9 ວິທີໃຊ້ແອໃຫ້ເຢັນໄວເຢັນດົນ ແລະ ປະຢັດຄ່າໄຟ

- 030506 -     9 ວິທີໃຊ້ແອໃຫ້ເຢັນໄວເຢັນດົນ ແລະ ປະຢັດຄ່າໄຟ
- Untitled design -     9 ວິທີໃຊ້ແອໃຫ້ເຢັນໄວເຢັນດົນ ແລະ ປະຢັດຄ່າໄຟ
  1. ເຮັດຄວາມສະອາດແອ : ໂດຍລ້າງແຜ່ນກອງອາກາດດ້ວຍຕົນເອງເປັນປະຈຳທຸກອາທິດ ແລະ ລ້າງແອໝົດໜ່ວຍປີລະ 2 ເທື່ອ ເຊິ່ງຈະມີການຖອດລ້າງພາຍໃນໂດຍຊ່າງຜູ້ຊຳນານງານ ເພື່ອໃຫ້ແອເຮັດວຽກໄດ້ຢ່າງມີປະສິດທິພາບ ຈະສາມາດຍືດອາຍຸການໃຊ້ງານ ແລະ ປະຢັດຄ່າໄຟຟ້າໄດ້.
  2. ຕິດຕັ້ງໃນຕຳແໜ່ງທີ່ເໝາະສົມ : ຫລັກການຕິດຕັ້ງແອທີ່ເໝາະສົມຄື ບໍລິເວນທີ່ຕິດຕັ້ງສາມາດກະຈາຍລົມໄດ້ທົ່ວຫ້ອງ, ຫລີກເວັ້ນການຕິດຕັ້ງໃກ້ປະຕູປ່ອງຢ້ຽມ ຫລື ພັດລົມດູດອາກາດ ແລະ ຢ່າຕິດຝາທີ່ຮັບແສງແດດກ້າ ເພາະຈະເຮັດໃຫ້ແອຕ້ອງເຮັດວຽກໜັກ.
  3. ເລືອກຂະໜາດ BTU ທີ່ພໍດີກັບພື້ນທີ່ພາຍໃນຫ້ອງ : ຄ່າ BTU ແມ່ນໜ່ວຍວັດແທກປະລິມານຄວາມຮ້ອນໂດຍໃນໜ່ວຍປັບອາກາດຈະໃຊ້ໜ່ວຍວັດແທກພະລັງງານເປັນ BTU/hr ເຊິ່ງເຄື່ອງປັບອາກາດແຕ່ລະຮຸ່ນຈະມີຄ່າ BTU ແຕກຕ່າງກັນໄປ ຕັ້ງແຕ່ 9.000 – 80.000 ການເລືອກຂະໜາດຂອງແອຈຶ່ງຕ້ອງເບິ່ງໄປຕາມຄວາມເໝາະສົມຂອງຂະໜາດຫ້ອງ ຈຶ່ງຈະບໍ່ເປືອງພະລັງງານໂດຍບໍ່ເກີດປະໂຫຍດ.
  4. ເລືອກສະຫລາກປະຢັດໄຟເບີ 5 : ເລືອກໃຊ້ແອທີ່ມີສະຫລາກປະຢັດໄຟເບີ 5 ເຊິ່ງເປັນລະດັບຄວາມປະຢັດໄຟຟ້າສູງທີ່ສຸດ ແລະ ຈະມີສະຫລາກກາໝາຍຕິດຢູ່ສະເໝີ, ແອປະຢັດໄຟເບີ 5 ຈຶ່ງຄວນເປັນໂຕເລືອກທຳອິດເມ່ືອຈະຊື້ແອມາຕິດຕັ້ງພາຍໃນເຮືອນ.
  5. ຕັ້ງອຸນຫະພູມໃຫ້ພໍດີ : ປັບແອຢູ່ອຸນຫະພູມ 25 ອົງສາ ເປັນອຸນຫະພູມທີ່ພໍດີທີ່ສຸດ ຫາກຕັ້ງອຸນຫະພູມເຄື່ອງປັບອາກາດໄວ້ 26 – 27 ອົງສາ ພ້ອມກັບເປີດພັດລົມນ້ອຍໆໃຫ້ມີລົມພັດຜ່ານຮ່າງກາຍກໍສາມາດຮູ້ສຶກເຢັນໄດ້ ແລະ ຈະປະຢັດໄຟຟ້າໄດ້ເຖິງ 10 – 30%.
