ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19

ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19 - 324eadb6 bd13 4ae8 bae9 6b11bcfb1bcf - ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19
ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19 - Untitled design - ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19

ວັນທີ 29 ມີນາ ນີ້, ທ່ານ ນາຍົກລະຖະມົນຕີ ໄດ້ອອກຄຳສັ່ງໃຫ້ທົ່ວສັງຄົມປະຕິບັດມາດຕະການສະກັດກັ້ນ, ກັນການລະບາດ, ຄວບຄຸມ ແລະ ກຽມພ້ອມຮອບດ້ານ ເພື່ອຕ້ານພະຍາດໂຄວິດ-19 ຢ່າງເຂັ້ມງວດ, ໂດຍຄຳສັ່ງດັ່ງກ່າວລະບຸວ່າ: ໃຫ້ພະນັກງານ, ລັດຖະກອນ ຢຸດການເຮັດວຽກຢູ່ຫ້ອງການ ແຕ່ວັນທີ 1-11 ເມສາ ແລະ ສືບຕໍ່ພັກບຸນປີໃໝ່ລາວ ຮອດວັນທີ 19 ເມສາ ນີ້, ຍົກເວັ້ນທະຫານ, ຕຳຫລວດ, ເຈົ້າໜ້າທີ່ດັບເພີງ, ພະນັກງານຮັບຜິດຊອບລະບົບບໍລິການໄຟຟ້າ, ນ້ຳປະປາ ແລະ ການສື່ສານ, ແພດໝໍ, ອາສາສະໝັກ, ພະນັກງານລັດຖະກອນ ຜູ້ທີ່ໄດ້ຮັບມອບໝາຍໃຫ້ປະຈຳການ ແລະ ຜູ້ທີ່ເຮັດວຽກສະກັດກັ້ນ, ກັນການລະບາດ, ຄວບຄຸມ ແລະ ປິ່ນປົວຜູ້ຕິດເຊື້ອພະຍາດ, ໃຫ້ກະຊວງ, ອົງການຂັ້ນສູນກາງ ແລະ ອົງການປົກຄອງທ້ອງຖິ່ນ ໃນຂອບເຂດທົ່ວປະເທດ ຈັດຕັ້ງ ແລະ ແນະນຳພະນັກງານທີ່ຢູ່ໃນຄວາມຮັບຜິດຊອບຂອງຕົນ ເຮັດວຽກທາງລັດຖະການ ຢູ່ເຮືອນ ຫລື ທີ່ພັກອາໄສ ຜ່ານລະບົບການສື່ສານ, ອີເລັກໂຕຣນິກ ແລະ ເຄື່ອຂ່າຍອິນເຕີເນັດ, ຫ້າມປະຊາຊົນ, ພະນັກງານ, ລັດຖະກອນ, ທະຫານ, ຕຳຫລວດ, ກຳມະກອນ, ນັກຮຽນ, ນັກສຶກສາ, ຜູ້ປະກອບການ, ຊາວຕ່າງດ້າວ, ຜູ້ບໍ່ມີສັນຊາດ ລະ ຊາວຕ່າງປະເທດ ທີ່ຢູ່ ສປປ ລາວ ອອກຈາກເຮືອນ ຫລື ທີ່ພັກອາໃສຂອງຕົນ, ຍົກເວັ້ນກໍລະນີທີ່ຈຳເປັນເຊັ່ນ: ໄປຊື້ເຄື່ອງອຸປະໂພກ-ບໍລິໂພກ, ໄປໂຮງໝໍ, ຫ້າມບຸກຄົນເດີນທາງໄປທ້ອງຖິ່ນອື່ນ ຫລື ເຂດທີ່ມີການຕິດເຊື້ອ ຫລື ເຂດທີ່ມີຄວາມສ່ຽງ, ຍົກເວັ້ນຜູ້ທີ່ໄດ້ຮັບອະນຸຍາດຈາກອົງການປົກຄອງທ້ອງຖິ່ນກ່ຽວຂ້ອງຍ້ອນເຫດຜົນຈຳເປັນເຊັ່ນ: ຂົນສົ່ງສິນຄ້າ, ໄປໂຮງໝໍ ແຕ່ໃຫ້ຂະແຫນງສາທາລະນະສຸກ ແລະ ເຈົ້າໜ້າທີ່ກ່ຽວຂ້ອງຕັ້ງດ່ານກວດກາສຸຂະພາບ, ໃຫ້ສືບຕໍ່ປິດກິດຈະການຮ້ານບັນເທີງ, ຮ້ານຄາລາໂອເກະ, ຮ້ານເບຍ, ຮ້ານບໍລິການນວດ ແລະ ສະປາທຸກປະເພດ, ສະຖານທີ່ອອກກຳລັງກາຍ ແລະ ຫລີ້ນກິລາ, ຕະຫລາດກາງຄືນ, ພ້ອມກັນນີ້, ກໍໃຫ້ປິດໂຮງງານຕັດຫຍິບ, ໂຮງງານອື່ນໆ ແລະ ບັນດາໂຄງການໃຫຍ່ທີ່ມີຄວາມສ່ຽງໃນການລະບາດ, ຍົກເວັ້ນ ໂຮງງານຜະລິດສິນຄ້າບໍລິໂພກ, ຢາປົວພະຍາດ, ເຄື່ອງປ້ອງກັນການລະບາດ ແລະ ອຸປະກອນການແພດ, ໃຫ້ຜູ້ປະກອບການຂອງບັນດາໂຮງງານທີ່ປິດ ມີການຄຸ້ມຄອງແຮງງານໃຫ້ພັກຢູ່ ທີ່ພັກຂອງຕົນ ແລະ ປະຕິບັດນະໂຍບາຍສະຫວັດດີການ ໃຫ້ແກ່ໂຮງງານເຫລົ່ານນັ້ນໃນໄລຍະພັກວຽກ, ສຳລັບວຽກທີ່ຈະຕ້ອງສຸມໃສ່ປະຕິບັດໃຫ້ສຳເລັດໃນໄລຍະຈັດຕັ້ງປະຕິບັດຄຳສັ່ງສະບັບນີ້ມີຄື: ເພີ່ມຈຳນວນ ແລະ ຝຶກຊ້ອມບຸກຄະລາກອນທາງການແພດ, ອາສາສະໝັກ, ທະຫານ, ຕຳຫລວດ ແລະ ເຈົ້າໜ້າທີ່ກ່ຽວຂ້ອງ, ສ້າງແຜນ, ຂັ້ນຕອນ ແລະ ລະບົບໃນການດຳເນີນການກວດຫາຜູ້ສົງໄສຕິດເຊື້ອ ເພື່ອກັກກັນ, ແຍກປ່ຽວ ແລະ ປິ່ນປົວໃນກໍລະນີພົບຕິດເຊື້ອ, ຈັດຫາອຸປະກອນ, ເຄື່ອງມືທາງການແພດລວມທັງ ເຄື່ອງຊ່ວຍຫາຍໃຈ, ຢາປົວພະຍາດ ແລະ ເຄື່ອງປ້ອງກັນການຕິດເຊື້ອ ເພື່ອກັນການລະບາດ ແລະ ກວດຫາຜູ້ຕິດເຊື້ອ, ດຳເນີນການປັບປຸງສະຖານທີ່ ທີ່ໄດ້ກຳນົດໃຫ້ມີຄວາມພ້ອມໃນການກັກກັນ, ແຍກປ່ຽວ ແລະ ປິ່ນປົວ, ສ້າງແຜນງົບປະມານ ເພື່ອຈັດຕັ້ງປະຕິບັດບັນດາວຽກງານທີ່ໄດ້ກຳນົດ ໃຫ້ມີປະສິດທິພາບ ແລະ ປະສິດທິຜົນ, ປະສານສົມທົບກັບພາກສ່ວນກ່ຽວຂ້ອງ ທັງພາຍໃນ ແລະ ຕ່າງປະເທດເພື່ອລະດົມການຊ່ວຍເຫລືອໃນດ້ານຕ່າງໆ ທີ່ຈຳເປັນ ເປັນຕົ້ນແມ່ນຊ່ຽວຊານ, ແພດໝໍ, ເຄື່ອງມືທາງການແພດ, ອຸປະກອນປ້ອງກັນການຕິດເຊື້ອ, ຊຸດກວດຫາເຊື້ອ, ຢາປົວພະຍາດ, ທຶນຮອນ ແລະ ດ້ານອື່ນໆທີ່ຈຳເປັນ.

ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19 - Wave100S AD to Website 2020 0 - ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19
ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19 - WhatsApp Image 2020 05 27 at 5 - ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19
ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19 - WhatsApp Image 2020 05 27 at 5 - ນາຍົກອອກຄຳສັ່ງເພີ່ມທະວີມາດຕະການສະກັດກັ້ນ ແລະ ຕ້ານພະຍາດໂຄວິດ-19
error: Alert: ເນື້ອຫາຂ່າວມີລິຂະສິດ !!