ເຜີຍພາບໃໝ່ເດັກນ້ອຍຜູ້ຊາຍຊາວຊີຣີ ທີ່ຖືກລະເບີດເຊົາດີແລ້ວ

- advert banner 728 90 728x90 - ເຜີຍພາບໃໝ່ເດັກນ້ອຍຜູ້ຊາຍຊາວຊີຣີ ທີ່ຖືກລະເບີດເຊົາດີແລ້ວ
- 96376095  90848482 mediaitem90848481 - ເຜີຍພາບໃໝ່ເດັກນ້ອຍຜູ້ຊາຍຊາວຊີຣີ ທີ່ຖືກລະເບີດເຊົາດີແລ້ວ
ເດັກຊາຍ ອອມຣານ ນັ່ງຢູ່ໃນລົດໂຮງໝໍ ເຮັດໃຫ້ທົ່ວໂລກອອກມາສະແດງຄວາມເຫັນໃຈ

ນັກ​ຂ່າວ​​ໄດ້​ເຜີຍ​ແຜ່​ພາບ​ຫລ້າ​ສຸດ​ຂອງ​ທ້າວ ອອມຣານ ດັດ​ນີ ຊາວ​ຊີຣີທີ່​ກາຍ​ເປັນ​ສັນຍາ​ລັກ​ຂອງ​ປະຊາຊົນ​ຜູ້​ຕ້ອງ​ຮັບ​ເຄາະ​ຮ້າຍ​ຈາ​ກການ​ສູ້​ຮົບ​ຢູ່​ເມືອງ​ອາ​ເລັບ​ໂປ​ໃນ​ປີຜ່ານມາ. ພໍ່​ຂອງ​ເດັກ​ລະບຸ​ວ່າ: ລູກ​ຊາຍ​ຖືກ​ໃຊ້​ເປັນ​ເຄື່ອງມື​ໂຄສະນາ​ຊວນ​ເຊື່ອ.

- new3 - ເຜີຍພາບໃໝ່ເດັກນ້ອຍຜູ້ຊາຍຊາວຊີຣີ ທີ່ຖືກລະເບີດເຊົາດີແລ້ວ

ກ່ອນ​ໜ້າ​ນີ້​ມີ​ລາຍ​ງານ​ວ່າ: ນັກ​ປຸກລະດົມ​ສິດທິ​ມະນຸດ​ຖ່າຍ​ຮູບ​ຂອງ​ ອອມ​ຣານ ​ເອົາ​ໄວ້​ໄດ້ ພາຍຫລັງ​ການ​ໂຈມ​ຕີ​ທາງ​ອາກາດ​ຢູ່​ເຂດ​ຂອງ​ຝ່າຍ​ກະບົດ​ໃນ​ຊີຣີ ​ເຊິ່ງ​ເຮັດ​ໃຫ້​ອ້າຍ​ຂອງ​ລາວ​ເສຍ​ຊີວິດ. ຂະນະ​ນັ້ນ​ເດັກນ້ອຍ​ຢູ່​ໃນ​ສະພາບ​ໄດ້​ຮັບ​ບາດ​ເຈັບ, ມີ​ເລືອດ​ອອກ ​ແລະ ກຳລັງ​ງົງກັບ​ເຫດການ.

​ແຕ່​ໃນ​ວັນ​ທີ 4 ມິຖຸນາ​ນີ້, ມີ​ນັກ​ຂ່າວ​ໄປ​ຖ່າຍຮູບ​ກັບ​ເດັກ​ຢູ່​ເຮືອນ​ຫລັງ​ໃໝ່​ໃນ​ເມືອງ​ອາ​ເລັບ​ໂປ ​ເຊິ່ງປັດຈຸບັນ​ນີ້​ຢູ່​ພາຍ​ໃຕ້​ການ​ຄວບ​ຄຸມ​ຂອງ​ລັດຖະບານ​ຊີຣີ​ແລ້ວ ​ແລະ ​ໃນ​ການ​ສຳພາດ​ກັບ​ນັກ​ຂ່າວ​ທີ່​ສະໜັບສະໜູນ​ລັດຖະບານ ພໍ່​ຂອງ​ເດັກ​ຊາຍ ອອມຣານ ກ່າວ​ວ່າ​ລາວ​ຖືກ​ໃຊ້​ເປັນ​ເຄື່ອງມື​ໂຄສະນາ​ຊວນ​ເຊື່ອ.

