ວິທີຫລຸດອາການຢາກກິນຫລາຍໃນໄລຍະເປັນປະຈຳເດືອນ

- advert banner 728 90 728x90 - ວິທີຫລຸດອາການຢາກກິນຫລາຍໃນໄລຍະເປັນປະຈຳເດືອນ
  1. ຫລຸດປະລິມານກາເຟອີນ : ກາເຟອີນທີ່ຢູ່ໃນກາເຟ, ຊາ ແລະ ນຳ້ອັນລົມ ຫລື ເຄື່ອງດື່ມອື່ນໆອີກຫລວງຫລາຍ ເປັນສາເຫດທີ່ເຮັດໃຫ້ຢາກອາຫານຈົນຜິດປົກກະຕິໃນໄລຍະເປັນປະຈຳເດືອນ, ເຮັດໃຫ້ກະວົນກະວາຍ ຖ້າບໍ່ໄດ້ກິນກໍຈະໝຸດໝັດ ເມື່ອໝຸດໝັດກໍເຄັ່ງຄຽດ ແລະ ສົ່ງຜົນເຮັດໃຫ້ປະຈຳເດືອນຜິດປົກກະຕິສົ່ງຜົນຮ້າຍໃຫ້ກາຍເປັນຕ່ອງໂສ້.
  2. ນອນຫລັບ : ການນອນຫລັບພັກຜ່ອນໃຫ້ພຽງພໍຈະຊ່ວຍໃຫ້ອາການຢາກອາຫານຈົນຜິດປົກກະຕິໄລຍະເປັນປະຈຳເດືອນ ຫລຸດລົງໄດ້ ທັງຊ່ວຍຟື້ນຟູຄວາມຈື່ຈຳ, ຊ່ວຍໃນການຄວບຄຸມນຳ້ໜັກ ແລະ ຊ່ວຍໃຫ້ອາຍຸຍືນຂຶ້ນນຳອີກ. ດັ່ງນັ້ນ, ຫາກທ່ານຮູ້ວ່າໃນໄລຍະເປັນປະຈຳເດືອນຕ້ອງຮູ້ສຶກຫິວຕອນເດິກກໍປ່ຽນມາເຂົ້ານອນໃຫ້ໄວຂຶ້ນ.
  3. ບໍ່ເຄັ່ງຄຽດ : ຄວາມເຄັ່ງຄຽດຈະເຮັດໃຫ້ທ່ານກິນອາຫານຫລາຍຈົນຜິດປົກກະຕິ ບໍ່ສະເພາະແຕ່ຍາມເປັນປະຈຳເດືອນເທົ່ານັ້ນ.
  4. ດື່ມນຳ້ຫລາຍໆ : ໄລຍະເປັນປະຈຳເດືອນ ນຳ້ເປັນສິ່ງທີ່ບໍ່ຄວນຂາດ ເພາະຫາກທ່ານຂາດນຳ້ໃນໄລຍະນີ້ຈະເຮັດໃຫ້ລະບົບຂັບຖ່າຍມີບັນຫາ, ຖ່າຍຍາກ, ຍື່ງທ້ອງ. ສະນັ້ນ ຄວນດື່ມນຳ້ຫລາຍຂຶ້ນ ຈາກປົກກະຕິແມ່ນ 8 – 10 ຈອກຕໍ່ມື້.
  5. ອອກກຳລັງກາຍ : ຈະຊ່ວຍໃຫ້ຮູ້ສຶກຫິວໜ້ອຍລົງ, ຫລຸດອາການເຄັ່ງຄຽດ ແລະ ເຮັດໃຫ້ອາລົມດີຂຶ້ນໄດ້, ແຕ່ບໍ່ຄວນອອກກຳລັງກາຍໜັກຈົນເກີນໄປ ກໍຈະຊ່ວຍເຜົາຜານກາລໍຣີໄດ້ຫລາຍຂຶ້ນ.
  6. ຈັດສັນອາຫານໃໝ່ : ກິນເຂົ້າມື້ລະຫລາຍໆຄາບ, ແຕ່ໃຫ້ກິນຄາບລະໜ້ອຍໆ ວິທີນີ້ຈະເຮັດໃຫ້ບໍ່ກະວົນກະວາຍໄປກັບຄວາມຫິວ ທັງຍັງຊ່ວຍໃຫ້ບໍ່ກິນຫລາຍເກີນໄປນຳອີກ.
  7. ກິນອາຫານຄາໂບໄຮເດຣດເຊີງຊ້ອນແທນເຂົ້າໜົມ : ທ່ານສາມາດຄວບຄຸມຄວາມຫິວຫລາຍໃນໄລຍະນີ້ໂດຍເລືອກອາຫານທີ່ມີຄາໂບໄຮເດຣດເຊີງຊ້ອນ ເຊັ່ນ : ເຂົ້າເບລ, ທັນຍາພືດ, ເຂົ້າເໝົ້າ, ເຂົ້າກໍ່າ, ໝາກສາລີ, ແປ້ງສາລີ, ມັນ, ເຜືອກ, ໝາກອຶ ເພາະອາຫານເຫລົ່ານີ້ຈະຊ່ວຍໃຫ້ຮູ້ສຶກອີ່ມ ແລະ ຢູ່ທ້ອງ ພ້ອມທັງຫລຸດຄວາມຢາກອາຫານຫລາຍໆລົງໄດ້.
- 1 1 - ວິທີຫລຸດອາການຢາກກິນຫລາຍໃນໄລຍະເປັນປະຈຳເດືອນ
- Tiger Head 728x90 - ວິທີຫລຸດອາການຢາກກິນຫລາຍໃນໄລຍະເປັນປະຈຳເດືອນ
error: Content is protected !!