‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘N95’ ໃຊ້ໃໝ່ໄດ້

‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘n95’ ໃຊ້ໃໝ່ໄດ້ - 286 - ‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘N95’ ໃຊ້ໃໝ່ໄດ້
‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘n95’ ໃຊ້ໃໝ່ໄດ້ - AGL banner - ‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘N95’ ໃຊ້ໃໝ່ໄດ້

     ນັກວິໄຈຫ້ອງແລັບ Duke Regional Biocontainment ຂອງມະຫາວິທະຍາໄລດຸກ ສະຫະລັດອາເມລິກາ ໄດ້ພັດທະນາວິທີເຮັດຄວາມສະອາດຜ້າອັດປາກລຸ້ນ N95 ໂດຍບໍ່ເຮັດໃຫ້ເສຍຫາຍ ເພື່ອໃຫ້ບຸກຄະລາກອນການແພດສາມາດນຳກັບໄປໃຊ້ໃໝ່ໄດ້ຫລາຍຄັ້ງ ເຊິ່ງຈະຊ່ວຍບັນເທົາຄວາມກັງວົນໃຫ້ແກ່ໂຮງໝໍທີ່ອຸປະກອນປ້ອງກັນຮັບເຊື້ອຈາກຄົນໄຂ້ເຫລືອໜ້ອຍ ທ່າມກາງສະຖານະການການແຜ່ລະບາດຂອງໄວຣັສໂຄໂຣນາສາຍພັນໃໝ່ທີ່ຍັງຮຸນແຮງຢູ່ອາເມລິກາ.

    ທ່ານ ເວນ ໂທມານ ຜູ້ອຳນວຍການສຳນັກງານອາຊີວະ ແລະ ຄວາມປອດໄພສິ່ງແວດລ້ອມ ມະຫາວິທະຍາດຸກ ກ່າວວ່າ: ນັກວິໄຈໃຊ້ອາຍລະເຫີຍຂອງໄຮໂດຣເຈນເປີອອກໄຊຂ້າເຊື້ອຜ້າອັດປາກ N95 ແບບດຽວກັບການຂ້າເຊື້ອອຸປະກອນໃນຫ້ອງແລັບທີ່ເຮັດມາຫລາຍສິບປີ ພຽງແຕ່ບໍ່ເຄີຍຄິດວ່າຈຳເປັນຕ້ອງໃຊ້ກັບຜ້າອັດປາກທີ່ໃນຍາມປົກກະຕິແລ້ວບໍ່ຄວນໃຊ້ຊ້ຳ.

      ການຂ້າເຊື້ອຈຳເປັນຕ້ອງໃຊ້ເຄື່ອງມືພິເສດໃນຫ້ອງປິດເພື່ອຄວບຄຸມສານໄຮໂດຣເຈນເປີອອກໄຊ ນັກວິໄຈໄດ້ທຳຄວາມສະອາດຜ້າອັດປາກຢູ່ໂຮງໝໍ ດຸກ ເຮລ ໄດ້ເຖິງ 500 ອັນໃນໜຶ່ງຮອບ ຫລື ໃຊ້ເວລາ 4 ຊົ່ວໂມງ ແລະ ກຳລັງເພີ່ມປະສິດທິພາບໃຫ້ຫລາຍຂຶ້ນອີກ.

‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘n95’ ໃຊ້ໃໝ່ໄດ້ - Wave100S AD to Website 2020 0 - ‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘N95’ ໃຊ້ໃໝ່ໄດ້

    ກ່ອນໜ້ານີ້ ເຄີຍມີຜົນວິໄຈພົບວ່າ: ຜ້າອັດປາກ N95 ອາດນຳມາໃຊ້ຊ້ຳໄດ້ຫລັງຂ້າເຊື້ອ 30-50 ຄັ້ງ ແຕ່ ໂທມານ ແລະ ທີມງານກຳລັງຕີລາຄາວ່າ: ໃຊ້ໄດ້ພຽງໃດຫລັງຮັກສາຜູ້ປ່ວຍຕິດໄວຣັສໂຄໂຣນາສາຍພັນໃໝ່ ແຕ່ບໍ່ອາດຈະເຖິງ 30 ຄັ້ງ. ນັກວິໄຈກ່າວວ່າ: ໜ້າອັດປາກຊະນິດນີ້ທົນຂະບວນການຂ້າເຊື້ອໄດ້ດີ. ດັ່ງນັ້ນ ຈຶ່ງບໍ່ໄດ້ສ້າງຄວາມເສຍຫາຍ ຫລື ຫລຸດປະສິດທິພາບລົງ. ທັງນີ້ກ່ອນນຳກັບໄປໃຊ້ໃໝ່ ທີມງານຈະກວດສອບການຈີກຂາດກ່ອນເພື່ອໃຫ້ແນ່ໃຈວ່າບໍ່ເສຍຮູບຊົງ ແລະ ຍັງໃສ່ໄດ້ແໜບສະໜິດໃບໜ້າ.

‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘n95’ ໃຊ້ໃໝ່ໄດ້ - lattana 1 - ‘ນັກວິໄຈອາເມລິກາ’ ແນະນຳຂ້າເຊື້ອຜ້າອັດປາກ ‘N95’ ໃຊ້ໃໝ່ໄດ້
error: Alert: Content is protected !!