 

+ ສົງຄາມຢູ່ຊີຣີດຳເນີນມາ 6 ປີ ເຮັດໃຫ້ມີຜູ້ເສຍຊີວິດແລ້ວ 320.000 ຄົນ

+ ຣັດເຊຍສັ່ງເຮືອຮົບຍິງລູກສອນໄຟຖະຫລົ່ມ IS ຢູ່ຊີຣີ

+ ເຫຍື່ອລະເບີດຂະບວນລົດຜູ້ອົບພະຍົບຊີຣີ ຕາຍເພີ່ມເປັນ 126 ຄົນ ເປັນເດັກເຖິງ 68

 

- lattana 1 - ເຜີຍພາບໃໝ່ເດັກນ້ອຍຜູ້ຊາຍຊາວຊີຣີ ທີ່ຖືກລະເບີດເຊົາດີແລ້ວ

ທ່ານ ​ໂມ​ຮຳ​ເໝັດ ດັດ​ນີ ກ່າວ​ກັບ​ນັກ​ຂ່າວ​ຂອງ​ສະຖານີ​ໂທລະພາບ​ອັດ ອາ​ລຳ ທີ​ວີ ວ່າ: ກຸ່ມ​ຕໍ່ຕ້ານ​ລັດຖະບານ​ຊີຣີ ​ແລະ ສື່​ຕ່າງປະ​ເທດ​ຕ້ອງການ​ໃຊ້​ພາບ​ຂອງ​ ອອມຣານ ​ໂຈມ​ຕີ​ປະທານາທິບໍດີ ບາ​ຊາ ອານ ອັດ​ຊັດ.

ທ່ານ ດັດ​ນີ ​ເລົ່າ​ເຫດການ​ໃນ​ວັນນັ້ນວ່າ: ລາວ​ນັ່ງ​ຢູ່​ກັບ​ລູກ​ຊາຍ​ອາຍຸ 5 ປີ ຂະນະ​ທີ່​ເຮືອນ​ຖືກ​ຖິ້ມລະ​ເບີດ​ໃສ່​​ໃນ​ວັນ​ທີ 17 ສິງຫາ​ປີຜ່ານມາ ​ໂດຍ​ລາວ​ບໍ່​ໄດ້​ຍິນ​ສຽງ​ເຮືອບິນ​​ເລີຍ, ລູກ​ຊາຍ​ໄດ້​ຮັບ​ບາດ​ເຈັບ​ເລັກ​ໜ້ອຍ ​ແລະ ​ເລືອດ​ທີ່​ເຫັນ​ຢູ່​ໃບ​ໜ້າ​ຂອງ​ລູກ ສ່ວນ​ໜຶ່ງ​ມາ​ຈາກ​ບາດ​ແຜ​ຂອງ​ລາວ​ເອງ.

- 96376094  96372964 mediaitem96366238 - ເຜີຍພາບໃໝ່ເດັກນ້ອຍຜູ້ຊາຍຊາວຊີຣີ ທີ່ຖືກລະເບີດເຊົາດີແລ້ວ
ທ່ານ ກາລິດ ອິສເຄຟ ນັກຂ່າວ ຖ່າຍຮູບກັບເດັກຊາຍ ອອມຣານ ດັດນີ (ຄົນທີ 2 ຈາກຊ້າຍ) ແລະ ຄອບຄົວ