  6. ປິດປະຕູປ່ອງຢ້ຽມໃຫ້ແຈບ : ຄວນປິດປະຕູ ຫລື ປ່ອງຢ້ຽມໃຫ້ແຈບຂະນະເປີດແອ ເພື່ອປ້ອງກັນບໍ່ໃຫ້ອາກາດຮ້ອນຊຸ່ມຈາກພາຍນອກເຂົ້າມາ ອັນເປັນສາເຫດເຮັດໃຫ້ເຄື່ອງປັບອາກາດຕ້ອງເຮັດວຽກໜັກຂຶ້ນ.
  7. ຖ່າຍເທອາກາດຄວາມຮ້ອນ : ໃນໄລຍະເວລາທີ່ບໍ່ໃຊ້ຫ້ອງ ຫລື ກ່ອນເປີດແອປະມານ 15 ນາທີ ຄວນເປີດປ່ອງຢ້ຽມເພື່ອໃຫ້ອາກາດບໍລິສຸດພາຍນອກເຂົ້າໄປແທນທີ່ອາກາດໃນຫ້ອງ ແລະ ຫລຸດກິ່ນຕ່າງໆໃຫ້ໜ້ອຍລົງ ໂດຍບໍ່ຈຳເປັນຕ້ອງເປີດພັດລົມລະ ບາຍອາກາດ ເຊິ່ງຈະເຮັດໃຫ້ແອເຮັດວຽກໜັກຂຶ້ນ.
  8. ບໍ່ເອົາຄວາມຊຸ່ມເຂົ້າຫ້ອງແອ : ການເຮັດວຽກຂອງແອນັ້ນບໍ່ໃຊ້ໄປເພື່ອການເຮັດໃຫ້ອາກາດໃນຫ້ອງແຫ້ງ ຫລື ຮີດຄວາມຊຸ່ມອອກຈາກຫ້ອງຫລາຍ ຫາກຢາກໃຫ້ແອເຮັດວຽກໜ້ອຍກໍຢ່າເອົາສິ່ງຂອງທີ່ມີຄວາມຊຸ່ມເຂົ້າໄປໄວ້ໃນຫ້ອງທີ່ປັບອາກາດ ເຊັ່ນ : ກະຖາງຕົ້ນໄມ້, ການຕາກເຄື່ອງ ຫລື ເປີດປະຕູຫ້ອງນຳ້ໃນຫ້ອງແອ ເປັນຕົ້ນ.
  9. ບໍ່ເອົາສິ່ງຂອງຮ້ອນໆເຂົ້າໃນຫ້ອງແອ : ຫ້ອງແອບໍ່ຄວນມີເຄື່ອງຄົວ ຫລື ພາຊະນະທີ່ມີຜີວໜ້າຮ້ອນໆ ເຊັ່ນ : ເຕົາໄຟຟ້າ, ກະທະຮ້ອນ, ໝໍ້ຕົ້ມນຳ້, ໝໍ້ຕົ້ມສຸກີ້ ເຂົ້າໄປໃນຫ້ອງທີ່ມີການປັບອາກາດ ຄວນປຸງແຕ່ງໃຫ້ແລ້ວຈາກໃນເຮືອນຄົວແລ້ວຈຶ່ງເອົາເຂົ້າມາກິນພາຍໃນຫ້ອງ ເພື່ອບໍ່ເປັນການເພີ່ມຄວາມຮ້ອນໃນຫ້ອງອັນເປັນສາເຫດໃຫ້ແອເຮັດວຽກໜັກເກີນໄປ.
- WhatsApp Image 2020 05 27 at 5 -     9 ວິທີໃຊ້ແອໃຫ້ເຢັນໄວເຢັນດົນ ແລະ ປະຢັດຄ່າໄຟ
- WhatsApp Image 2020 05 27 at 5 -     9 ວິທີໃຊ້ແອໃຫ້ເຢັນໄວເຢັນດົນ ແລະ ປະຢັດຄ່າໄຟ
- Wave100S AD to Website 2020 0 -     9 ວິທີໃຊ້ແອໃຫ້ເຢັນໄວເຢັນດົນ ແລະ ປະຢັດຄ່າໄຟ
error: Alert: ເນື້ອຫາຂ່າວມີລິຂະສິດ !!