ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່

ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່ - 304 - ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່
ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່ - Untitled design - ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່

     ຜູ້ຕິດເຊື້ອໄວຣັສໂຄໂຣນາບາງຄົນໄດ້ຮັບການປິ່ນປົວຈົນຫາຍດີ, ແຕ່ເມື່ອເວລາຜ່ານໄປ ພົບວ່າກັບມາຕິດເຊື້ອອີກ ສຳລັບອາການປ່ວຍຈາກໄວຣັສໂຄໂຣນາສາຍພັນອື່ນໆເຊັ່ນ: ໄຂ້ຫວັດທຳມະດາ ຮ່າງກາຍຈະສາມາດສ້າງພູມຄຸ້ມກັນຂຶ້ນເອງ ແລ້ວໄວຣັສສາຍພັນໃໝ່ນີ້ຕ່າງຈາກສາຍພັນອື່ນໆແນວໃດ.

     ຜູ້ຊາຍອາຍຸ 70 ກວ່າປີຄົນໜຶ່ງໄດ້ຮັບການປິ່ນປົວຢູ່ໂຮງໝໍໃນນະຄອນຫລວງໂຕກຽວຈົນຫາຍດີຈາກການຕິດເຊື້ອໄວຣັສໂຄໂຣນາ. ເຖິງຢ່າງໃດກໍດີ, ສະຖານີໂທລະພາບ NHK ລະບຸວ່າ: ຫລັງຈາກກັບໄປໃຊ້ຊີວິດຕາມປົກກະຕິ, ໃຊ້ລົດສາທາລະນະໄດ້ ບໍ່ເທົ່າໃດວັນຕໍ່ມາລາວກັບມາປິ່ນປົວເປັນໄຂ້ ແລະ ພາຍຫລັງກວດພົບວ່າລາວຕິດເຊື້ອໄວຣັສໂຄໂຣນາອີກເທື່ອໜຶ່ງ.

    ນີ້ບໍ່ແມ່ນກໍລະນີດຽວທີ່ເກີດຂຶ້ນຢູ່ຍີ່ປຸ່ນ ມັນເກີດຂຶ້ນໄດ້ແນວໃດ ?

    ລູອິສ ຮວາເນສ ນັກໄວຣັສວິທະຍາຈາກສູນເຕັກໂນໂລຊີຊີວະພາບແຫ່ງຊາດແອັດສະປາຍ (Spanish National Centre for Biotechnolgy) ບອກວ່າ: ມີຢ່າງໜ້ອຍ 14% ຂອງຜູ້ຕິດໂຣກໂຄວິດ-19 ທີ່ກັບມາກວດພົບວ່າຕິດເຊື້ອອີກ ແຕ່ລາວເຊື່ອວ່າມັນບໍ່ແມ່ນການຕິດເຊື້ອໃໝ່ ແຕ່ເປັນເຊື້ອໄວຣັສເກົ່າທີ່ຟື້ນກັບມາອີກ.

     ໜຶ່ງໃນຄຳອະທິບາຍຂອງລາວຄື: ປະຊາກອນໂດຍລວມສ້າງພູມຄຸ້ມກັນຕໍ່ໄວຣັສນີ້ ແຕ່ການຕອບສະໜອງຂອງລະບົບພູມຄຸ້ມກັນຂອງຄົນບາງຄົນຍັງຊ້າຢູ່.

     ໄວຣັສບາງສາຍພັນສາມາດຢູ່ໃນຮ່າງກາຍໄດ້ເຖິງ 3 ເດືອນ ຫລື ຫລາຍກວ່ານັ້ນ.

ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່ - Wave100S AD to Website 2020 0 - ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່

     ຮວາເນສ ບອກວ່າ: ເມື່ອຄົນເຂົ້າຮັບການກວດ ແລະ ພົບວ່າຜົນກາຍເປັນລົບແລ້ວ ເຮົາກໍຕັ້ງສົມມຸດຖານກັນວ່າຮ່າງກາຍໄດ້ສ້າງພູມຄຸ້ມກັນຂຶ້ນໄດ້ແລ້ວ. ດັ່ງນັ້ນ ໄວຣັສກໍບໍ່ຈະກັບມາອີກ, ແຕ່ລາວບອກວ່າ: ອາດຍັງມີເຊື້ອທີ່ເຮັດໃຫ້ເກີດໂຣກບາງຊະນິດເຊື່ອງຢູ່ໃນເນື້ອເຫຍື່ອ ເຊິ່ງລະບົບພູມຄຸ້ມກັນຮ່າງກາຍຍັງບໍ່ພົບ, ແຕ່ສິ່ງທີ່ນັກວິທະຍາສາດຍັງງົງ ແລະ ສົງໄສກ່ຽວກັບໂຣກໂຄວິດ-19 ຄືໄລຍະເວລາອັນສັ້ນລະຫວ່າງຄົນໄຂ້ຫາຍ ແລະ ກັບໄປກວດພົບເຊື້ອອີກ.

     ລະບົບພູມຄຸ້ມກັນເຮັດວຽກກັບແຕ່ລະໂຣກບໍ່ຄືກັນຄື: ໂຣກຫັດ ການສັກວັກແຊງຕອນນ້ອຍເທື່ອດຽວກໍພຽງພໍ ແຕ່ມີວັກແຊງສຳລັບໄວຣັສອື່ນໆທີ່ຍັງບໍ່ມີປະສິດທິພາບເທົ່າ ແລະ ຕ້ອງສັກເພີ່ມຢ່າງສະໝໍ່າສະເໝີ ແລະ ມີວັກແຊງສຳລັບໄຂ້ຫວັດໃຫຍ່ ຫລື ໄຂ້ຫວັດທຳມະດາ ທີ່ເຮົາຕ້ອງສັກທຸກປີ ເພາະໄວຣັສເຫລົ່ານັ້ນສາມາດກາຍພັນໄດ້.

    ຈາກການທີ່ຍັງເປັນໄວຣັສສາຍພັນໃໝ່ ນັກວິທະຍາສາດຍັງບໍ່ເຂົ້າໃຈວ່າເຫດໃດໄລຍະຫ່າງລະຫວ່າງການຕິດເຊື້ອ 2 ຄັ້ງຈຶ່ງສັ້ນກ່ວາ.

     ອິຊິໂດໂຣ ມາຕິເນສ ນັກວິໄຈຢູ່ສະຖາບັນສຸຂະພາບຄາລອສທີ 3 (Carlos III Health Institute) ຢູ່ນະຄອນຫລວງມາດຣິດ ບອກວ່າ: ຖ້າບໍ່ມີລະບົບພູມຄຸ້ມກັນທີ່ເຮັດວຽກໄປໄດ້ຕະຫລອດ ໃນການລະບາດຄັ້ງຕໍ່ໄປໃນອີກໜຶ່ງ ຫລື ສອງປີ ເຈົ້າຈະກັບມາຕິດເຊື້ອອີກ ເຊິ່ງເປັນເລື່ອງປົກກະຕິ.

ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່ - WhatsApp Image 2020 05 27 at 5 - ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່
ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່ - WhatsApp Image 2020 05 27 at 5 - ເຮົາສາມາດຕິດໂຣກໂຄວິດ-19 ຊ້ຳຮອບສອງໄດ້ ຫລື ບໍ່
error: Alert: ເນື້ອຫາຂ່າວມີລິຂະສິດ !!