ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້

ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້ - 11 10 - ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້
ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້ - AGL banner - ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້

ເພື່ອອໍານວຍຄວາມສະດວກທາງດ້ານການຄ້າໃຫ້ມີຄວາມກະທັດຮັດໃນໄລຍະມີເຫດສຸກເສີນ. ກົມພາສີ ຈິ່ງໄດ້ອອກຂໍ້ຕົກລົງ ມອບສິດໃຫ້ຫົວໜ້າດ່ານພາສີສາກົນ ພິຈາລະນາອອກໃບແຈ້ງພາສີຄໍ້າປະກັນ (IM8) ເພື່ອອະນຸຍາດໃຫ້ນໍາເຂົ້າສິນຄ້າ, ເຄື່ອງຂອງອອກຈາກສາງ ຫລື ດ່ານພາສີ ກ່ອນການແຈ້ງພາສີເປັນລາຍລະອຽດໄດ້, ໂດຍສະເພາະໃນສະພາບການລະບາດຂອງພະຍາດໂຄວິດ-19 ນີ້, ຕາມຂໍ້ຕົກລົງ ເລກທີ 01446/ກພສ, ລົງວັນທີ 13 ມີນາ 2020 ແຕ່ ຕ້ອງໄດ້ຮັບການອະນຸຍາດ ຫລື ຢັ້ງຢືນຂອງຂະແໜງການລັດທີ່ກ່ຽວຂ້ອງ ເສຍກ່ອນ ແລະ ຕາມມາດຕາ 27 ຂອງກົດໝາຍພາສີ, ເຊິ່ງປະເພດສິນຄ້າທີ່ສາມາດເອົາອອກຈາກສາງ ແລະ ດ່ານພາສີ ກ່ອນການແຈ້ງພາສີນັ້ນ ແມ່ນມີ 2 ປະເພດຫລັກ ຄື: ການນໍາເຂົ້າວັດຖຸດິບ ແລະອຸປະກອນອື່ນໆ ມາຮັບໃຊ້ການຜະລິດ ເປັນອັນຮີບດ່ວນ ຂອງບັນດາວິສາຫະກິດລົງທຶນ ທີ່ໄດ້ມີໜັງສືຢັ້ງຢືນຈາກຂະແໜງແຜນການ ແລະ ການລົງທຶນຂັ້ນສູນກາງ ຫລື ທ້ອງຖີ່ນ ແລະ ການນໍາເຂົ້າອຸປະກອນຮັບໃຊ້ທາງການແພດ ເຊັ່ນ: ວັກແຊງ, ນໍ້າຢາວິເຄາະ, ເຄື່ອງມືການແພດ, ການນໍາເຂົ້າເຄື່ອງອຸປະໂພກ-ບໍລິໂພກ, ວັດຖຸອຸປະກອນ ແລະ ເຄື່ອງຮັບໃຊ້ໃນໄລຍະສຸກເສີນທີ່ເກີດຂຶ້ນຈາກໄພພິບັດຕ່າງໆ; ການນໍາເຂົ້າສັດທີ່ມີຊີວິດ, ສິນຄ້າບູດເນົ່າໄວ ແລະ ສິນຄ້າທີ່ເກັບໃນອຸນນະພູມສະເພາະ.

ຫົວໜ້າກອງຄຸ້ມຄອງພາສີ ຈະພິຈາລະນາອະນຸຍາດໃຫ້ດ່ານພາສີສາກົນ ອອກໃບແຈ້ງພາສີຄໍ້າປະກັນ (IM8) ໃຫ້ແກ່ ການນໍາເຂົ້າສິນຄ້າ, ເຄື່ອງຂອງທີ່ນໍາເຂົ້າມາເພື່ອງານວາງສະແດງ ແລະ ຈໍາໜ່າຍສິນຄ້າ, ການນໍາເຂົ້າວັດຖຸອຸປະກອນ, ເຄື່ອງມືສ້ອມແປງ ແລະ ການສໍາຫລວດອອກແບບ. ສໍາລັບດ່ານນໍາເຂົ້າສິນຄ້າ ແລະ ເຄື່ອງຂອງ ທີ່ບໍ່ນອນໃນປະເພດສິນຄ້າທີ່ກ່າວມານັ້ນ ແມ່ນກົມພາສີເປັນຜູ້ພິຈາລະນາ ອະນຸມັດ ຕາມກົດໝາຍ ແລະ ລະບຽບການ.

ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້ - Wave100S AD to Website 2020 0 - ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້
ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້ - lattana 1 - ໄລຍະສຸກເສີນ ລາວອະນຸຍາດໃຫ້ເອົາສິນຄ້າອອກຈາກສາງ ຫລື ດ່ານພາສີ ກ່ອນແຈ້ງພາສີໄດ້
error: Alert: Content is protected !!