ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19

ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19 - 303 - ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19
ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19 - Untitled design - ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19

    ນັກວິໄຈຝຣັ່ງເປັນໜຶ່ງໃນທີມຫລ້າສຸດທີ່ໃຊ້ຢາຕ້ານມາລາເຣຍມາທົດລອງປິ່ນປົວ ຫລັງຈາກມີການໃຊ້ໃນປະເທດຈີນ ແລະ ຕໍ່ຍອດເປັນງານວິໄຈໃນຫລາຍປະເທດ.

     ຜົນການສຶກສາທີ່ດຳເນີນໂດຍທີມນັກວິໄຈຝຣັ່ງ ນຳໂດຍທ່ານ ດິດິເຢ ຣູໂອ (Didier Raoult) ແຫ່ງ IHU-Mediterranee Infection ພົບວ່າ: ສູດການປິ່ນປົວທີ່ເປັນສ່ວນປະສົມລະຫວ່າງຢາໄຣດຣ໊ອກຊີ່ຄໍໂຣຄວິນ (Hydroxychloroquine) ກັບຢາອະຊິໂທຣໄມຊິນ (Azithromycin) ມີປະສິດທິພາບໃນການປິ່ນປົວຜູ້ປ່ວຍໂຄວິດ-19.

     ຈາກການສຶກສາຂອງນັກວິໄຈຊາວຝຣັ່ງພົບວ່າ: ຜູ້ປ່ວຍ 80 ຄົນມີອາການດີຂຶ້ນ ແລະ ຫາຍຈາກເຊື້ອໄວຣັສພາຍໃນ 6 ວັນຂອງການປິ່ນປົວດ້ວຍສູດນີ້.

    ເຖິງຢ່າງໃດກໍຕາມ, ມີຜູ້ປ່ວຍອາຍຸ 86 ປີເສຍຊີວິດ ແລະ ອີກຄົນໜຶ່ງອາຍຸ 74 ປີຍັງຢູ່ ICU ຫລັງຮັບການປິ່ນປົວດ້ວຍທາງນີ້.

    ເຖິງຢ່າງໃດກໍຕາມ ຜົນທີ່ອອກມາຖືວ່າເປັນຜົນສຳເລັດລະດັບໜຶ່ງ ແລະ ນັກວິໄຈຊາວຝຣັ່ງກ່າວໃນບົດສະຫລຸບຂອງການສຶກສາວ່າ: “ເຮົາຢືນຢັນປະສິດທິພາບຂອງໄຮດຣ໊ອກຊີ່ຄໍໂຣຄວິນຮ່ວມກັບອະຊິໂທຣໄມຊິນ ໃນການປິ່ນປົວ COVID-19 ແລະ ຍັງມີປະສິດທິພາບໃນການປິ່ນປົວການຕິດເຊື້ອໃນໄລຍະທຳອິດ”.

    ຢາໄຮດຣ໊ອກຊີ່ຄໍໂຣຄວິນ ຫລື HCQ ເປັນຢາຕ້ານມາລາເຣຍ ແລະ ຕ້ານການອັກເສບທີ່ໃຊ້ໃນການປິ່ນປົວຄວາມຜິດປົກກະຕິຂອງລະບົບພູມຄຸ້ມກັນອັດຕະໂນມັດເຊັ່ນ: ໂຣກລູປັສ ແລະ ໂຣກໄຂຂໍ້ອັກເສບຣູມາຕອຍ, ແຕ່ປະສົບຜົນສຳເລັດໃນການຕໍ່ຕ້ານອາການຂອງໂຄວິດ-19 ເຊັ່ນກັນ.

ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19 - Wave100S AD to Website 2020 0 - ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19

    ສ່ວນຢາອະຊິໂທຣໄມຊິນໃຊ້ປິ່ນປົວອາການຕິດເຊື້ອຈາກແບັກທີເຣຍເຊັ່ນ: ໂຣກປອດບວມ, ໂຣກຫລອດລົມອັກເສບ, ການຕິດເຊື້ອທາງເດີນຫາຍໃຈໃນກໍລະນີທີ່ຜູ້ປ່ວຍແພ້ຢາປະຕິຊີວະນະໃນກຸ່ມເປນິຊິລິນ.

     ນັກວິໄຈຝຣັ່ງເປັນໜຶ່ງໃນທີມຫລ້າສຸດທີ່ໃຊ້ຢາຕ້ານມາລາເຣຍມາທົດລອງປິ່ນປົວ ຫລັງຈາກມີການໃຊ້ໃນປະເທດຈີນ ແລະ ຕໍ່ຍອດເປັນງານວິໄຈໃນຫລາຍປະເທດເຊັ່ນ: ອາເມລິກາ, ການາດາ, ຣັດເຊຍ, ຝຣັ່ງ ແລະ ປະເທດອື່ນໆ.

    ໜ່ວຍງານດ້ານການແພດ ແລະ ຊີວະວິທະຍາແຫ່ງຣັດເຊຍ (FMBA) ກ່າວໃນຖະແຫລງການວ່າ: ໃຊ້ຢາເມໂຟລຄວິນ (Mefloquine) ເຊິ່ງຢາຊະນິດນີ້ເປັນຢາປິ່ນປົວມາລາເຣຍອີກສູດໜຶ່ງ ແລະ ຍັງຊ່ວຍປ້ອງກັນບໍ່ໃຫ້ໂຄວິດ-19 ເຮັດໃຫ້ຈຸລັງຕາຍ ແລະ ກັນບໍ່ໃຫ້ໄວຣັສເຮັດຊ້ຳເພີ່ມຕື່ມຕົວມັນເອງ ພວກເຂົາກ່າວອີກວ່າ: ລິດຢາຍັງຊ່ວຍປ້ອງກັນການອັກເສບທີ່ເກີດຈາກໂຣກ.

      ສ່ວນປະທານາທິບໍດີ ໂດນັລ ທຣຳ ແຫ່ງສະຫະລັດອາເມລິກາ ຍົກຍ້ອງໄຮດຣ໊ອກຊີຄໍໂຣຄວິນ ແລະ ຄໍໂຣຄວິນ ໃນຖານະຈຸດປ່ຽນສຳຄັນໃນການຕໍ່ສູ້ກັບໂຄວິດ-19.

ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19 - WhatsApp Image 2020 05 27 at 5 - ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19
ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19 - WhatsApp Image 2020 05 27 at 5 - ພົບຢາປິ່ນປົວມາລາເຣຍມີປະສິດທິພາບ ໃນການປິ່ນປົວໂຄວິດ-19
error: Alert: ເນື້ອຫາຂ່າວມີລິຂະສິດ !!