ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - Untitled 11 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19
ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - Untitled design - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19

     ໃນສະຖານະການທີ່ໄວຣັສໂຄໂຣນາ ຫລື ໂຄວິດ 19 ເລີ່ມລະບາດໜັກໄປທົ່ວປະເທດແບບນີ້ ເຊື່ອວ່າຫລາຍໆຫ້ອງການກໍຕ້ອງປະຕິບັດຕາມນະໂຍບາຍຂອງພັກລັດໃຫ້ເຮັດວຽກຢູ່ເຮືອນ ຫລື ຢຸດການເຮັດວຽກຊົ່ວຄາວເພື່ອຢູ່ເຮືອນຕ້ານໂຄວິດ 19 ເຊິ່ງອາດເຮັດໃຫ້ຫລາຍທ່ານຮູ້ສຶກເບື່ອ, ບໍ່ມີແຮງຈະເຮັດວຽກ ກາຍເປັນຄົນກຽດຄ້ານ ແລະ ນອນໝົດມື້. ດັ່ງນັ້ນ, ລອງມາຫາກິດຈະກຳຍາມວ່າງທີ່ມີປະໂຫຍດ ທັງຊ່ວຍຕື່ມສີສັນໃຫ້ມື້ຢູ່ເຮືອນຂອງເຮົາບໍ່ໜ້າເບື່ອໄປພ້ອມໆກັນເລີຍ.

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - 093003 2020 1 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19

ອອກກຳລັງກາຍຟິດຮູບຮ່າງ : ເມື່ອຕ້ອງຢູ່ເຮືອນ ບໍ່ໄດ້ອອກໄປໃສ ບໍ່ໄດ້ເຄື່ອນໄຫວຮ່າງກາຍຕະຫລອດກໍຢ່າຖືເບົາ ກິນໆນອນໆ ເພາະດົນໆໄປນຳ້ໜັກອາດຈະຂຶ້ນໄດ້, ລອງແບ່ງເວລາອອກມາ ປະມານ 30 – 40 ນາທີເປັນຢ່າງໜ້ອຍ ແລ້ວອອກກຳລັງກາຍຟິດຮູບຮ່າງກັນດີກ່ວາ ເຊິ່ງຈະຊ່ວຍເຜົາຜານໄຂມັນໃນຮ່າງກາຍ, ສ້າງພູມຕ້ານທານພະຍາດ ທັງຍັງເຮັດໃຫ້ຮູ້ສຶກສົດຊື່ນຫ້າວຫັນ, ມີແຮງເຮັດວຽກຕໍ່ນຳອີກ.

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - 083003 2020 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19

ປຸງແຕ່ງອາຫານ – ເຮັດເຂົ້າໜົມ : ຢູ່ເຮືອນໝົດມື້ແບບນີ້ກໍຕ້ອງມີຄວາມຮູ້ສຶກຫິວກັນແນ່ຢູ່ແລ້ວ ຖ້າຫາກວ່າເຮືອນຄົວຂອງທ່ານພໍຈະມີອຸປະກອນປຸງແຕ່ງອາຫານ ຫລື ເຮັດເຂົ້າໜົມ ກໍລອງໃຊ້ເວລາວ່າງນີ້ເປີດສູດອາຫານ, ສູດເຂົ້າໜົມ, ລາຍການອາຫານໃໝ່ໆທີ່ບໍ່ເຄີຍເຮັດມາກ່ອນ ລອງສີມືກັນເບິ່ງ ບໍ່ວ່າຈະແມ່ນອາຫານທ່ຽງ, ອາຫານແລງ ຫລື ອາຫານກິນຫລິ້ນ ກໍຊ່ວຍແກ້ເບື່ອໄດ້ດີຄືກັນ.

