ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ

ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ - Untitled 1 1 - ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ
ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ - Untitled design - ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ

     ທຸກມື້ນີ້ໂລກອອນລາຍມີອິດທິພົນກັບເຮົາເປັນຢ່າງຫລາຍ, ທຸກຄົນມີພື້ນທີ່ຂອງໂຕເອງ, ຈະໂພສ, ຈະຂຽນ, ຈະແຊຣສົ່ງຕໍ່ຫຍັງກໍໄດ້, ເຮັດໃຫ້ເຮົາທີ່ເປັນທັງຜູ້ສື່ສານ ແລະ ຜູ້ຮັບສານຕ້ອງມີສະຕິ ແລະ ມີວິຈາລະນະຍານເປັນຢ່າງຫລາຍໃນການເສບຂໍ້ມູນຕ່າງໆ ເຊິ່ງຂ່າວທີ່ທ່ານເຫັນ ຫລື ໄດ້ຍິນມານັ້ນ ບໍ່ວ່າຈະແມ່ນຂ່າວແທ້ ຫລື ຂ່າວປອມ ທ່ານກໍຕ້ອງເລືອກໄດ້ວ່າຈະເຊື່ອ ຫລື ບໍ່ເຊື່ອ, ຈະຕິດຕາມຂ່າວຫຍັງກໍຕ້ອງມີສະຕິກັນແນ່ ລອງໄປກວດເບິ່ງກ່ອນຈະແຊຣສົ່ງຕໍ່ຂ່າວທີ່ທ່ານເຫັນ ຫລື ສົ່ງຕໍ່ສິ່ງທີ່ທ່ານໄດ້ຍິນນັ້ນອອກໄປ.

ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ - Wave100S AD to Website 2020 0 - ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ
  • ຂ່າວທີ່ທ່ານເຫັນ ແມ່ນເລື່ອງແທ້ຫລືປອມ ?
  • ຕັ້ງສະຕິ ຢ່າຟ້າວເຊື່ອ : ບາງຄົນເມື່ອເຫັນຂ່າວ ກໍປັກໃຈເຊື່ອກ່ອນເລີຍ, ບໍ່ກວດເບິ່ງຫຍັງທັງໝົດ ແລ້ວເຊື່ອຄົນດຽວບໍ່ພໍ ຍັງມີການສົ່ງຕໍ່ ຫລື ແຊຣຕໍ່ອີກ. ທາງທີ່ດີ ເມື່ອເຫັນຂ່າວ ໃຫ້ຕັ້ງສະຕິກ່ອນ, ຢ່າຟ້າວເຊື່ອທັນທີ ເຖິງວ່າໃນຂ່າວອາດຈະມີການແຄັບໜ້າຈໍສະແດງລາຍລັກອັກສອນມາເປັນຫລັກຖານ, ແຕ່ນີ້ມັນຍຸກສະໄໝໃດແລ້ວ ໂປຣແກຣມໂຟໂຕຊັອບກໍມີແລ້ວເດີ້, ເຂົາຈະຫລອກລວງ, ຈະຕົວະເຮົາຊໍ່າໃດກໍໄດ້ ຂຶ້ນຢູ່ກັບໂຕເຮົາເອງນີ້ວ່າຈະມີສະຕິລະວັງໂຕຫລາຍໜ້ອຍປານໃດ.
  • ຢ່າອ່ານແຕ່ຫົວຂໍ້ຂ່າວ : ຫລາຍຄົນອາດກຽດຄ້ານໃນການກົດເຂົ້າໄປອ່ານລາຍລະອຽດທັງໝົດຂອງຂ່າວ ຫລື ເນື້ອໃນຂອງຂໍ້ມູນເຫລົ່ານັ້ນ ອ່ານແຕ່ຫົວຂໍ້ ກໍກົດແຊຣ ຫລື ສົ່ງຕໍ່ທັນທີ. ສະນັ້ນ, ເມື່ອເຫັນຫົວຂໍ້ຂ່າວ ໃຫ້ທ່ານຢຸດກ່ອນ, ໃຈເຢັນກ່ອນ ຢ່າຟ້າວກົດແຊຣ ບາງຂ່າວກໍມັກພາດຫົວຂໍ້ຊວນໃຫ້ຄົນສົນໃຈ, ຊວນໃຫ້ຄົນກົດເຂົ້າໄປອ່ານ ເຖິງວ່າຈະເປັນເວັບໄຊຂ່າວທີ່ໜ້າເຊື່ອຖືປານໃດ ກໍບໍ່ຄວນຈະອ່ານຫົວຂໍ້ຂ່າວພຽງຢ່າງດຽວແລ້ວກົດແຊຣສົ່ງຕໍ່.
  • ເບິ່ງແຫ່ລງທີ່ມາກ່ອນເລີຍ : ຂ່າວນັ້ນມັນມາຈາກໃສ ? ໃຜເປັນຄົນຂຽນ ? ເອົາມາຈາກເວັບໄຊຂ່າວທີ່ໜ້າເຊື່ອຖື ຫລື ເຫັນຢູ່ໃນໜ້າໂລກອອນລາຍຕ່າງໆ ຫລື ມີຄົນແຊຣສົ່ງຕໍ່ກັນມາອີກເທື່ອໜຶ່ງ ? ບໍ່ວ່າຈະມາຈາກເຟສບຸກ, ທະວິດເຕີ ຫລື ສົ່ງຕໍ່ໆກັນມາໃນຂໍ້ຄວາມໃນໂທລະສັບມືຖື ກໍໃຫ້ທ່ານເອົາໄປກວດສອບເບິ່ງກ່ອນວ່າຂ່າວນີ້ມີທີ່ມາຈາກໃສ ? ຖ້າບໍ່ໄດ້ມາຈາກເວັບໄຊຂ່າວໂດຍກົງ ລອງເອົາໄປກວດເບິ່ງໃນ Google ຫລື ເຂົ້າເວັບໄຊຂ່າວ ເພື່ອຫາແຫ່ລງທີ່ເຊື່ອຖືໄດ້ ຖ້າຫາແລ້ວບໍ່ພົບ ກໍໃຫ້ຄິດໄວ້ກ່ອນເລີຍວ່າມັນບໍ່ແມ່ນຄວາມຈິງ.
  • ເບິ່ງລາຍລະອຽດຂ່າວ ແລະ ອົງປະກອບອື່ນໆ : ນອກຈາກແຫ່ລງຂ່າວແລ້ວ, ວັນເດືອນປີທີ່ຂຽນຂ່າວກໍສຳຄັນບໍ່ໜ້ອຍຄືກັນ, ບາງຂ່າວອາດຈະເປັນຂ່າວເກົ່າທີ່ຄົນໄປຂຸດມາແຊຣສົ່ງຕໍ່ກັນມາ ຫລື ຖ້າໃນໄລຍະນັ້ນມີສະພາບ ລວມໄປເຖິງຄົນຂຽນຂ່າວ ແລະ ເນື້ອໃນອື່ນໆໃນຂ່າວ ເຊັ່ນ : ການຂຽນ, ການໃຊ້ພາສາລາວຖືກຕ້ອງບໍ່, ສະກົດຜິດທຸກແຖວ ຫລື ຂຽນຂ່າວເປັນພາສາສັບຕະຫລາດຫລືບໍ່. ອີກວິທີທີ່ແນະນຳ ຖ້າໃນຂ່າວມີຮູບພາບປະກອບ ລອງເອົາຮູບພາບໄປຄົ້ນຫາໃນ Google ເບິ່ງກ່ອນ ເພາະຮູບພາບນັ້ນອາດຈະເອົາມາຈາກເວັບໄຊອື່ນ, ຂ່າວອື່ນ ທີ່ອາດຈະບໍ່ກ່ຽວຂ້ອງກັບເນື້ອໃນຂອງຂ່າວເລີຍກໍເປັນໄດ້.
  • ກ່ອນຈະເອົາມາຕັ້ງຄຳຖາມ ຫາຂໍ້ມູນດ້ວຍຕົນເອງກ່ອນ : ບໍ່ແມ່ນວ່າເຫັນຂ່າວແລ້ວກໍກົດແຊຣສົ່ງຕໍ່ທັນທີ, ໃຫ້ລອງຖາມຄົນອື່ນກ່ອນເລີຍ “ຂ່າວນີ້ແທ້ຫລືບໍ່?” ມັນກໍດີທີ່ທ່ານຕັ້ງຄຳຖາມກ່ອນທີ່ຈະເຊື່ອຢ່າງແຈບໃຈ, ແຕ່ການແຊຣສົ່ງຕໍ່ແບບນັ້ນກໍອາດຈະຍິ່ງເຮັດໃຫ້ຄົນອື່ນເຫັນແລ້ວເຂົ້າໃຈຜິດກັນໄດ້. ທາງທີ່ດີລອງຫາຂໍ້ມູນຈັກໜ້ອຍ ອາດຈະລອງຄົ້ນຫາໃນ Google  ຫລື ລອງຍ້ອນກັບໄປເບິ່ງໃນໜ້າເຟສບຸກ ເຊິ່ງປັດຈຸບັນກໍເປັນອີກວິທີທີ່ງ່າຍ ແລະ ສະດວກ.
  • ຖາມຜູ້ຮູ້ : ໃນເມື່ອມັນບໍ່ມີທາງອື່ນແລ້ວ ວິທີນີ້ກໍອາດດີທີ່ສຸດ ອາດຈະຖາມໄປຕາມສຳນັກຂ່າວຕ່າງໆ ຫລື ຖາມຄົນທີ່ຮູ້ແທ້, ຜູ້ຊ່ຽວຊານໃນດ້ານນັ້ນໆ ຫລື ຄົນທີ່ຢູ່ໃນບ່ອນເກີດເຫດ ຮັບຮອງວ່າທ່ານຈະໄດ້ຄວາມຈິງກັບມາຢ່າງແນ່ນອນ.
  • ຮູ້ວ່າປອມກໍບອກຕໍ່ນຳ : ເມື່ອກວດເບິ່ງຮຽບຮ້ອຍແລ້ວ, ຮູ້ແລ້ວວ່າຂ່າວນັ້ນເປັນຂ່າວປອມ ກໍຢ່າລືມບອກຕໍ່ໃຫ້ຄົນອື່ນຮູ້ກັນນຳ ຫລື ຖ້າເກີດຫລົງພາດໄປກົດແຊຣສົ່ງຕໍ່ໄປກ່ອນໜ້ານີ້ແລ້ວ ເມື່ອຮູ້ວ່າເປັນຂ່າວປອມ ກໍຢ່າລືມກັບໄປລົບຂ່າວ ຫລື ຂໍ້ຄວາມປອມນັ້ນຖິ້ມພ້ອມ.
ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ - WhatsApp Image 2020 05 27 at 5 - ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ
ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ - WhatsApp Image 2020 05 27 at 5 - ເຕັກນິກງ່າຍໆຊ່ວຍໃຫ້ທ່ານເປັນຄົນທີ່ເສບຂ່າວຢ່າງມີສະຕິ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!