມີຜູ້ຕິດເຊື້ອໂຄວິດ-19 ເພີ່ມຂຶ້ນອີກ 54 ຄົນ ໂດຍທັງໝົດເປັນການຕິດເຊື້ອຈາກຕ່າງປະເທດ ໂດຍຈີນບໍ່ພົບຜູ້ຕິດເຊື້ອຈາກການແຜ່ລະບາດພາຍໃນປະເທດ.

ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ - Wave100S AD to Website 2020 0 - ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ

    ສຳລັບຈຳນວນລວມຜູ້ຕິດເຊື້ອທັງໝົດຢູ່ຈີນມີ 81.394 ຄົນ ໂດຍເປັນຈຳນວນລວມຜູ້ຕິດເຊື້ອຈາກຕ່າງປະເທດທັງໝົດ 649 ຄົນ ແລະ ລວມທັງຜູ້ປ່ວຍຈຳນວນ 3.128 ຄົນທີ່ກຳລັງຢູ່ລະຫວ່າງການປິ່ນປົວ. ຂະນະທີ່ຈຳນວນຜູ້ປ່ວຍທີ່ໄດ້ຮັບອະນຸຍາດໃຫ້ອອກຈາກໂຮງໝໍຫລັງຈາກມີອາການດີຂຶ້ນແລ້ວນັ້ນມີ 74.971 ຄົນ.

    ເຖິງຢ່າງໃດກໍຕາມ, ສ່ວນຜູ້ເສຍຊີວິດຈາກໂຄວິດ-19 ຢູ່ຈີນ ເພີ່ມຂຶ້ນ 3 ຄົນ ສົ່ງຜົນໃຫ້ຈຳນວນລວມຜູ້ເສຍຊີວິດປັດຈຸບັນມີ 3.295 ຄົນ ໂດຍຜູ້ເສຍຊີວິດຄົນໃໝ່ທັງໝົດຢູ່ມົນທົນຫູເປີຍ.

ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ - lattana 1 - ທົ່ວໂລກຕິດເຊື້ອ ‘ໂຄວິດ-19’ ສູງເຖິງ 597.267 ຄົນ
error: Alert: Content is protected !!