ຈັດໂຕະເຮັດວຽກໃຫ້ເປັນຕານັ່ງ (ສຳລັບໃຜທີ່ຕ້ອງເອົາວຽກມາເຮັດຢູ່ເຮືອນນຳ) : ແນ່ນອນວ່າການເອົາວຽກມາເຮັດຢູ່ເຮືອນນັ້ນ ສະຖານທີ່ໆເຮົາຈະຕ້ອງຢູ່ກັບມັນຫລາຍທີ່ສຸດກໍຄົງໜີບໍ່ພົ້ນໂຕະເຮັດວຽກ ດັ່ງນັ້ນ, ຫາກຢາກແກ້ເບື່ອ, ຕື່ມສີສັນໃຫ້ກັບໄລຍະເວລາທີ່ຕ້ອງຢູ່ແຕ່ເຮືອນແບບນີ້ ກໍລອງລຸກຂຶ້ນມາຈັດໂຕະເຮັດວຽກຂອງທ່ານໃຫ້ເປັນຕານັ່ງຫລາຍຂຶ້ນ, ເລີ່ມຈາກເກັບສິ່ງຂອງຮົກໆ, ຈັດໃຫ້ເປັນລະບຽບຮຽບຮ້ອຍ, ຕົກແຕ່ງດ້ວຍໄອເດຍໜ້າຮັກໆ ເຊັ່ນ : ຮູບຖ່າຍ, ໂປສເຕີ, ໂປສກ໊າດ, ດອກໄມ້ຕ່າງໆກໍດີຄືກັນ ເຊິ່ງທ່ານສາມາດຫາຂໍ້ມູນກ່ຽວກັບແຮງບັນດານໃຈໃນການຕົກແຕ່ງໂຕະເຮັດວຽກໃຫ້ຮູ້ສຶກຫ້າວຫັນຂຶ້ນໄດ້ຕື່ມ.

ສັ່ງລາຍການອາຫານໃໝ່ໆມາກິນ : ແນ່ນອນວ່າການຕ້ອງຢູ່ເຮືອນແບບນີ້ ໃຜທີ່ສັ່ງອາຫານຈາກຮ້ານເກົ່າໆຈົນເບື່ອແລ້ວ ລອງຄົ້ນຫາຮ້ານໃໝ່ໆ ແລະ ສັ່ງມາກິນ (ກໍລະນີທີ່ທ່ານສາມາດສັ່ງອາຫານໄດ້ ແລະ ມີບໍລິການສົ່ງອາຫານເຖິງທີ່) ສາມາດຕື່ມສີສັນໃຫ້ກັບການເຮັດວຽກໃນແຕ່ລະມື້ຂອງທ່ານໄດ້ ເຊັ່ນ : ປົກກະຕິມັກກິນອາຫານປະເພດອາຫານຈານດ່ວນ ອາດຈະລອງມາເປັນອາຫານລາວ, ອາຫານຈີນ, ອາຫານຍີ່ປຸ່ນ, ອາຫານທະເລ ຫລື ໃຫ້ກ້າວໜ້າໄປກ່ວານັ້ນກໍອາດຈະສັ່ງຫລາຍໆລາຍການອາຫານຈາກຫລາຍໆສັນຊາດມາປະສົມປະສານກັນເອງໄວ້ກິນຫລາຍກ່ວາ 1 ຄາບ ກໍໄດ້ຄືກັນ, ແຕ່ຫາກໃຜບໍ່ສະດວກໃນການສັ່ງອາຫານໃຫ້ມາສົ່ງຢູ່ເຮືອນ ທ່ານກໍສາມາດຮຽນປຸງແຕ່ງອາຫານເຫລົ່ານັ້ນກິນເອງໄດ້ຄືກັນ ຈະຊ່ວຍທ່ານປະຢັດຂຶ້ນ ແລະ ໄດ້ກິນອາຫານສີມືຂອງຕົນເອງນຳອີກ.

ອອກແບບເຄື່ອງນຸ່ງຢູ່ເຮືອນແກ້ເບື່ອ : ການບໍ່ໄດ້ອອກໄປໃສ ເລີ່ມເບື່ອກັບການບໍ່ໄດ້ແຕ່ງໜ້າ, ແຕ່ງໂຕອອກໄປໃຊ້ຊີວິດຂ້າງນອກ ມື້ໃດທີ່ເລີ່ມເບື່ອ ທ່ານອາດຈະລອງລຸກຂຶ້ນມາແຕ່ງໂຕງາມໆຫລໍ່ໆ, ແຕ່ງໜ້າແຕ່ງຕາກັນຈັກໜ້ອຍ ເຖິງວ່າຈະບໍ່ໄດ້ອອກໄປພົບພໍ້ໃຜ ແຕ່ການມີບຸກຄະລິກກະພາບທີ່ດີຢູ່ສະເໝີແບບນີ້ ຍ່ອມສ້າງຄວາມສຸກໄດ້ດີກ່ວາການແຍງແວ່ນແລ້ວເຫັນໜ້າໂຕເອງຊຸດໂຊມແນ່ນອນ.