ທ່ານ ດັດນີ ກ່າວ​ວ່າ: ຂະນະ​ທີ່​ລາວ​ຫັນ​ໄປ​ຄົ້ນຫາ​ລູກ​ອາຍຸ 3 ປີີອີກ​ຄົນ​ໜຶ່ງ ທ່າມກາງ​ຊາກ​ເຮືອນ​ທີ່​ຖືກ​ລະ​ເບີດ ມີ​ຜູ້​ຊາຍ​ທີ່​ຖື​ອາວຸດ​ເອົາ​ລູກ​ຊາຍ​ໄປ​ສົ່ງ​ໃຫ້​ເຈົ້າໜ້າ​ທີ່​ຂອງ​ລົດ​ໂຮງໝໍ​ທີ່​ຈອດ​ຢູ່​ນອກ​ເຮືອນ. ຈາກ​ນັ້ນກໍ​ເລີ່​ມຖ່າຍ​ພາບ​ຂອງ​ເດັກນ້ອຍ ​ແລະ ນຳ​ເດັກ​ໄປ​ສົ່ງ​ໂຮງໝໍ ທັງ​ທີ່​ບໍ່​ມີ​ຄວາມ​ຈຳ​ເປັນ.

ພາບວີ​ດີ​ໂອ ຕອນ​ທີ່​ ອອມຣານ ຖືກ​ຜູ້​ຊາຍ​ຄົນ​ໜຶ່ງ​ທີ່​ບໍ່​ມີ​ອາວຸດ ​ແລະ ຄື​ເປັນ​ເຈົ້າໜ້າ​ທີ່​ກູ້​ໄພ​ອຸ້ມ​ອອກ​ໄປ​ຈາກ​ອາຄານ​ທີ່​ໄດ້​ຮັບ​ຄວາມ​ເສຍ​ຫາຍ ​ແລະ ນັ່ງ​ຖ້າ​ຢູ່​ໃນ​ລົດ​ໂຮງໝໍ​ນັ້ນ ຖ່າຍ​ໂດຍ​ສູນ​ສື່​ອາ​ເລັບ​ໂປ ຫລື AMC ​ເຊິ່ງສະໜັບສະໜູນ​ຝ່າຍ​ກະບົດ ພ້ອມ​ກັບ​ລາຍ​ງານ​ວ່າ​ເຮືອບິນ​ຮົບຣັດ​ເຊຍ​ໄດ້​ໂຈມ​ຕີ​ທາງ​ອາກາດ​ໃນ​ເຂດ​ກາ​ເຕຈີ.

- 96376096  90848484 mediaitem90848483 - ເຜີຍພາບໃໝ່ເດັກນ້ອຍຜູ້ຊາຍຊາວຊີຣີ ທີ່ຖືກລະເບີດເຊົາດີແລ້ວ
ເຮືອນຂອງເດັກຊາຍ ອອມຣານ ດັດນີ ຖືກທຳລາຍ

ສ່ວນ​ແພດ​ຢູ່​ໂຮງໝໍ ​ເຊິ່ງ ອອມຣານ ຖືກ​ສົ່ງ​ໄປ​ປິ່ນປົວ ກ່າວ​ກັບ BBC ວ່າ: ​ໃນ​ຕອນ​ນັ້ນ ​ເດັກ​ມີ​ບາດ​ແຜ​ຢູ່​ຫົວ ​ເຊິ່ງຕ້ອງ​ຫຍິບ​ປິດ ​ແລະ ຢູ່​ໃນ​ອາການ​ຊັອກ.

​ໃນ​ລະຫວ່າງ​ທີ່​ກອງ​ກຳລັງ​ຂອງ​ລັດຖະບານ​ຊີຣີ​ເຂົ້າຍຶດພື້ນທີ່​ທາງ​ຕາ​ເວັນ​ອອກ​ຂອງ​ເມືອງ​ອາ​ເລັບ​ໂປ​​ໃນ​ປີ​ກ່ອນ ມີ​ລາຍ​ງານ​ວ່າ​ທ່ານ ດັດ​ນີ ​ແລະ ຄອບຄົວ​ເລືອກ​ຂ້າມ​ເຂົ້າ​ໄປ​ພື້ນທີ່​ຄວບ​ຄຸມ​ຂອງ​ລັດຖະບານ ພ້ອມ​ກັບ​ປະຊາຊົນ​ຄົນ​ອື່ນໆ​ອີກ​ນັບ​ພັນ ​ແທນ​ທີ່​ຈະ​ອົບ​ພະຍົບ​ໄປ​ເມືອງ​ອິດ​ລິບ ​ເຊິ່ງ​ເປັນ​ພື້ນທີ່​ຂອງ​ຝ່າຍ​ກະບົດ.

error: Content is protected !!