ຢ່າປ່ອຍໃຫ້ບ່ອນນອນທຳລາຍສຸຂະພາບ

- advert banner 728 90 728x90 - ຢ່າປ່ອຍໃຫ້ບ່ອນນອນທຳລາຍສຸຂະພາບ

ບ່ອນນອນເປັນບ່ອນພັກຜ່ອນທີ່ແສນສະບາຍຂອງເຮົາ, ແຕ່ຖ້າເຮົາບໍ່ເບິ່ງແຍງຮັກສາບ່ອນນອນໃຫ້ດີ ກໍອາດຈະກາຍເປັນບ່ອນອັນຕະລາຍທີ່ທຳລາຍສຸຂະພາບຂອງເຮົາໄດ້. ໃຜທີ່ເຮັດວຽກກັບມາເມື່ອຍໆແລ້ວມັກໂດດຂຶ້ນຕຽງ ຫລື ຕອນເຊົ້າຕື່ນແລ້ວກອງຜ້າຫົ່ມໄວ້ ຕ້ອງປ່ຽນພຶດຕິກຳແລ້ວ ເພາະວ່າທ່ານໝໍໄດ້ເຕືອນເຖິງອັນຕະລາຍທີ່ຈະເກີດຈາກການບໍ່ເອົາໃຈໃສ່ສຸຂະອະນາໄມຂອງບ່ອນນອນ.

- new3 - ຢ່າປ່ອຍໃຫ້ບ່ອນນອນທຳລາຍສຸຂະພາບ

ຖ້າບໍ່ຄ່ອຍຮັກສາຄວາມສະອາດ ບ່ອນນອນຂອງທ່ານກໍຈະເປັນແຫ່ລງລວມເຊື້ອພະຍາດ ເຊິ່ງແຊນຜິວໜັງທີ່ຕາຍແລ້ວຈະຫລຸດ ຫລົ່ນອອກຈາກຮ່າງກາຍເວລາທີ່ທ່ານນອນ ເປັນອາຫານຢ່າງດີຂອງເຊື້ອລາ ຫລື ເຊື້ອພະຍາດຜິວໜັງຕ່າງໆ. ສ່ວນຄວາມຊຸ່ມຈາກເຫື່ອກໍເປັນຕົ້ນເຫດເຮັດໃຫ້ເກີດພະຍາດຜິວໜັງບາງຊະນິດ ແລະ ເຊື້ອລານຳອີກ.

ຂີ້ຝຸ່ນ ແລະ ເຊື້ອລາຢູ່ເທິງບ່ອນນອນມັກຈະເຮັດໃຫ້ທ່ານໄອ ຫລື ຈາມເປັນປະຈຳ ເຊິ່ງເປັນອາການໜຶ່ງຂອງພະຍາດພູມແພ້, ອາດຈະມີການເຄືອງເລິກລົງໄປໃນເນື້ອເຍື່ອທໍ່ຕ່າງໆໃນລະບົບຫາຍໃຈ, ອາດມີອາການອັກເສບລຸກລາມລົງໄປເຖິງຫລອດລົມ ແລະ ປອດ.

ສ່ວນວິທີເບິ່ງແຍງຮັກສາບ່ອນນອນຢ່າງຖືກຕ້ອງປະກອບມີ :

– ທຸກເທື່ອທີ່ລຸກອອກຈາກບ່ອນນອນຕ້ອງເກັບມ້ຽນຈັດລະບຽບບ່ອນນອນໃຫ້ຮຽບຮ້ອຍເພື່ອປ້ອງກັນບໍ່ໃຫ້ມີຂີ້ຝຸ່ນຕົກລົງໄປສະສົມ.

- lattana 1 - ຢ່າປ່ອຍໃຫ້ບ່ອນນອນທຳລາຍສຸຂະພາບ

– ອາບນຳ້ໃຫ້ສະອາດກ່ອນຂຶ້ນໄປນອນເທິງບ່ອນນອນ.

– ເຮັດຄວາມສະອາດຊຸດບ່ອນນອນເປັນປະຈຳທຸກອາທິດ ເຊັ່ນ : ຜ້າປູ, ປອກໝອນ, ມຸ້ງ, ຜ້າຫົ່ມ ຕ້ອງເອົາໄປຊັກເປັນປະຈຳ.

– ເອົາຊຸດບ່ອນນອນ, ໝອນ, ຜ້າຫົ່ມໄປຕາກແດດ ແລະ ທຸບໃຫ້ ຂີ້ຝຸ່ນ ຫລື ເຊື້ອລາຫລຸດອອກ ເພື່ອເປັນການຂ້າເຊື້ອພະຍາດ.

error: Content is protected !!