ຫາມຸມເຮັດວຽກໃໝ່ : ສຳລັບເຮືອນໃຜທີ່ອ່າວກ້ວາງແນ່ ໃນການເຮັດວຽກຢູ່ເຮືອນ ກໍເປັນໂອກາດໃຫ້ເຮົາໄດ້ໃຊ້ເວລາຢູ່ກັບເຮືອນຢ່າງເຕັມທີ່ ລອງແນມຫາມຸມໃໝ່ໆສຳລັບການເຮັດວຽກ ເຊັ່ນ : ປົກກະຕິເຮັດຢູ່ແຕ່ໃນຫ້ອງນອນ ອາດຈະປ່ຽນໄປເຮັດຢູ່ໜ້າຈໍໂທລະພາບໃນຫ້ອງຮັບແຂກ ຫລື ໂຕໜ້າເຮືອນ, ກ້ອງຕົ້ນໄມ້ ຫລື ເດີນຫຍ້າໜ້າເຮືອນ ເປັນຕົ້ນ.

ລອງຝຶກເຮັດງານສິລະປະຫັດຖະກຳ-ງານສີມື : ຕອນຍັງເປັນເດັກນ້ອຍໄວນັກຮຽນທຸກຄົນຕ້ອງໄດ້ຮຽນວິຊາສິລະປະຫັດຖະກຳ ເຊິ່ງມີທັງການຖັກທໍ, ຫຍິບປັກຖັກຮ້ອຍ,  ພັບເຈ້ຍ, ເຄື່ອງປັ້ນ, ແຕ້ມຮູບລະບາຍສີ, ສິລະປະຈັກສານ ວຽກງານຫັດຖະກຳຕ່າງໆ ນີ້ກໍເປັນໂອກາດຂອງທ່ານ ຖ້າພໍຈະມີເວລາວ່າງຈາກການເຮັດວຽກຢູ່ເຮືອນແລ້ວ ອາດຈະລອງຮຽນຮູ້ການເຮັດວຽກສິລະປະຫັດຖະກຳເຫລົ່ານີ້ດ້ວຍໂຕເອງນຳ ເປັນການຝຶກສະມາທິໄປໃນໂຕ ໄດ້ຜົນງານທີ່ໜ້າຮັກໆອອກມານຳອີກ.

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - Wave100S AD to Website 2020 0 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19

ຟັງເພງ, ເບິ່ງສາລະຄະດີ, ອ່ານນະວະນິຍາຍ ແລະ ເບິ່ງຮູບເງົາເລື່ອງຍາວ : ໃຫ້ທັງສາລະຄວາມຮູ້ ແລະ ຄວາມບັນເທີງໄດ້ຢ່າງດີເລີຍ. ນອກຈາກນີ້, ທ່ານຍັງສາມາດເລືອກໄດ້ຫລາຍພາສາ ບໍ່ວ່າຈະເປັນຄວາມບັນເທີງ, ການເງິນ, ການເມືອງ, ສັງຄົມ, ສັດໂລກ ກໍລ້ວນແຕ່ເປັນຄວາມຮູ້ ແລະ ມີປະໂຫຍດທັງໝົດ.

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - 073003 2020 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19
Beautiful girl in autumn forest reading a book.woman holds a book

ຮຽນຫລັກສູດອອນລາຍຝຶກພາສາ : ອີກໜຶ່ງກິດຈະກຳຢູ່ເຮືອນທີ່ໜ້າສົນໃຈສຳລັບຄົນມີເວລາຫລາຍເຫລືອເຝືອ ມາລອງສະໝັກຮຽນຫລັກສູດອອນລາຍກັນດີກ່ວາ ເຊິ່ງປັດຈຸບັນກໍມີໃຫ້ເລືອກຮຽນຫລາກຫລາຍຂະແໜງ ບໍ່ວ່າຈະແມ່ນການຕະຫລາດ, ສິລະປະ, ປຸງແຕ່ງ, ພາສາຕ່າງປະເທດ ແມ່ນແຕ່ສະຖາປັດຕະຍະກຳທ່ານກໍສາມາດຮຽນອອນລາຍໄດ້ ໂດຍສ່ວນຫລາຍຈະສອນເປັນພາສາອັງກິດ ເຊິ່ງທ່ານຈະໄດ້ຖືໂອກາດນີ້ຝຶກພາສາອັງກິດໄປພ້ອມໆກັນ.

ຮຽນດົນຕີດ້ວຍຕົນເອງ : ມີໃຜທີ່ຕອນຍັງນ້ອຍຢາກຮຽນດົນຕີແຕ່ບໍ່ມີໂອກາດຫລືບໍ່ ? ເມື່ອໃຫຍ່ມາແລ້ວກໍອາດຈະບໍ່ມີເວລາໄປຮຽນແບບຈິງຈັງ ຂໍແນະນຳໃຫ້ທ່ານໃຊ້ເວລາທີ່ເຫລືອຈາກການເຮັດວຽກຢູ່ເຮືອນ ຫລື ການຢູ່ເຮືອນຕ້ານໂຄວິດ 19 ນີ້ ເປີດຄລິບວີດີໂອຮຽນດົນດີອອນລາຍດ້ວຍຕົນເອງກໍເປັນການແກ້ເຫງົາແກ້ເບື່ອໄດ້ດີບໍ່ໜ້ອຍ.

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - 063003 2020 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19

ປູກຕົ້ນໄມ້ ຫລື ເຮັດສວນ : ສຳລັບໃຜທີ່ເບື່ອກັບຄວາມອຸດອູ້ຢູ່ແຕ່ເຮືອນດົນເປັນອາທິດສອງອາທິດ ລອງປ່ຽນບັນຍາກາດ ຍ່າງອອກມາໜ້າເຮືອນ ຫລື ຫລັງເຮືອນ ຈັບຫຍັງງ່າຍໆ ເຊັ່ນ : ຕົ້ນໄມ້ຕົ້ນນ້ອຍໆມາປູກ, ເຮັດສວນ, ປູກຜັກ, ເພີ່ມພື້ນທີ່ສີຂຽວໃຫ້ແກ່ເຮືອນກໍດີຄືກັນ. ສ່ວນໃຜທີ່ຢູ່ຫ້ອງເຊົ່າ, ຫໍພັກ ອາດຈະລອງຫາມຸມທີ່ສາມາດວາງຕົ້ນໄມ້ຕົ້ນນ້ອຍໆ ຫລື ກະຖາງປູກຜັກໄດ້ ເຊັ່ນ : ລະບຽງ, ຫລັງຫ້ອງ, ໜ້າຫ້ອງ ປູກດອກໄມ້ ຫລື ຜັກໃນກະຖາງ, ໃນກະຕຸກປລາສະຕິກ ເຊິ່ງທ່ານຈະໄດ້ທັງຄວາມງາມຈາກດອກໄມ້ ແລະ ໄດ້ພືດຜັກປອດສານພິດມາກິນເພື່ອສຸຂະພາບນຳອີກ.

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - 023003 2020 1024x576 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19
ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - 053003 2020 1 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19

ອ່ານໜັງສືທີ່ເຄີຍອ່ານຄ້າງໄວ້ຍັງບໍ່ຈົບ : ກິດຈະກຳສຸດທ້າຍທີ່ເຮົາຢາກແນະນຳ ກິດຈະກຳນີ້ອາດຈະຕ້ອງໃຊ້ສະມາທິ ນັ້ນກໍແມ່ນການຈັບເອົາໜັງສືໃນເຮືອນຂຶ້ນມາອ່ານ ເຮົາເຊື່ອວ່າທຸກຄົນຕ້ອງມີໜັງສືເຫລັ້ມທີ່ຍັງອ່ານບໍ່ທັນຈົບ, ເຫລັ້ມທີ່ຊື້ມາແຕ່ດົນ ແຕ່ຍັງບໍ່ມີໂອກາດໄດ້ອ່ານ ລວມເຖິງໜັງສືທີ່ຢາກອ່ານ ແຕ່ຍັງບໍ່ມີໂອກາດໄດ້ຊື້ມາອ່ານ. ສະນັ້ນ, ເມື່ອມີເວລາແບບນີ້ ກໍຖືເປັນໂອກາດອັນດີທີ່ທ່ານຈະໄດ້ອ່ານມັນໃຫ້ຈົບຈັກເທື່ອ.

ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - WhatsApp Image 2020 05 27 at 5 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19
ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19 - WhatsApp Image 2020 05 27 at 5 - ລວມກິດຈະກຳແກ້ເບື່ອ ເມື່ອຕ້ອງຢູ່ເຮືອນຕ້ານໂຄວິດ 19
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!